პირველი ჭურჭლის სარეცხი მანქანა თითქმის საუკუნის წინ, 1886 წელს გამოიგონეს, თუმცა ამ თანაშემწეებს ჩვენს სამზარეულოში არც თუ ისე ფართოდ იყენებენ.

ნაწილობრივ, ეს შეიძლება ახალი სამზარეულოს ტექნიკის მიმართ ტრადიციულ სიფრთხილეს მივაწეროთ. ნამდვილად ასე საჭიროა ჭურჭლის სარეცხი მანქანა? სკეპტიკოსები ირწმუნებიან, რომ მანქანის ღირებულება, მის გამო სამზარეულოს გადაკეთება, ელექტროენერგია და საჭირო საშუალებების შეძენა მომგებიანი არაა.

მათი თქმით, რამდენიმე თეფშს ხელით უფრო მარტივად და სწრაფად გარეცხავთ, მით უმეტეს, რომ ტექნიკა ჭურჭელს ყოველთვის იდეალურად არ რეცხავს, თეფშებს ხან მიკრული მაკარონი არ შორდება, ხან ლაქები რჩება.

სამზარეულოს ავტომატური ტექნიკის მოყვარულებს მხარი რომ დავუჭიროთ სკეპტიკოსები დავამშვიდოთ, გეტყვით, რომ პრობლემა ყოველთვის ტექნიკაში არაა.  რეცხვის ხარისხზე რიგი ფაქტორები გავლენას ახდენს და დღეს მათ შესახებ გიამბობთ.

ჭურჭლის სარეცხი მანქანის გამოყენება

1. ხისტი წყალი

თეფშებზე ლაქების გაჩენის ერთ-ერთი გავრცელებული მიზეზი წყლის გაზრდილი სიხისტეა, ანუ წყალში მაგნიუმის და კალციუმის მარილების დიდი რაოდენობა.

წყლის სიხისტის განსაზღვრა რამდენიმე ნიშნით შეგიძლიათ: სარეცხი საშუალება ნაკლებად ქაფდება, ჩაიდნის კედლებზე ნადები სწრაფად ჩნდება, სანტექნიკაზე თეთრი ნადები ჩნდება, დაბანის შემდეგ კანის სიმშრალის და დაჭიმულობის შეგრძნება გაქვთ.

ჭურჭლის სარეცხ მანქანას თავისი ფუნქციების იდეალურად შესრულებაში რომ დაეხმაროთ, პირველ რიგში წყლის სიხისტე შეამოწმეთ. შემდეგ მანქანა ინსტრუქციის შესაბამისად წყლის მდგომარეობის მიხედვით მოაწყვეთ. ჩვეულებრივ, ამის შემდეგ ჭურჭელზე თეთრი ლაქები ქრება და ნაკლებად შესამჩნევი ხდება.

ჩემს მანქანას სავლების განყოფილებაში 1-დან 5-მდე სკალა და ისარი აქვს, რომლის მიხედვით ხისტი წყლის საჭირო მაჩვენებელი შეგიძლიათ დააყენოთ. ახალ მანქანებს შეიძლება სულ სხვა სისტემა ჰქონდეთ.

2. დაბინძურებული ფილტრები

უნდა გესმოდეთ, რომ ჭურჭლის სარეცხი მანქანა ყოველი გამოყენების შემდეგ უნდა გაწმინდოთ: საკვების ნარჩენები მოაშოროთ და კამერა და კარი კარგად გაწმინდოთ.

თვეში ერთხელ მანქანა უფრო დეტალურად უნდა გაწმინდოთ. ჭურჭლის სარეცხი მანქანის ძირში მდებარეობს ფილტრი, რომელიც უნდა გამოიღოთ, ჭუჭყის არსებობა შეამოწმოთ და სუფთა წყლით გარეცხოთ.

3. ცხიმიანი ნადები

პროფილაქტიკის მიზნით რამდენიმე კვირაში ერთხელ ჭურჭლის სარეცხი მანქანა სპეციალური გამწმენდი საშუალებით გარეცხეთ, რომელიც ცხიმიან ნადებს მოაშორებს. ეს შეიძლება იყოს, მაგალითად ჭურჭლის სარეცხი მანქანის გამწმენდი საშუალება „finish”.

მიმოხილვების მიხედვით, მისი გამოყენებით ჭურჭელზე თეთრ ნადებს თავიდან მოიშორებთ, ფილტრს ცხიმიანი ნადებისგან გაწმენდთ და ჭურჭლის სარეცხი მანქანის რთულად მისაღწევ ნაწილებს გარეცხავთ.

4. სავლები საშუალება

თუ თეფშებზე ლაქები მაინც ჩნდება, Henkel-ის სავლები საშუალება „Somat” სცადეთ. ჭურჭლის სარეცხ მანქანაში გამოიყენება აგრესიული ნივთიერება, რომელიც რთულ ლაქებს და ჭუჭყს სწრაფად და ეფექტურად წმენდს. თეფშები, ჭიქები და სხვა ნივთები წამიერად გაიწმინდება.

თუმცა წყლის ძლიერმა ნაკადმაც შეიძლება ამ საშუალების ნარჩენები ბოლომდე ვერ მოაშოროს. შედეგად ზედაპირი ნაკლებად სუფთა ჩანს. სავლებ საშუალებაში შემავალი კომპონენტები სარეცხი საშუალებების ნარჩენებს აქრობს და მომავალში თეფშიდან და ჭიქიდან საკვებში მოხვედრის საშუალებას არ აძლევს.

ასევე ზედაპირზე წყლის გაჩერებას ამცირებს და მის აორთქლებას აჩქარებს. ამ პროცესის წყალობით ჭურჭლის გაშრობა სწრაფად სრულდება და ასე ელექტროენერგიის დაზოგვას შეძლებთ.

ახლა უკვე იცით, თუ როგორ გამოიყენოთ ჭურჭლის სარეცხი საშუალება. თუ სახლში თანამედროვე ტექნიკა გამოჩნდა, მის სწორად მოხმარებას და სირთულეების თავიდან აცილებას უკვე შეძლებთ.