Connect with us

ჯანმრთელობა

დგომის კორექცია ზარმაცი და მოხრილი ხალხისთვის: ერთწუთიანი ვარჯიში

თითქმის ნებისმიერი თანამედროვე ადამიანისთვის დგომის პრობლემები ნაცნობია. ჩვენ კომპიუტერთან დიდხანს ვზივართ, კისერს სმარტფონისკენ ვხრით ან წიგნის კითხვის დროს ვიხრებით., შედეგად კი დგომის პოზა უარესდება. პრობლემა არა მხოლოდ უფროსებს ან მოზრდილებს,  არამედ მცირეწლოვან ბავშვებსაც აწუხებთ. პრობლემის გადასაჭრელად საკმარისია არ იზარმაცოთ და სახლის პირობებში დგომის გამოსასწორებელი ვარჯიშები რეგულარულად შეასრულოთ.

დღეს გთავაზობთ რამდენიმე ვარჯიშს, რომლებიც ბევრ დროს არ წაგართმევთ, მაგრამ დიდ სარგებელს მოგიტანთ. შედეგად ადამიანი მოხრილ მოხუცს აღარ ჰგავს, მისი ფორმები უფრო სწორი, ახალგაზრდული და ჯანსაღია.

დგომის ვარჯიშები სახლის პირობებში

რა თქმა უნდა, ყველას სურს, რომ სპორტული, მოხდენილი და სწორი დგომის პოზა ჰქონდეს. მაგრამ მოტივაციას და დროს მხოლოდ ერთეულები პოულობენ, რომ რეგულარულად საკუთარ თავზე ივარჯიშონ. სწორედ ამიტომ, მარტივი ვარჯიშებით უნდა დაიწყოთ და შესაძლებლობის მიხედვით ვარჯიშების ნაკრები გააფართოოთ.

1. პირველი ვარჯიშის შესასრულებლად დაგჭირდებათ კედელი, რომლის ახლოსაც ავეჯი არაა. კედელს ისე მიეყრდენით, რომ ქუსლები, წვივები, დუნდულები, მხრები და კეფა კედელზე მიბჯენილი გქონდეთ. თუ ამის გაკეთება გიჭირთ, გამოდის დგომის მხრივ პრობლემები გაქვთ და უნდა გამოასწოროთ.

2. ახლა ხელები აწიეთ და კედელს მიადეთ. ჩასუნთქვაზე ხელები ქვემოთ დაწიეთ, ხელები 90 გრადუსიანი კუთხით მოხარეთ.

3. ამოსუნთქვაზე ხელები კვლავ აწიეთ. პროცედურა 1–2 წუთის განმავლობაში გაიმეორეთ.

ამასთან აკონტროლეთ, რომ ქუსლები, დუნდულები, წვივები, მხრები და კეფა კედელზე მაქსიმალურად მიბჯენილი იყოს. თანაბრად ისუნთქეთ.

1. მეორე ვარჯიშის შესასრულებლად თავისუფალი კუთხე იპოვეთ. წინამხრები მეზობელ კედლებზე ისე უნდა მიადოთ, რომ იდაყვებსა და მხრებს შორის 90 გრადუსიანი კუთხე შეინარჩუნოთ.

2. ჩასუნთქვაზე კედლისკენ მაქსიმალურად მიიწიეთ. ამოსუნთქვაზე კედლიდან გამოიწიეთ, საწყის პოზას დაუბრუნდით. აკონტროლეთ, რომ მხრები არ ასწიოთ, ხოლო კისრის კუნთები არ დაიჭიმოს.

თავი სწორად გქონდეთ, წინ ან უკან არ დაიხაროთ. ზედმეტი ზეწოლის გარეშე ივარჯიშეთ.

1. ახლა თითოეულ ხელზე ცალ–ცალკე იმუშავეთ. ჯერ კედელზე მარცხენა წინამხარი მიაბჯინეთ და კორპუსი ნელ–ნელა საპირისპირო მიმართულებით მოატრიალეთ. გულმკერდი გახსენით და წონა მარცხენა ფეხზე გადაიტანეთ. ამ პოზაში დაახლოებით 10 წამით გაჩერდით.

2. იგივე პროცედურა მარჯვენა მხარეს გააკეთეთ. ყურადღება მიაქციეთ, რომ მხარი ზემოთ არ ამოიწიოთ, კისრის კუნთები არ დაჭიმოთ. კორპუსი მოატრიალეთ მანამ, სანამ არ იგრძნობთ, რომ მხარი საკმარისად გაიჭიმა.

ასეთი ვარჯიში ყოველდღიურ გამახურებელ ვარჯიშებთან ერთად შეასრულეთ. კვირაში 2-3-ჯერ მაინც – ეს უკეთესია, ვიდრე არაფერი. რეგულარულად შეასრულეთ, რომ ნელ–ნელა სასარგებლო ჩვევა შეიძინოთ. ასე სწორი და ლამაზი დგომის პოზა ადვილად მისაღწევი მიზანი გახდება.