კულინარია
4 კვერცხი, 200 გრამი ხაჭო და 120 გრამი შაქარი. ძალიან ნაზი, მსუბუქი და გემრიელი ტორტი თვალსა და ხელს შუა მზადდება
![](https://alltime.ge/wp-content/uploads/2019/04/desert.jpg)
ძალიან მარტივი, გემრიელი, ნაზი ბისკვიტის ტორტი, მომზადებული ჩვენ მიერ შემოთავაზებული რეცეპტით, კულინარიული ხელოვნების ნამდვილ შედევრად იქცევა და მოხიბლავს როგორც ოჯახის წევრებს, ისე სტუმრებს თავისი უჩვეულო გემოთი.
ინგრედიენტები
- 120 გ ფქვილი
- 4 კვერცხი
- 240 გ შაქარი
- 1/2 ჩ.კ. ვანილინი
- 1 ჩ.კ. გამაფხვიერებელი
- მწიკვი მარილი
- კაკაოს ფხვნილი
- 200 გ ხაჭო(9-15% ცხიმიანობით)
- 250 მლ ნაღები 33%-იანი
მომზადება
- ღრმა ჭურჭელში ათქვიფეთ 4 კვერცხი მიქსერით, თანდათან დაუმატეთ 120 გ შაქარი.
- ცალკე ღრმა თასში გაცერით ფქვილი, შეურიეთ გამაფხვიერებელი, მწიკვი მარილი, 1/4 ჩ.კ. ვანილინი და მოურიეთ.
- მცირე ულუფებად დაუმატეთ ფქვილის მასას კვერცხის მასა, ფრთხილად მოურიეთ ერთგვაროვანი მასის მიღებამდე,
- სწორკუთხა საცხობ ფორმაში, 20-30ზე ზომით, ჩააგეთ პერგამენტი, წაუსვით ზეთი ან კარაქი, დაასხით მომზადებული ცომი, თანაბრად გადაანაწილეთ მთელ ზედაპირზე.
- გააცხელეთ ღუმელი 200 გრადუსამდე და შედგით ნამცხვარი 10 წუთით.
- ახლა კრემი უნდა მოამზადოთ. ამისთვის ღრმა თასში შეურიეთ ხაჭო, 120 გ შაქარი და 1/4 ჩ.კ. ვანილინი. ბლენდერით მიიყვანეთ ერთგვაროვანი მასის კონსისტენციამდე და დარწმუნდით, რომ კენჭები არ აქვს. ნაღები გააცივეთ, ათქვიფეთ მიქსერით გასქელებამდე და დაუმატეთ ხაჭოს მასას.
- მზა ბისკვიტი გამოიღეთ ღუმელიდან, გააგრილეთ და დაჭერით ორ ნაწილად. ჩამოაჭერით გვერდები,
- ქვედა ფირფიტა დადეთ ლამაზ თეფშზე, წაუსვით კრემის 2/3, თანაბრად გადაანაწილეთ ყველგან, ზემოდან დაადეთ მეორე ფენა და დარჩენილი კრემი გადაანაწილეთ ზედაპირსა და გვერდებზე.
- საცრით მოაყარით ტორტს ზემოდან კაკაოს ფქვილი და შედგით მაცივარში 2 საათით მაინც, კარგად რომ გაჯერდეს კრემით.
გემრიელად მიირთვით!
![](https://alltime.ge/wp-content/uploads/2018/12/Alltime.png)