Connect with us

ყვავილები

კიტრის ფესვი რომ არ დალპეს და ფოთლები არ გაყვითლდეს! რჩევები დამწყებთათვის, თუ როგორ დარგოთ და გაზარდოთ კიტრი

ბაღში მუშაობის სეზონი უკვე დაიწყო. კარტოფილი უკვე ყველამ დარგო და დროა კვალებზეც გადავიდეთ. კიტრს ცალკე ყურადღება უნდა დაუთმოთ. თუ კიტრი სათბურში არ მოგყავთ, მიწაში თესლი სწორედ ახლა უნდა დარგოთ.

კიტრის დასარგავად საუკეთესო დრო მაისის შუა პერიოდია, როცა ჰაერის ტემპერატურა 15 გრადუსს მიაღწევს. დარგვამდე ნიადაგი უნდა მოამზადოთ, გათხაროთ, გაანაყოფიეროთ, შემდეგ კი თესლი მოამზადოთ.

როგორ მოვუაროთ კიტრს

მარლაზე, ბინტზე ან უბრალო ქსოვილზე კიტრის თესლები დააწყვეთ. შემდეგ ქსოვილი ორად გაკეცეთ და თბილ წყალში დაასველეთ.

ამას თესლის გასაღვივებლად ვაკეთებთ. ყველა გაღვივებას არ დაიწყებს, ზოგიერთი ცარიელი აღმოჩნდება, ზოგი დალპება, ისინი უნდა მოაშოროთ.

პერიოდულად ტენიანობა შეამოწმეთ და განმეორებით დანამეთ, ოღონდ ძლიერად არა, რომ თესლი არ ცურავდეს. 3-5 დღის განმავლობაში შეინახეთ თბილ ადგილას, სადაც ტემპერატურა 20 გრადუსზე მეტი იქნება.

როგორ დავრგოთ კიტრის თესლი სწორად? კარგი თესლი მრგვალ ხვრელში ან გრძელ კვალში ირგვება. კვალი თოხით გააკეთეთ. კვალებს შორის დაშორება მინიმუმ 40 სმ უნდა იყოს იმის გათვალისწინებით, რომ კიტრი მომავალში ძლიერად იზრდება და ერთმანეთში იხლართება.

თითოეული თესლი 5 სმ სიღრმეში და ერთმანეთისგან 20 სმ-ის დაშორებით დარგეთ. შემდეგ მიწა მოაყარეთ და მორწყეთ.

თუ მრგვალ ხვრელში რგავთ, მაშინ თითოეულში ორი თესლი მოათავსეთ. როცა თესლი ამოვა, შეამოწმეთ და მხოლოდ ერთი დატოვეთ. ხვრელის სიღრმე დაახლოებით 5 სმ უნდა იყოს, ხვრელებს შორის მანძილი 60 სმ.

კიტრი ერთსა და იმავე ადგილას 5 წელიწადში მხოლოდ ერთხელ გაზარდეთ, წინააღმდეგ შემთხვევაში ის ძლიერ დაავადდება. კარგი იქნება, თუ მათ დარგავთ იქ, სადაც გასულ წელს დარგული გქონდათ პომიდორი, სიმინდი, ბარდა და ადრეული კარტოფილი.

კიტრის კვალი ყოველთვის სარეველებისგან სუფთა უნდა იყოს. პირველი 3 კვირის განმავლობაში სანამ მცენარე მცირე ზომისაა, ნიადაგი 5 სმ სიღრმეზე ფრთხილად გააფხვიერეთ. მომავალში კვირაში ერთხელ გააფხვიერეთ. კვალიდან სარეველები საკუთარი ხელით მოაშორეთ.

ნაყოფის ზრდისა და ფორმირების დროს ბევრი წყალია საჭირო. შესაძლებლობის მიხედვით თბილი წყლით მორწყეთ. ყვავილობამდე ყოველ 6-8 დღეში, ნაყოფიერების დროს ყოველ 3-4 დღეში. მორწყვა არ გადააჭარბოთ, თუ წვიმა წამოვიდა, მორწყვა გამოტოვეთ.

კიტრის მოყვანის დროს სხვადასხვა მკვებავი ნივთიერებები, ორგანული კვება და მინერალური სასუქი რეგულარულად უნდა მიაწოდოთ.

პირველად კიტრი ყვავილობის პერიოდში უნდა გამოკვებოთ. 10 ლ წყალში 1 ს/კ შარდოვანა, სუპერფოსფატი, ნატრიუმის სულფატი და 1 ჭიქა ქერიფქლა აურიეთ. თითოეული მცენარე 1 ჭიქა ხსნარით მორწყეთ.

კიტრი კიდევ 4-ჯერ ნაყოფიერების პერიოდში მორწყეთ შემდეგი ხსნარით. 10 ლ წყალში 1 ს/კ ნიტროფოსკი და 1 ჭიქა ქათმის განავალი აურიეთ. თითოეული მცენარე 1 ლ ხსნარით მორწყეთ.

მთავარ ღეროზე 6-7 ფოთლის აღმოცენების შემდეგ კიტრი უნდა შეკრათ, რომ მცენარის განტოტებას სტიმულირება მისცეთ და მოსავლიანობა გაზარდოთ. მცენარის ფესვიდან 10 სმ დაშორებით მიწაში ჯოხი ჩაარჭვეთ და მასზე კიტრის ღერო მიამაგრეთ.

