ძლიერი საშუალება თირკმლების და ღვიძლის გასაწმენდად და იმუნიტეტის ასამაღლებლად: 3 რეცეპტი

ძლიერი ჯანსაღი თვისებების წყალობით ეს საშუალება ჩვენი ჯანმრთელობისთვის ნამდვილი საგანძური და ბევრი დაავადების საწინააღმდეგოდ შესანიშნავი მოკავშირეა.

ჩვეულებრივ, ნედლ ჭარხალს სალათების მოსამზადებლად ვიყენებთ. სინამდვილეში, შეგიძლიათ მრავალრიცხოვან რეცეპტებში ძირითადი ინგრედიენტის სახით გამოიყენოთ. ასევე სმუზებში – ეს გამაჯანსაღებელი და ძალიან სასარგებლო ჯანსაღი ვარიანტია, რომელიც შეგიძლიათ სხვა ხილთან და ბოსტნეულთან კომბინაციაში გამოიყენოთ. ასე მკვებავ და სამკურნალო თვისებებს გაზრდით.

ჭარხლის უპირატესობა

• საჭმლის მონელებას ხელს უწყობს, გულძმარვას ამცირებს და გასტრიტს ებრძვის.
• სისხლის მიმოქცევას ხელს უწყობს, არტერიულ წნევას არეგულირებს, არტერიების კედლებზე ნალექის წარმოქმნას და გულ-სისხლძარღვთა დაავადებების განვითარებას აფერხებს.
• ბოსტნეული მდიდარია ნატრიუმით, რკინით, მაგნიუმით და C ვიტამინით. შედეგად, იმუნიტეტს აძლიერებს, ანემიას ებრძვის და ძვლების მდგომარეობას აუმჯობესებს.
• მენსტრუაციულ სპაზმებს, ასევე თავის ტკივილს აქრობს.

სასარგებლო რეცეპტები ჭარხლით

სხვადასხვა საჭიროებისთვის ჭარხლის ეს 3 რეცეპტი შეგიძლიათ გამოიყენოთ. აირჩიეთ ის, რომელიც უფრო შეესაბამება იმას, თუ რას ჭამთ და მისი უპირატესობის გამოყენება დაიწყეთ.

ღვიძლის და თირკმლების გამწმენდი წვენი

მისი მომზადება იმდენად მარტივი და ადვილია, რომ მიღებულ შესანიშნავ შედეგებს ვერც კი დაიჯერებთ! ორგანიზმის გასაწმენდად ძალიან ეფექტური შინაურული ვარიანტია. ყველაფერი, რაც თქვენ დაგჭირდებათ, 1 ჭარხალი და რამდენიმე სტაფილოა.

ორი სტაფილო გაასუფთავეთ და ჭარხალთან ერთად კარგად გარეცხეთ. ჭარხალს ქერქი არ მოაშოროთ, რადგან ყველაზე ბევრ რკინას სწორედ ის შეიცავს. 2 სტაფილო და ცოტა ჭარხალი ბლენდერის ჭიქაში მოათავსეთ. ნახევარ ჭიქაზე ცოტა ნაკლები წყალი დაუმატეთ და დააქუცმაცეთ. 1 კვირის განმავლობაში ყოველდღე უზმოზე დალიეთ.

ძალების აღმდგენი წვენი დაღლილობის საწინააღმდეგოდ

წვენი სპეციალურად შექმნილია იმისთვის, რომ დილიდანვე ენერგიით დაგმუხტოთ. თქვენ უბრალოდ დაგჭირდებათ ჭარხალი, რამდენიმე ფორთოხალი, თაფლი და 1 მუჭა მარწყვი (სურვილის მიხედვით).

ჭარხალი კარგად გარეცხეთ და მცირე რაოდენობა ბლენდერის ჭიქაში მოათავსეთ. 2 ფორთოხლის წვენი, ცოტა თაფლი დაუმატეთ და აურიეთ. დილით, უზმოზე საუზმის მიღებამდე 30 წუთით ადრე დალიეთ. ჯანსაღი და გამამხნევებელი ვარიანტი მათთვის, ვისაც დამატებითი ენერგიის მარაგი სჭირდება.

სისხლის მიმოქცევის მასტიმულირებელი წვენი

თუ სისხლის მიმოქცევასთან დაკავშირებული პრობლემები გაქვთ, მდგომარეობის გასაუმჯობესებლად ამ ინგრედიენტების ნარევზე უკეთესი არაფერია. ცოტა ჭარხალი, ნახევარი ჩაის კოვზი გახეხილი კოჭა, 1 ვაშლი, 1 კბილი ნიორი და 1 ღერო ნიახური.

ინგრედიენტები კარგად გარეცხეთ და დააბლენდერეთ. ყოველ ორ დღეში მთავარი კერძის მიღებამდე დალიეთ. ასე აუცილებელ დრომდე გააგრძელეთ. შედეგად, თქვენი სისხლის მიმოქცევა გაუმჯობესდება.

მარტივი და ეფექტური საშუალება ორგანიზმს ბუნებრივი გზით გაწმენდს და ჯანმრთელობას გააძლიერებს. ცდად ღირს!