2023 წლის დეტალური პროგნოზი ჩინელი ასტროლოგის, კევინ ფუნგისგან

წელი დასასრულს უახლოვდება. ლურჯ ვეფხვს წყლის შავი კურდღელი ცვლის. დროა, გავიგოთ, რა პროგნოზებს გვაძლევენ ასტროლოგები 2023 წლის შესახებ. ჩინელი ექსპერტის, კევინ ფუნგის სიტყვებს განსაკუთრებით ვუსმენთ. მისი გასული წლის პროგნოზი 100% ახდა.

Аlltime.ge–ს რედაქცია გიზიარებთ ზუსტ პროგნოზს აღმოსავლური ჰოროსკოპის ყველა ნიშნისთვის.

2023 წლის პროგნოზი

ვირთხა (1960, 1972, 1984, 1996, 2008)

ამ ნიშნის წარმომადგენელს გაუჭირდება. ვირთხა ხომ კურდღლის მოწინააღმდეგეა. მოულოდნელ სირთულეებს ელოდეთ, თუმცა იმედგაცრუება და ცხოვრების დაპაუზება არ ღირს. უბრალოდ თქვენი საუკეთესო თვისებები, სიფრთხილე და წინდახედულობა, გამოავლინეთ. ასე ყველაფერი კარგად ჩაივლის. თუ ბეჯითად იშრომებთ, თქვენი გეგმის და იდეის განხორციელებას შეძლებთ.

ხარი (1961, 1973, 1985, 1997, 2009)

აი, ხარი და კურდღელი სხვადასხვა ინტერესების ზონაში არიან და ერთმანეთს არ კვეთავენ. მშვიდად შეგიძლიათ გააკეთოთ ის, რაც გსურთ. ასტროლოგი გაფრთხილებთ, რომ დაუფიქრებელი ქმედებისგან თავი შეიკავოთ. ყურადღება მიაქციეთ იმას, რაც საუკეთესოდ გამოგდით. წელს კარიერულ კიბეზე წინსვლის დიდი შანსი გაქვთ. თუ სამსახურს ჩაუღრმავდებით, ფინანსური მდგომარეობის სერიოზულად გაუმჯობესებას შეძლებთ.

ვეფხვი (1962, 1974, 1986, 1998, 2010)

ვეფხვს წარმატებული წლის იმედი შეიძლება ჰქონდეს, ოღონდ ერთი პირობით: საეჭვო აქტივობებს მოერიდეთ. ფული არასანდო პროექტებში არ ჩადოთ, არასერიოზული ურთიერთობა არ დაიწყოთ. ეს ყველაფერი უსიამოვნო შედეგებით მოგიბრუნდებათ. მომავალ წელს ზოგიერთ პრობლემასთან შეჯახება მოგიწევთ, მაგრამ ყველაფერში გამკლავებას შეძლებთ. დასვენება და ძალების მოკრეფა არ დაგავიწყდეთ.

კურდღელი (1963, 1975, 1987, 1999, 2011)

თქვენი წელია, რას ვიტყვით. ასტროლოგი ამბობს, რომ ვარსკვლავები თქვენ მიმართ კეთილგანწყობილი იქნებიან. ეს წელი უსაფრთხო დროა, რომ თამამი ოცნებები აისრულოთ. გარისკვის არ შეგეშინდეთ, ყველაფერი გამოგივათ. რაც არ უნდა ჩაიფიქროთ, ყველაფერს მარტივად და სწრაფად მიაღწევთ. წარმატებული მომენტი არ გაუშვათ.

დრაკონი (1964, 1976, 1988, 2000)

ვარსკვლავები ამბობენ, რომ წარმატებული წლის იმედი თამამად შეიძლება გქონდეთ. ყველაფერში გაგიმართლებთ. შანსი გექნებათ, რომ იბრწყინოთ ისე, როგორც გიყვართ. მთელი ყურადღება თქვენკენ მიმართული იქნება, სიამოვნებით გამოიყენეთ. დრაკონისთვის ყურადღების ცენტრში ყოფნა მნიშვნელოვანია. ეს წელი ამის შესაძლებლობას მოგცემთ. ძალიან მნიშვნელოვანი საჯარო გამოსვლა გელოდებათ, რომელიც კარიერულ კიბეზე წინსვლის შესაძლებლობას მოგცემთ.

გველი (1965, 1977, 1989, 2001)

მომავალი წელი ცივ და განმარტოებულ გველს მოულოდნელ ცხელ გრძნობებს მოუტანს. კურდღელს გველის ეშინია, ამიტომ ყველაფერს გააკეთებს მისი გულის მოსაგებად. წლის დასაწყისში ვნებიანი რომანი გააჩაღეთ. ის შეიძლება გახდეს წერტილი, რომელიც თქვენს ცხოვრებას მთლიანად შეცვლის. თუ უკვე ურთიერთობაში ხართ, ფრთხილად იყავით და ცივი გონება შეინარჩუნეთ. დიდი ალბათობით, გექნებათ ინტრიგა, რომელმაც ოჯახი შეიძლება დაანგრიოს.

