რჩევა, როგორ გადაარჩინოთ მცენარე, თუ ფოთლების წვერები ხმება

აყვავებული ოთახის მცენარე ბინის ინტერიერს ამშვენებს. ამ ლამაზ სურათს ხშირად გამხმარი ფოთლები აფუჭებს. ბევრი მებაღე შეცდომით თვლის, რომ მიზეზი ჰაერშია. რედაქციაში ვიცით, რომ პრობლემა არა მხოლოდ ჰაერის ტენიანობაში შეიძლება იყოს. Аlltime.ge–ს რედაქცია გიამბობთ, რა არის მცენარის ფოთლების ხმობის მიზეზი და როგორ მოიქცეთ.

პრობლემა დროულად მოიშორეთ, რომ ყვავილი არ დაჭკნეს. თუ მცენარის ფოთლებზე ხმობის ნიშნები დაინახეთ, მაშინვე მოგვარება სცადეთ. არ დააყოვნოთ, რადგან ასე მცენარის გადარჩენის შანსები შემცირდება.

პრობლემის წარმოქმნის მიზეზები

სანამ გადარჩენის მისიას შეუდგებით, გაარკვიეთ, რა იწვევს მცენარის გახმობას. მიზეზი შეიძლება იყოს შემდეგი ფაქტორები:

• ძალიან მაღალი ტემპერატურა ოთახში ან არასაკმარისი ტენიანობა;
• არასწორი მორწყვა;
• ძალიან პატარა ქოთანი, სადაც მცენარის ფესვები მთელ ადგილს იკავებს;
• მზის პირდაპირი სხივები, რომელიც არ სჭირდება;
• მავნებლების არსებობა;

პრობლემის გამორკვევა

შესაძლო მიზეზების გაგების შემდეგ თქვენი შემთხვევის გაანალიზება დაიწყეთ. მოქმედება მარტივია:

• მცენარის მორწყვის სიხშირე დაადგინეთ. ძალიან ხშირი ან არასაკმარისად აქტიური შეიძლება იყოს;
• შესაძლო მავნებლები მოძებნეთ;
• სადრენაჟე ხვრელები ფესვების არსებობაზე შეამოწმეთ. თუ ჩანს, მცენარეს სხვა ქოთანში გადარგვა სჭირდება.
• გაარკვიეთ, როგორი მოვლა სჭირდება კონკრეტულ მცენარეს.

სასწრაფო დახმარება

თუ ვერ გაარკვიეთ, რატომ ხმება ფოთლები, მაშინ სასწრაფო დახმარებას მიმართეთ. მარტივი მოქმედებით მცენარის გადარჩენას შეძლებთ:

• ფოთლებს მტვერი მოაშორეთ. პულვერიზატორი და რბილი ჩვარი გამოიყენეთ.
• ჰაერის ტენიანობა შეცვალეთ. მცენარესთან სპრეი ან დამატენიანებელი დადგით.
• მოვლაზე იზრუნეთ. თითოეულ მცენარეს ინდივიდუალური მიდგომა სჭირდება. გაიგეთ, თქვენს ყვავილს ხშირი თუ იშვიათი მორწყვა, ჩრდილი თუ მზე სჭირდება.

ოთახის მცენარეს კომფორტული პირობები შეუქმენით და გამხმარი ფოთლების პრობლემა აღარ შეგაწუხებთ. მისი წვერები ყოველთვის მწვანე იქნება.