Connect with us

ჯანმრთელობა

დაიწყეთ დილა მსუბუქი ვარჯიშებითა და გახურებით. ორგანიზმი, განსაკუთრებით კი ხერხემალი, სიცოცხლის ბოლომდე მადლიერი იქნება

წელის ტკივილი სახუმარო საქმე არაა! თუ თქვენი დილა არა ყავით, არამედ წელის უსიამოვნო ტკივილით იწყება, აუცილებლად მსუბუქი ვარჯიშები შეასრულეთ. ყველაფერი, რაც თქვენ დაგჭირდებათ, ხალიჩა და მოთმინებაა.

ვარჯიში ძალიან ნელა უნდა შეასრულოთ. ორიენტაცია არა სიჩქარეზე, არამედ კუნთების მაქსიმალურ მოდუნებასა და წელის არეში ტონუსი მომატებაზე უნდა გაამახვილოთ.

როგორ შევასრულოთ ვარჯიში

ვარჯიშის დაწყებამდე აუცილებელია მოთელვა გააკეთოთ, რომელიც კუნთების გახურებასა და მოდუნებაზე იქნება ორიენტირებული. გახსოვდეთ, სერიოზული ვარჯიშების შესრულება კარგი მოთელვის გარეშე არ დაიწყოთ.

მოთელვა

1. ზურგზე დაწექით, ფეხები მუხლებში მოხარეთ და ზურგის ქვედა ნაწილი ამოსწიეთ. ნელ-ნელა ასწიეთ და დასწიეთ ისე, რომ ბეჭები და დუნდულები იატაკზე დატოვოთ. ასე კუნთებს გაჭიმავთ და წელის არეს გაახურებთ.

2. ახლა დუნდულები ასწიეთ და ამ მდგომარეობაში 10 წამით გაჩერდით. 3-ჯერ გაიმეორეთ.

3. დუნდულები იატაკზე დასწიეთ და ფეხი შენსკენ მიწიეთ. ფეხი მუცელზე დააჭირეთ და ზემოთ ასწიეთ. იგივე მეორე ფეხზეც გაიმეორეთ. ეს ვარჯიში თითოეულ ფეხზე რამდენჯერმე შეასრულეთ.

ბრუნვა

1. პირველი ბრუნის შესასრულებლად ზურგზე დაწექით და ერთი ფეხი მუხლში მოხარეთ. ეცადეთ მუხლი იატაკზე რაც შეიძლება ახლოს გქონდეს. მოძრაობა თქვენთვის კომფორტულ პოზაში გააგრძელეთ. თითოეულ ფეხზე რამდენჯერმე შეასრულეთ.

2. შემდეგი ბრუნვა ზურგზე დაწოლილი სრულდება. ორივე ფეხი მოხარეთ და ტერფები შეაერთეთ. ხელები ზემოთ ასწიეთ. ახლა ორივე მხარეს თანმიმდევრობით ბრუნვა დაიწყეთ. გახსოვდეთ, რომ ბრუნვა ნელა უნდა შეასრულოთ. თითოეული კუნთის შეგრძნება სცადეთ.

3. ეს ვარჯიში სტატიკურია. ფეხები მუხლებში მოხარეთ, ხელები წინ ასწიეთ და ზურგის ყველა კუნთის მაქსიმალურად მოდუნება სცადეთ. ამ მდგომარეობაში 20 წამით გაჩერდით.

4. ვარჯიშის შესასრულებლად ზურგზე დაწექით, ხელები გვერდზე გასწიეთ, მარცხენა ფეხი მუხლში მოხარეთ და შენგან მარჯვნივ გადაწიეთ. ამ მდგომარეობაში რაც შეიძლება დიდხანს გაჩერდით. იგივე მეორე ფეხზე გაიმეორეთ. ვარჯიშის გართულებას შეძლებთ, თუ ფეხს დაჭიმავთ და თითის წვერებს ქვემოთ დაწევთ.

ასეთი ვარჯიში ზურგის კუნთებს კარგად ჭიმავს და გვერდითა პრესის კუნთები ტონუსში მოჰყავს. თუ სპორტულ დარბაზში ბევრს ვარჯიშობთ, მწვრთნელს აუცილებლად სთხოვეთ, ბრუნვის სწორად შესრულება გასწავლოთ.

5. ორივე ფეხი მუხლებში მოხარეთ და მარჯვნივ გადაწიეთ. ამ მდგომარეობაში თქვენთვის მაქსიმალურად კომფორტული დროით დაკავდით. გაიმეორეთ, მეორე მხარეს.

ბრუნვის დასრულების შემდეგ მოთელვიდან რომელიმე ვარჯიში შეასრულეთ. ზურგის და წელის ტკივილი სრულად რომ მოიშოროთ, ეს ბრუნვები ყოველდღე შეასრულეთ.

გვერდითა ბრუნვები წელის ნაწილის დასაჭიმად აუცილებელია, მაგრამ ისინი მუცლის კუნთების მუშაობასაც ხელს უწყობენ. კანქვეშა დაბალი ცხიმის შემთვევაში ბრუნვის წყალობით ლამაზ ფორმებს მარტივად მიიღებთ. არ დაგავიწყდეთ, მუცელი მხოლოდ ჩასუნთქვის უნდა გაბეროთ.

თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.