საკითხავი
საგარეო ტანსაცმელს მშრალი მეთოდით ფხვნილის გარეშე ვწმენდ: ძმარი უცხო სუნს აშორებს
Аlltime.ge–ს რედაქცია გიზიარებთ მშრალი რეცხვის ეფექტურ მეთოდს ძმრით, რომელიც დაგეხმარებათ, თუ ახალი ქურთუკი სიგარეტის, საჭმლის ან სხვა უცხო სუნებით გაიჟღინთა. ქურთუკს და პალტოს ყველა კვირა ვერ გარეცხავთ, თან დიდხანს შრება. სუფრის ძმარი ქურთუკს განაახლებს და უცხო სუნებს მოაშორებს. გასწავლით, როგორ გამოიყენოთ.
ქურთუკის გაწმენდა მშრალი მეთოდით
ძმარს სამზარეულოში ადვილად იპოვით. როგორც სუფრის, ასევე ვაშლის ძმარი შეგიძლიათ გამოიყენოთ.
ინგრედიენტები:
- 250 მლ თბილი წყალი
- 2 ს/კ ძმარი
- ბამბის დისკები
მომზადების და გამოყენების წესი:
- 2 სუფრის კოვზი ძმარი და 1 ჭიქა თბილი წყალი აურიეთ. ხსნარი მაშინვე გამოიყენეთ, რადგან დროთა განმავლობაში ეფექტს კარგავს.
- ბამბის დისკი მიღებულ სითხეში დაასველეთ და ქურთუკს წაუსვით. თუ ოფლის სუნის მოშორება გსურთ, მხოლოდ სახელურებზე წაუსვით. თუ ქურთუკი უცხო სუნებით სავსეა, მთელ ქურთუკს წაუსვით.
- ტანსაცმელი საკიდით ჩამოკიდეთ. ძმარს სამოქმედოდ დრო მიეცით.
- ბოლოს გააშრეთ. მშრალ ქურთუკს უცხო, უსიამოვნო სუნი აღარ ექნება.
ძმარი ტანსაცმელზე, განსაკუთრებით, პოლიესტერის ან ბამბის ქსოვილზე, უსაფრთხოა, ამიტომ ქსოვილის დაზიანებაზე არ იდარდოთ.
რეცხვისას ძმრის გამოყენების 5 მიზეზი
სუფრის ძმარი წყალს არბილებს, ლაქები ამოყავს და სარეცხი საშუალებაა. დელიკატურ ქსოვილებზე ნაზად მუშაობს და მსუბუქ ჭუჭყს ეფექტურად აშორებს.
- ძმარი შეგიძლიათ გამოიყენოთ როგორც მშრალი წმენდის, ასევე რეცხვის დროს. ახალი ტანსაცმლის შემთხვევაში განსაკუთრებით ეფექტურია. ძმარი გამოდევნის აგრესიულ ქიმიას, რომლითაც ტანსაცმელს ამუშავებთ.
- მუქი ფერის საგარეო ტანსაცმელს სარეცხი ფხვნილის თეთრი ზოლები შეიძლება დარჩეს. რეცხვისას ცოტა ძმარი დაუმატეთ და თეთრი ზოლები აღარ შეგაწუხებთ.
- ძმარი სარეცხ მანქანას ნაქაფის გაჩენისგან იცავს. შესანიშნავი საპროფილაქტიკო საშუალებაა.
- საგარეო ტანსაცმელმა თმა რომ არ დამუხტოს, რეცხვისას ცოტა ძმარი დაუმატეთ.
- საინტერესოა, რომ ძმარი ნაკერის კვალს აქრობს. თუ ტანსაცმელს რაიმე ელემენტი მოაშორეთ, მაგრამ ნაკერი ადგილი ჩანს, ასე მოიქეცით: ძმრიანი ჩვრით პრობლემური ადგილი დაასველეთ, შემდეგ მის ქვეშ დააფინეთ და დაბალ ტემპერატურაზე დააუთოეთ. ნაკერების კვალი გაქრება.
ძმრის დახმარებით საგარეო ტანსაცმელს მოაშორებთ ოფლის, სიგარეტის ან საჭმლის სუნს. სწრაფი მეთოდი აუცილებლად გამოიყენეთ. შედეგით კმაყოფილი დარჩებით.
