ექიმმა მიამბო, უსაფრთხოა თუ არა ბროწეულის კურკიანად ჭამა

რაც თავი მახსოვს, ბაბუა დეკემბრის დასაწყისში კილოგრამობით ბროწეულს ყიდულობდა. ამ დროს ადგილობრივ ბაზარზე ბროწეული დიდი პარტიით შემოდიოდა და მისაღებ ფასად ყიდდნენ, განსაკუთრებით თუ ვაჭრობა შეგეძლოთ. ბაბუა ბროწეულის წვენს ამზადებდა, ჩენჩოს კი საქათმეში ყრიდა. მაშინ ჩემმა ნათესავებმა არ იცოდნენ, რომ ბროწეულის კურკებიანად ჭამა უფრო სასარგებლოა, ვიდრე მის გარეშე.

მხოლოდ მაშინ, როცა ჩვენს ოჯახში ექიმი გამოჩნდა, ბროწეულის კურკიანად ჭამა დავიწყეთ. ქერქსაც ვიყენებთ: მისგან სამკურნალო სასმელს ვამზადებთ. რატომ არის სასარგებლო ბროწეულის კურკიანად ჭამა. ამის შესახებ ექიმი, ევგენი ივანოვი საუბრობს და Alltime.ge–ს რედაქცია ინფორმაციას გიზიარებთ.

ბროწეულის კურკის სარგებელი

ბროწეულის კურკა თავისი შემადგენლობით და სასარგებლო თვისებებით ხორბლის აღმონაცენის ზეთსაც უკან იტოვებს. პროდუქტი ადამიანისთვის აუცილებელი ვიტამინების, მინერალების და მიკროელემენტების საწყობია. მათ შორისაა:

• C ვიტამინი – იმუნიტეტს აძლიერებს;
• B6 ვიტამინი – ნერვულ სისტემას აძლიერებს;
• B12 ვიტამინი – სისხლის მიმოქცევას აძლიერებს;
• P ვიტამინი – სისხლძარღვებს აძლიერებს;
• E ვიტამინი – კანის, თმის და ფრჩხილების მდგომარეობას აუმჯობესებს;

ბროწეულის კურკა ბევრ უჯერ ცხიმოვან მჟავას შეიცავს. ისინი ორგანიზმის ნორმალურ ფუნქციონირებას ხელს უწყობენ. როგორც შავი ჩაი, ბროწეულის კურკა ტანინებით მდიდარია. დიარეის, ტუბერკულოზის, დიზენტერიის და ნაწლავური ჩხირების დროს გვეხმარება.

შესანიშნავი სადეზინფექციო საშუალებაა. სწორედ ამიტომ, სურდოს, ანემიის და ბრონქიტის სამკურნალოდ და პრევენციისთვის ეფექტურია. თავის ტკივილის გასაქრობად მიიღეთ. ბროწეულის კურკა არტერიულ წნევას ბუნებრივად ამცირებს.

სპეციალისტები გირჩევენ, რომ ბროწეული კურკიანად მიირთვათ, თუ ფარისებრი ჯირკვლის დაავადებები, ჰორმონალური ფონის დარღვევა და ქალური ციკლის პრობლემები გაწუხებთ. საქმე იმაშია, რომ პროდუქტი ფიტოჰორმონებს შეიცავს.

რა საფრთხის შემცველია ბროწეულის კურკა

ზემზრუნველ დედებს შორის არსებობს ლეგენდა, რომ ბროწეულის კურკებს ორგანიზმი საერთოდ არ ინელებს, ასევე ბრმა ნაწლავის ანთებას იწვევს. ეს უფრო მითია, ვიდრე სიმართლე. როგორც იცით, ყველა ზღაპარში სიმართლის მარცვალია. ექიმის თქმით, ბროწეულის კურკას ნამდვილად გამძლე გარსი აქვს. მას კუჭ–ნაწლავის ტრაქტის ლორწოვანი გარსის დაზიანება ნამდვილად შეუძლია.

სწორედ ამიტომ, ბროწეულის კურკების ჭარბად მიღება არ შეიძლება. სჯობს ფხვნილის სახით მიიღოთ ან კარგად დაღეჭოთ. ექიმები ბროწეულის კურკების მიღებას არ გირჩევენ, თუ კუჭის და კუჭ–ნაწლავის ტრაქტის ქრონიკული დაავადება გაწუხებთ, ასევე 3 წლამდე ბავშვებისთვისაც რეკომენდებული არაა. ორგანიზმის გასაძლიერებლად 1–2 ჩ/კ ბროწეულის კურკის ფხვნილი კეფირთან ან იოგურტთან ერთად მიიღეთ, მაგრამ მაქსიმუმ ყოველ მეორე დღეს.

ჩემი მოსწავლეები ბროწეულს კურკიანად უკვე მიირთმევენ. რა თქმა უნდა, დღეში ერთ ჩაის კოვზს არ ჭამენ, მაგრამ საჭმლის მონელებას არ უჩივიან. ბიჭები, როგორც მამამ ასწავლათ, კურკებს კარგად ღეჭავენ. თქვენ ბროწეულს მთლიანად მიირთმევთ თუ პროცესში კურკებს იშორებთ?