კიტრი სხვადასხვა სახის დაავადებისგან ხშირად იტანჯება. ყველაზე ხშირად აწუხებს ფესვის ლპობა და ნაადრევი ფოთლების გაყვითლება. ამ უსიამოვნებებს ხალხური საშუალების გამოყენებით გაუმკლავდებით.

ფესვების ლპობა მცენარის ცივი წყლით მორწყვის, ნიადაგის ჭარბი ტენიანობის და გაზრდილი ტემპერატურის მიზეზით ხდება. ბზარები, რომელიც დაავადების დროს ფორმირდება იოდის ხსნარით უნდა დაამუშაოთ. 1 ლ რძე, 20 გრ წვრილად დაჭრილი საპონი, 30 წვეთი იოდი და 10 ლ წყალი აურიეთ. მცენარე ამ ხსნარით 10 დღეში ერთხელ უნდა დაამუშაოთ.

დაავადების საწინააღმდეგოდ კიტრი რით უნდა დაამუშაოთ? გაყვითლებული ფოთლები რძის შრატის ან კეფირის ხსნარით (2 ლ 10 ლ წყალზე) უნდა მორწყათ. პარალელურად სუსტი მცენარე კალიუმის პერმანგანატის ხსნარით უნდა დაამუშაოთ.

მოსავლის დროულად აღება არ დაგავიწყდეთ. გადამწიფებული კიტრი მცენარეს ბევრ ძალას ართმევს და ახალ კიტრს განვითარების საშუალებას არ აძლევს. ის უზარმაზარ ზომამდე იზრდება და წყლიანი და უგემოვნო ხდება. ოპტიმალურია ახალგაზრდა კიტრი 4 დღეში აიღოთ. თუ სტატია ინფორმაციული იყო, მეგობრებს სოციალურ ქსელში აუცილებლად გაუზიარეთ.

Click to comment

Leave a Reply

Your email address will not be published. Required fields are marked *

Advertisement
თავის მოვლა30 mins ago

როგორ მოვიშოროთ კბილის ნადები და გავითეთროთ კბილები ძვირადღირებული პროცედურების გარეშე

ჯანმრთელობა46 mins ago

ყველაზე ძლიერი საშუალება, რომელიც აუმჯობესებს მეხსიერებას 80%-ით, ადნობს ცხიმებს, აღადგენს მხედველობასა და სმენას

ჯანმრთელობა50 mins ago

9 აუცილებელი ვიტამინი მეძუძური დედებისთვის

ვიდეო1 hour ago

აი, როგორ უნდა გაწელოთ ფეხსაცმელი, რომელიც გიჭერთ და კანს გიხეხავთ

ჯანმრთელობა1 hour ago

7 პროდუქტი, რომლებიც ფარისებრი ჯირკვლის მუშაობას ხელს უწყობენ

ჯანმრთელობა22 hours ago

აი, რა მოხდება თქვენს ორგანიზმში, თუ ყოველდღე პომიდვრის წვენს დალევთ

საკითხავი22 hours ago

6 რჩევა, როგორ შევარჩიოთ წვნიანი და მწიფე ნესვი

კულინარია2 days ago

კრემი, როგორც აბრეშუმი. შოკოლადის თაფლიანი ტორტი „სპარტაკი“ სუფრიდან წამებში ქრება

საკითხავი2 days ago

როგორ მოვიშოროთ ჩრჩილი ბინიდან

საკითხავი2 days ago

როგორ შევარჩიოთ ეგზოტიკური ხილი: შეიძინეთ მხოლოდ გემრიელი და მწიფე ნაყოფი

საკითხავი1 week ago

ხრიკები, რომლებიც ყველამ არ იცის: როგორ გავასუფთავოთ ბალიშები

საკითხავი2 weeks ago

ძველისძველი ტაფებიც კი იპრიალებს, თუ ამ საშუალებით გარეცხავთ

თავის მოვლა2 weeks ago

5 ხალხური საშუალება ცხიმგროვის მოსაშორებლად

საკითხავი3 weeks ago

„თხევადი შპალერი“ თავად გააკეთეთ – მილიონად შეფასებული იდეა

ყვავილები1 week ago

პომიდვრები დიდი ზომის რომ გაიზარდოს და არ დასკდეს, აი როგორ უნდა მოიქცეთ

ჯანმრთელობა1 week ago

47 წლის ასაკში მოვიშორე 12 ჭარბი კგ, დღეში მხოლოდ 1 ჭიქა სასმლის მიღების ხარჯზე

ვიდეო4 weeks ago

ქერქს ყოველთვის ნაგავში ვყრიდი, სანამ სიმართლე არ გავიგე! საზამთროს ყველაზე მკვებავი ნაწილი

ჯანმრთელობა3 weeks ago

წყალბადის ზეჟანგი და სიმსივნე: აი, რა იცის მეცნიერებამ უკვე 50 წელია და თქვენც უნდა იცოდეთ

თავის მოვლა6 days ago

წაისვით ეს მასა თვალქვეშ და დილით არც ერთი ნაოჭი აღარ დაგხვდებათ

ვიდეო3 weeks ago

მსოფლიოში № 1 პროდუქტი ქოლესტერინის, გულის შეტევის, ჰიპერტონიისა და ინსულტის საწინააღმდეგოდ

ტრენდული