რომელი ყვავილი უნდა დათესოთ იანვარში

ზამთარში მცენარეების მოყვარულებს და მიწასთან მომუშავეებს ძალიან უჭირთ უსაქმოდ ჰდომა. თუმცა ნამდვილ მებაღეებს დასასვენებელი დრო ისედაც არ აქვთ. დეკემბრიდან შეგიძლიათ ერთწლიანი ყვავილების თესვა დაიწყოთ, რომლებიც თქვენს ბაღს ზაფხულში გაალამაზებენ.

სახლის ყვავილები ზამთარში

1. კალიბრახოა

ერთ-ერთი ყველაზე ცნობილი მცენარე. მისი დანახვისას ხვდებით, რატომ უწოდებენ მას “მილიონ ზარს”. ეს მცენარე ხშირად ალამაზებს აივნებს. მისი დათესვა დეკემბერშია რეკომენდებული.

მიუხედავად იმისა, რომ მისი თესლი საკმაოდ რთულად ამოდის, შეუძლებელია შედეგმა არ გაგახაროთ. მისი თესლის შეგროვება ყვავილობის შემდეგ ხდება.

2. ეუსტომა (ლიზიანტუსი)

უკანასკნელ წლებში ეს ყვავილი დიდ პოპულარობას იხვეჭს. ყვავილების ბაზარზე მყიდველები ყველაზე ხშირად სწორედ მას ანიჭებენ უპირატესობას, ის ხომ თვით ყვავილების დედოფალს – ვარდსაც კი ჩრდილავს. იმისთვის, რომ ივლისში იყვავილოს, მისი დათესვა დეკემბერშია რეკომენდირებული.

თუ ამ ყვავილის გაზრდა გსურთ – მოთმინებით შეიმოსეთ. მისი გაზრდისთვის აუცილებელია 23 გრადუსი ტემპერატურის და საკმარისი ტენის შენარჩუნება. ყველა აუცილებელი პირობის გათვალისწინების შემთვევაშიც კი პირველი წანაზარდი მინიმუმ 25 დღეში გაჩნდება. თუმცა დიდი ხნის ნანატრი ყვავილების დანახვის შემდეგ, ეს ყვავილი თავს სამუდამოდ შეგაყვარებთ!

3. გაზანია

დეკემბერში დათესვის შემთხვევაში ის მაისში იყვავილებს. ამოდის სწრაფად. გაზანია მრავალწლოვანი მცენარეა, თუმცა ჩვენთან უფრო ხშირად როგორც 1 წლიან მცენარეს ისე ზრდიან. ყვავილის შენახვა შემდეგი სეზონისთვისაც შეიძლება.

4. ამპელური პეტუნია

ამ მცენარემ დიდი ხანია თავისი განსაკუთრებული ადგილი დაიკავა ლანდშაფტურ დიზაინში. ამპელურ პეტუნიას დიდი ბუჩქი და ბევრი ყვავილები აქვს. სწორედ ამიტომ მას ყვავილების გამოსატანად დიდი დრო ესაჭიროება. ის იანვარში უნდა დათესოთ და მაისში აყვავილდება.

ეს იდეალური მცენარეა ბაღისთვის, მისი ყვავილები ხომ ყოველდღე იშლება და დიდხანს ინარჩუნებს თავის დეკორატიულ შესახედაობას. პეტუნია სიცხის ამტანია, თითქმის არ ავადმყოფობს და დიდხანს ყვავის. ისინი გაალამაზებენ თქვენს აივნებს, რაფებს, ტერასებსა და ვერანდას. ამპელური პეტუნია – უნივერსალური ბუნებრივი მორთულობაა!

5. ტერი პეტუნია

ტერი პეტუნია – ძალიან ეფექტური ყვავილია ბრაზილიიდან. ამ ყვავილს ურიცხვი შეფერილობები აქვს ყველანაირი გემოვნებისთვის. გაითვალისწინეთ, რომ ის საკმაოდ კაპრიზულია და კარგ მოვლას საჭიროებს: ის უნდა დაიცვათ წვიმისგან და აუცილებლად დროულად მორწყათ.

დატესვისთვის იანვარი არაჩვეულებრივი დროა. დათესვის შემდეგ მცენარე 3,5 – 4 თვის შემდეგ იყვავილებს. მისი ბუჩქი საკმაოდ კომპაქტურია და იშვიათად აჭარბებს 15 სანტიმეტრს.

6. ლობელია

ლობელია – ერთ-ერთი იშვიათია მცენარეა რომელსაც სუფთა ცისფერი ფერი აქვს. არსებობს მისი სხვა შეფერილობებიც თუმცა ცისფერი – მებაღეების უდავო ფავორიტია. განსაკუთრებით კარგი ის თავს ნახევრად ჩრდილში გრძნობს. ამოსვლიდან ყვავილობამდე 4-4.5 თვე გადის.

7. ბაკოპა

ეს იდეალური მცენარეა პეტუნიების მსგავსად. მას შეიძლება სრულიად განსხვავებული ფერები ქონდეს: თეთრი, ყვითელი, ცისფერი, ვარდისფერი, ჟოლოსფერი და კიდევ ბევრი სხვა შეფერილობა. ბაკოპა ღია ნიადაგშიც დიდებულად გრძნობს თავს. მის დასათესად იდეალური დროა იანვარი. ბუჩქი ყვავილობას დათესვიდან 2 თვეში იწყებს.

მად რეგულარული გასხვლა და მორწყვა ესაჭიროება. კარგი სინათლის შემთხვევაში ის 3-4 კვირის განმავლობაში ყვავილობს. 10-20 დღიანი შესვენების შემდეგ კი ყვავილობი მეორე ტალღა იწყება.

ნამდვილ მებაღეებს მოსვენება ზამთარშიც არ აქვთ. დეკემბრიდან მოყოლებული – შემოდგომამდე ყვავილების დარგვა იწყება რომლებიც თავისი ყვავილობით შემოდგომამდე გაგახალისებთ.