Connect with us

ჯანმრთელობა

იაპონელი გასტროენტეროლოგი “შეწყვიტეთ ტონობით აბების მიღება, კარგი ჯანმრთელობისთვის ეს სულაც არ არის საჭირო”

იაპონელები დიდხანს ცოცხლობენ. ისინი ასაკშიც შესანიშნავად გამოიყურებიან და არაჩვეულებრივი ჯანმრთელობაც აქვთ. რაში მგომარეობს ამის მიზეზი? ერთ-ერთი უმნიშვნელოვანესი ფაქტორი – სწორი კვებაა! აი რას გვირჩევს ჯანმრთელობისა და დიდხანს სიცოცხლისთვის – ერთ-ერთი ცნობილი იაპონელი გასტროენტეროლოგი – ჰირომი შინია.

მას 40 წლიანი გამოცდილება აქვს და საკმაოდ ფართო წრეებისთვის არის ცნობილი. მისი შრომები სწორი კვების პრინციპებს ეძღვნება. თავის წიგნებში მან მთელი პროგრამა დაწერა, რომლებსაც ცნობილის სახეებიც კი იყენებენ. ექიმი ამტკიცებს, რომ ჯანმრთელობის აღდგენა წამლების გარეშეც შეიძლება, ამისთვის უბრალოდ ჩვენი რაციონი უნდა შევცვალოთ.

რას გვირჩევს იაპონელი ექიმი? მისი თქმით, ჯანმრთელობისკენ გადადგმული პირველი ნაბიჯი – მავნე ჩვევებისგან გათავისუფლება უნდა იყოს. გარდა ამისა, ის ამტკიცებს, რომ ცხოველური პროდუქტების გამოყენება დამღუპველად მოქმედებს ჯანმრთელობაზე. მასში შედიან რძის პროდუქტები. ისინი დაჟანგულ ცხიმებს შეიცავენ რომლებიც მავნე ბაქტერიების რაოდენობას ზრდიან, ეს ტოქსინების და რადიკალების წარმოქმნას უწყობს ხელს, რაც ისეთი დაავადებებს წარმოაქმნის როგორიცაა კიბო და შაქარი.

ექიმი არ გვეუბნება, რომ საერთოდ უარი ვთქვათ ხორცზე, ის ამტკიცებს, რომ გაცილებით მნიშვნელოვანია პროდუქტების სწორი შეთავსება. გვირჩევს ჩვენი კვება ისე დავაბალანსოთ, რომ ხორცი მხოლოდ მის 10-15%-ს შეადგენდეს, ხოლო მცენარეული პროდუქტი კი 85-90%-ს.

რაციონში, პროდუქტების სწორი შეფარდება

მარცვლეული – რაციონის 50%

მარცვლეული აუცილებლად უნდა გვქონდეს რაციონში, რადგან სწორედ ისინი შეიცავენ ბოჭკოსა და მიკროელემენტებს რომლებიც ჩვენი ორგანიზმისთვის მნიშვნელოვანია. თუმცა მათგან მაქსიმალური სარგებლის მისაღებად გადაუმუშავებელ მდგომარეობაში უნდა მივიღოთ (მაგალითად გადაუმუშავებელი ბრინჯი), რადგან გარსი, რომელიც მარცვლებს აკრავს – ნახშირწყლების სწრაფ ათვისებაში გვეხმარება, შესაბამისად აჩქარებს საჭმლის მონელებას.

ხილი და ბოსტნეული – რაციონის 35-40%

ჩვენი ორგანიზმისთვის აუციებელი ვიტამინებისა და მიკროელემენტების შეუცვლელი წყარო. აჯობებს ისინი უმად მიიღოთ, რადგან თერმული დამუშავება ვიტამინების რაოდენობას ამცირებს.

ხორცი – რაციონის 10-15%

ხორცს ასეთი პატარა წილი იმიტომ აქვს, რომ ორგანიზმი მის გადამუშავებაზე ძალიან დიდ ენერგიას ხარჯავს. იაპონელი გასტროენტეროლოგის თქმით, ხორცის მოხმარებას ორგანიზმის სწრაფ დაბერებამდე მივყავართ. ის გვირჩევს ხორცი თევზით ჩავანაცვლოთ, რადგან ის უფრო მეტ სასარგებლო ნივთიერებებს შეიცავს და ორგანიზმიც იოლად ითვისებს მას.

არსებობს უბრალო სქემა რომელიც ხორცის ან თევზის დღიური ნორმის გამოთვლაში დაგეხმარებათ: წონის ყოველ 1 კილოგრამზე – 1 გრამი ცილოვანი პროდუქტი.

ჰირომი შინია არანაკლებ მნიშვნელოვნად რძის პროდუქტებსა და ცხიმიან პროდუქტებზე (მარგარინი, მაიონეზი) უარის თქმას მიიჩნევს რადგან მათ არანაირი სარგებელი არ აქვთ და მხოლოდ დაავადებების გამოწვევა შეუძლიათ. ექიმი ასევე გვირჩევს შევწყვიტოთ სწრაფად ჭამა, საჭიროა ნებისმიერი საკვები კარგად დავღეჭოთ. ნელა ჭამით ორგანიზმი უკეთესად გადაამუშავებს საკვებს და თქვენც ნაკლებს შეჭამთ.

სისტემაში მნიშვნელოვანი ადგილი უჭირავს წყალს. გამოიყენეთ არტეზიული წყალი, არც გადადუღებული და არც ონკანის. აუცილებლად მიიღეთ წყალი დილით, საუზმემდე. საუზმესაც ბევრს ნუ მიიღებთ, გახსოვდეთ დილის კვება იმ ნაღველის გამოდევნისთვისაა რომელიც ღამით დაგროვდა.

ჰირომი შინიას თქმით, წყალი ატენიანებს ლორწოვან გარსებს, აძლიერებს იმუნიტეტს და იცავს ორგანიზმს ვირუსებისგან. თუ ადამიანი არასაკმარის წყალს სვამს, ლორწოვანი გარსი შრება, რის გამოც მისი დამცველი ფუნქციები სუსტდება და ორგანიზმში გარკვეული ბაქტერიები და მიკრობები ხვდებიან. ექიმი გვირჩევს წყალი შემდეგი სქემის მიხედვით მივიღოთ: 500 მილიგრამი წყალი საუზმის, სადილისა და ვახშმის წინ. წყალი ოთახის ტემპერატურის უნდა იყოს.

მავნე ჩვევებზე უარის თქმა და ბალანსირებული რაციონი – კარგი ჯანმრთელობის წინაპირობაა. ლოგიკურია, რომ ამის შემდეგ ჯანმრთელობა გაუმჯობესდება და ორგანიზმი ტონუსში მოვა, ამის შემდეგ არანაირი წამალი აღარ დაგჭირდებათ.

ალბათ დაგვეთანხმებით, რომ ამ რეკომენდაციების შესრულება არც ისე რთულია, უბრალოდ საჭიროა თქვენს ყოველდღიურ რაციონს გადახედოთ და რამდენიმე სასარგებლო ჩვევა შეითვისოთ.

Advertisement
Click to comment

Leave a Reply

Your email address will not be published. Required fields are marked *


The reCAPTCHA verification period has expired. Please reload the page.