აირჩიეთ 3 ცხოველი და გაიგეთ, როგორ გხედავენ სხვები და სინამდვილეში რას ფიქრობთ საკუთარ თავზე

Alltime.ge-ს რედაქცია გთავაზობთ საინტერესო ფსიქოლოგიურ ტესტს ადამიანების შესახებ: იმაზე, თუ როგორ აღგიქვამენ სხვები, თავად რას ფიქრობთ საკუთარ თავზე და სინამდვილეში, როგორი ბუნება გაქვთ.

ტესტი ასე შეასრულეთ: აიღეთ კალამი და სამი ცხოველი შემდეგი თანმიმდევრობით ჩამოწერეთ.

• ის, რომელიც თქვენი საყვარელი ცხოველია;
• ის, რომლის ყოლაც შინაურ ცხოველად გსურთ;
• მეორე საყვარელი ცხოველი, ველური ან შინაურული;

ახლა თითოეულ ცხოველს დაუმატეთ თვისებები ან ცნებები, რომლებიც მასთან ასოცირდება. ქვემოთ რამდენიმე ცხოველის მაგალითს და მათ მნიშვნელობებს გთავაზობთ.

კატა: დამოუკიდებელი, სექსუალური, თავისუფალი, „ღამის ფრინველი“, ხელმძღვანელი, მომთხოვნი.

დათვი: მზრუნველი, მეოცნებე, მცველი, სიმშვიდის განსახიერება.

მაიმუნი: თავდაჯერებული, მხიარული, საინტერესო, პრაქტიკული, უნივერსალური, კვალიფიციური, თაღლითი.

ძაღლი: ერთგული, მეგობრული, თამამი, დამცველი, მოკრძალებული, მოქნილი.

თაგვი: შრომისმოყვარე, საიმედო, მოკრძალებული, მორცხვი, მარტივი.

კურდღელი: მოკრძალებული, ეშმაკი, სწრაფი, ნერვიული, სუსტი.

ენოტი: მოძრავი, პასუხისმგებელი, სკეპტიკურად განწყობილი, ჭკვიანი, „ღამის მკვიდრი“.

სპილო: თავდაჯერებული, მშვიდი, ყურადღებიანი, ჯიუტი.

ლომი: ძლიერი, მომთმენი, დამცველი, თავდაჯერებული, მშვიდი, ოჯახის დამფასებელი.

მელა: მკვირცხლი, კარგი გემოვნების მქონე, მოაზროვნე, ორგანიზებული, ჭკვიანი.

ქათამი: ნიჭიერი, შემოქმედებითი, ექსცენტრიული, მხატვარი.

ღორი: გულუხვი, გულწრფელი, თავდაჯერებული, პატიოსანი, ნიჭიერი, უცოდველი, მეგობრული.

ძროხა: სოციალური, საინტერესო, კეთილი, მშვიდი, მზრუნველი.

ზებრა: ერთგული, ჭკვიანი, იდეალისტი, შეუპოვარი, თავისუფალი, ეგოისტი.

ვეფხვი: ძლიერი, ელეგანტური, ავტორიტეტული, აქტიური, იდუმალი, არაპროგნოზირებადი, მარტოხელა.

ირემი: რბილი, თანაგრძნობი, მარტივი, მოძრავი, ოჯახის დამფასებელი.

ცხვარი: ორჭოფი, მეგობრული, ერთგული, კონსერვატიული, შრომისმოყვარე, მშვიდი.

პანდა: რბილი, მზრუნველი, მხიარული, თვითკმარი, მეოცნებე.

პინგვინი: რბილი, გულახდილი, იდუმალი, განათლებული, მარტივი.

ბუ: ინტუიციური, მისტიკური, ნელი, ფრთხილი, მშვიდი, სულიერი.

ჟირაფი: თავდაჯერებული, ელეგანტური, მოკრძალებული, საყვარელი, ტრაბახა.

ზღარბი: სარკასტული, ეშმაკი, მგრძნობიარე, ოპორტუნისტი, აქტივისტი.

თევზი: წყნარი, მეგობრული, საიმედო, გულწრფელი, ორგანიზებული, სერიოზული, კარგი მეგობარი.

კუ: დამცველი, მომთმენი, ვიწრო, ჯიუტი, მშვიდი, ერთფეროვანი.

იხვი: ხმაურიანი, ღირსეული, მხიარული, შრომისმოყვარე, ოჯახის დამფასებელი.

ცხენი: კეთილშობილი, ერთგული, ძლიერი, ენერგიული, თავისუფალი, ძვირფას ადამიანებთან ურთიერთობაში დამთმობი.

ფრინველი: მხიარული, შინაგანი სილამაზით სავსე, პოზიტიური, თავისუფალი, მარტივი.

ტესტის შედეგები:

მესამე ცხოველი ასახავს იმას, თუ როგორ ხედავთ საკუთარ თავს თავად.

მეორე ცხოველი აღწერს, როგორ გხედავენ სხვები.

პირველი ცხოველი გაჩვენებთ, თუ როგორი ხართ სინამდვილეში.