Connect with us

ჯანმრთელობა

ზეითუნის გამოყენების 10 მოულოდნელი გვერდითი მოვლენა

ზეითუნის ზეთს, ხშირად, მოიხსენებენ, როგორც ნებისმიერი ჯანსაღი დიეტის აუცილებელ შემადგენელ ნაწილს. თუმცა, ზეითუნის ზეთის დამატება რაციონში ჯანმრთელობისთვის სასარგებლოა, არსებობს რისკები, რომელთა შესახებაც აუცილებლად უნდა იცოდეთ.

1. წონაში მატება

ჯანსაღი თუ არა, ზეითუნის ზეთი მაინც ცხიმია, ცხიმს კი თან ახლავს უამრავი კალორია. 1 ს.კ. ზეთი შეიცავს დაახლოებით 119 კალორიას. ამ პროდუქტის რეგულარული მოხმარება(განსაკუთრებით, ფიზიკური აქტივობის ნაკლებობისას) წონაში მატების გამომწვევი შეიძლება გახდეს, ამიტომ, სანამ მას რაციონში ჩართავდეთ, გაითვალისწინეთ კალორაჟიც.

2. საკვების ჭარბი მიღება

ზეითუნის ზეთი ხელს უწყობს სწრაფად დანაყრებას, თუმცა, ეს არც ისე კარგია, როგორც თქვენ ფიქრობთ. შედეგად, თქვენ უფრო ნაკლებ ხილს, ბოსტნეულს, მარცვლეულსა და უცხიმო ცილას ჭამთ.

თუმცა, ზოგიერთი ადამიანი ვერ ნაყრდება ზეითუნის ზეთის მოხმარების დროსაც კი, ამიტომ შეიძლება მან ზომაზე მეტი ჭამოს. როცა ცხიმები და კალორიები, რომლებსაც ზეთი შეიცავს, სხვა ყველაფერს შეერევა, გამოიწვევს წონაში მატებასა და ჯანმრთელობისთვის რისკს.

3. არასწორი დიეტა

ზეითუნის ზეთის დამატებას არანაირი აზრი არ აქვს ტიპიურ, არაჯანსაღ დიეტაში. ზეთის უპირატესობა ნამდვილად იზრდება ხმელთაშუაზღვის დიეტის ჩარჩოებში, თუმცა ღუპავს მათ, ვინც კარტოფილ ფრისა და ბურგერებს მიირთმევს.

4. აორთქლების წერტილი

თუ საკვებს ძალიან მაღალ ტემპერატურაზე ამზადებთ, საუკეთესო არჩევანი იქნება ცხიმი აორთქლების უფრო მაღალი წერტილით, მაგალითად, ქოქოსის ზეთი. 207 გრადუსზე მაღალი ტემპერატურა გულისთვის სასარგებლო ზეითუნის ზეთს მავნე პროდუქტად აქცევს. ამიტომ, თუ საკვებს ძლიერ ცეცხლზე ამზადებთ, ნუ გამოიყენებთ ზეითუნს.

5. ჯანმრთელობის ცრუ შეგრძნება

მაგალითად, თუ გარკვეული დაავადების პროფილაქტიკისთვის დანამატს იღებთ, შეიძლება იფიქროთ, რომ დაცული და უფრო ჯანმრთელი ხართ მაშინაც კი, თუ ცხოვრების წესში მნიშვნელოვანი ცვლილებები არ შეგიტანიათ. ზეითუნის ზეთის დამატება ყოველდღიურობაში არ გვაძლევს ჯანმრთელობის გარანტს.

6. ზიანი სისხლძარღვებისა და სისხლის ნაკადისთვის

ზეითუნის ზეთს გულ-სისხლძარღვთა სისტემისთვის სასარგებლო პროდუქტის რეპუტაცია აქვს და, ბევრი ადამიანი ფიქრობს, რომ ამ ზეთის გამოყენებით, გულისა და არტერიების მდგომარეობას აუმჯობესებს. ისინი ცდებიან. ერთმა კვლევამ დაადასტურა, რომ ზეითუნის ზეთის შემცველი საკვები სისხლძარღვებს უფრო მეტად ვნებდა, ვიდრე ბერძნული კაკალი.

7. ფასთან შეუსაბამო ხარისხი

ზეითუნის ზეთის ხარისხი შეიძლება არ იყოს იმდენად მაღალი, რამდენადაც მისი ფასი. ხშირად, ზეთს იაფფასიან რაფინირებულ ზეითუნის ზეთთან აზავებენ. ზოგიერთი მწარმოებელი წვრილი ასოებით მიუთითებს, რომ პროდუქტი ზეითუნისა და მზესუმზირის ზეთების ნარევს წარმოადგენს და არ ურთავს პროპორციებს. ხარისხიანი ზეთის შემადგენლობაში უნდა ეწეროს: 100% Olive Oil ან “Natural”.

8. არასწორი შენახვა

იპოვეთ გაუმჭვირვალე ბოთლი ან მუქი შუშის ჭურჭელი მაინც, რომელიც თქვენს პროდუქტს სინათლისგან დაიცავს. დროთა განმავლობაში, სითბოსა და სინათლის ზემოქმედება იწვევს ზეთის ამჟავებას, რაც მის სარგებლობას ამცირებს. დარწმუნდით, რომ მას გრილ, ბნელ ადგილას ინახავთ. არაა აუცილებელი მისი მაცივარში შენახვა, თუმცა, არც ქურის გვერდითაა მისი ადგილი.

9. დაბალი კვებითი ღირებულება

ყველა თვლის, რომ ზეითუნის ზეთი სასარგებლო ან “ნაკლებად მავნეა”, როცა საუბარი ცხიმებსა და ზეთებზეა, თუმცა, ვერ ვიტყვით, რომ იგი მდიდარია საკვები ნივთიერებებით. ვიტამინები და მინერალები მასში საერთოდ არაა, რასაც ვერ ვიტყვით ავოკადოზე. ეს ნაყოფი შეიცავს ცილას, А, С, В-6 ვიტამინებს, მაგნიუმსა და დიდი რაოდენობით რკინას.

10. ცუდი შენახვის ვადა

Olive Oil Times-ის მონაცემებით, შეერთებულ შტატებში არსებული ზეითუნის ზეთების უმეტესობა უკვე “ვადაგასულია”, რის შესახებაც მომხმარებლებმა არაფერი იციან. იცოდეთ, რომ დროთა განმავლობაში ზეთის სასარგებლო თვისებები ქრება, ამიტომ არაა რეკომენდებული მისი შენახვა 3 თვეზე მეტი ხნით.

აქვე, ზეთის ხარისხის შემოწმების მარტივი ხერხი: დაიწვეთეთ ზეთი ხელზე და შეიზილეთ. თუ მას კანი კარგად შეიწოვს, ზეთი ხარისხიანია.