ცხენი (1966, 1978, 1990, 2002)

კურდღელს ცხენის მიმართ თბილი გრძნობები აქვს, ამიტომ ამ ნიშნის წარმომადგენელს სასიამოვნო წელი ელოდება. ცხოვრების ყველა სფეროში ბალანსი და ჰარმონია დაისადგურებს. სამსახურში გელოდებათ კარიერული ზრდა, ოჯახში – სიმშვიდე და წესრიგი. შემოსავლის გაზრდის დიდი შანსი გაქვთ. შეიძლება ითქვას, რომ შესანიშნავი და ძალიან წარმატებული წელი გელით. ასტროლოგი გაფრთხილებთ, რომ სიზარმაცე არ შეიძლება, თუნდაც ყველაფერი გამოგდიოდეთ.

თხა (1967, 1979, 1991, 2003)

წელს პროფესიულ სფეროში თავის გამოვლენას შეძლებთ. კოლეგები და უფროსები ღირსეულად დაგაფასებენ. ეს თქვენს თვითშეფასებას გააძლიერებს და გაგრძელების ძალას მოგცემთ. მიღწეულზე არ გაჩერდეთ და წინ დაუღალავად იარეთ. თქვენი შემოსავლის გაზრდის და სასურველი თანამდებობის მიღების შანსი გაქვთ. შეუპოვრობა გამოიჩინეთ, რომ წარმატებას მიაღწიოთ.

მაიმუნი (1968, 1980, 1992, 2004)

კურდღელი მაიმუნის მოხერხებულობით აღფრთოვანებულია და ანებივრებს. მოგიწევთ აირჩიოთ, რომელ სფეროში გსურთ განვითარება. ყველაფრის ერთდროულად გაკეთებას ვერ შეძლებთ, რაღაც ერთზე კონცენტრირებული უნდა იყოთ, რომ წარმატებას მიაღწიოთ. თუ პირად ცხოვრებას აირჩევთ, წლების განმავლობაში ძლიერი ოჯახის შექმნას შეძლებთ. ერთდროულად ყველაფერზე ყურადღება არ გაამახვილოთ. როგორი მარჯვეც არ უნდა იყოს, ყველაფერს მაინც ვერ მოასწრებთ.

მამალი (1969, 1981, 1993, 2005)

რთული გასული წლის შემდეგ ამოსუნთქვას შეძლებთ. თქვენი ნომერ პირველი ამოცანაა დასვენება და მომავალი მწვერვალის მისაღწევად ძალების მოკრეფა. მომავალი წლიდან დიდ მიღწევებს არ ელოდოთ. დრო თვითგანვითარებას დაუთმეთ. მთელი ცოდნა და ძალა წელს დაგჭირდებათ, როცა საკუთარი თავის გამოვლენას ეცდებით.

ძაღლი (1970, 1982, 1994, 2006)

ძაღლის ერთგულება კურდღელს მოსწონს. ეს წელი მცირე შესვენებისთვის გამოიყენეთ. კურდღელი მშვიდი ნიშანია, ანუ თქვენი მეომრული თვისებები არ მოეწონება. უმჯობესია, დაისვენოთ და ჭრილობები შეიხორცოთ. წელს დიდი შანსი გაქვთ, რომ მეორე ნახევარს შეხვდეთ და ჰარმონია იპოვოთ.

ღორი (1971, 1983, 1995, 2007)

ღორისთვის მარტივი წელი იქნება. ცხოვრების არც ერთ სფეროში დაბრკოლებები მოსალოდნელი არაა. ერთადერთი, კანონთან ურთიერთობას მოერიდეთ. დიდი შანსია, რომ სასამართლოსთან დაკავშირებული მოულოდნელი პრობლემები წარმოიქმნას. მათგან თავი შორს დაიჭირეთ და სხვა ყველაფერი მშვიდობიანად მოაგვარეთ. სხვა მხრივ ვარსკვლავების კეთილგანწყობის იმედი შეიძლება გქონდეთ.

როგორც ხედავთ, კევინ ფუნგის 2023 წლის პროგნოზის მიხედვით, ბევრ ზოდიაქოს ნიშანს კარგი და წარმატებული წელი ელოდება. თუ მათ შორის არ ხართ, იმედი არ გაიცრუოთ. კურდღელი შეუპოვრობას და მიზანდასახულობას აფასებს. თუ ბევრს იშრომებთ, ყველა გეგმა წარმატებით განხორციელდება.