როგორ უნდა შეიცვალოს ჩვენი კვება 40 წლის შემდეგ

რაც უფრო ასაკოვანი ვხვდებით, მით უფრო მეტი წესი უნდა შეიტანოთ კვების რაციონში. ეს მხოლოდ გახდომის მსურველებს არ ეხება! აი, რა უნდა იცოდეთ, თუ უკვე 40 წელზე მეტის ხართ.

1. ბევრი ცილა

წლების მატებასთან ერთად კუნთოვანი მასა იკარგება. კვლევამ აჩვენა, რომ ცილის წილის გაზრდა რაციონში არა მხოლოდ იმას შეგინარჩუნებთ, რაც გაქვთ, არამედ მის გაზრდას ხელს შეუწყობს. ზრდასრულ ადამიანს 35 წლის შემდეგ 0,8 გრ ცილა სჭირდება 1 კგ წონაზე, ხოლო 60 წლის შემდეგ დოზა 1-1,2-ით იზრდება.

ცილა არა მხოლოდ ხორცი, რძე და ზღვის პროდუქტებია. ცილას დიდი რაოდენობით შეიცავს კაკალი, კვერცხი, სპეციალური კოქტეილები, რძემჟავე პროდუქტები.

2. ნაკლები კალორია

ასაკის მატებასთან ერთად ნივთიერებათა ცვლა ნელდება და ადამიანს ცხოვრების წესის მხარდასაჭერად უფრო ნაკლები კალორია სჭირდება. 40 წლის შემდეგ აუცილებელი კალორიულობა 10 წელში 10%–ით მცირდება. ანუ 40 წლის ასაკში 2000 კალორია 70 წლის ასაკში 1400 კალორიის ტოლია.

ნახევარ რაციონზე პირდაპირ უარის თქმა არ ღირს. თავიდან ბუტერბროდში კარაქზე თქვით უარით და სასმელში 2 ჩ/კ შაქრის ნაცვლად 1 ჩ/კ გამოიყენეთ.

3. B12 ვიტამინი

საკვებიდან მაქსიმუმი სასარგებლო ვიტამინების და ელემენტების მიღება სულ უფრო რთულდება. მაგალითად, ადამიანს დღეში 2,4 მგრ B12 ვიტამინი სჭირდება. ის სასარგებლოა ნერვული სისტემისა და სისხლის მიმოქცევისთვის. ამ ვიტამინით მდიდარია ხორცი, თევზი, კვერცხი, რძის პროდუქტები.

4. კალციუმი და D ვიტამინი

ეს ორი ელემენტი ზრდასრულ ასაკში ძალიან მნიშვნელოვანია. ის ძვლებს ეხმარება, რომ უფრო ძლიერი და ჯანმრთელი იყოს. 50 წლამდე 1000 მგრ კალციუმი და 600 მგრ D ვიტამინი უნდა მიიღოთ, შემდეგ – კალციუმის დოზა 2–ჯერ იზრდება. ამაში ცხიმიანი თევზის სახეობა და ძროხის რძე დაგეხმარებათ.

5. წყალი

ის ორგანიზმის თითქმის ყველა სისტემას სჭირდება. ასაკის მატებასთან ერთად თირკმლები წყალს სულ უფრო ცუდად აკავებენ, ამიტომ უფრო მეტი უნდა დალიოთ. თუ არ გამოგდით – ჭიქა წყალში ციტრუსის ნაჭერი ჩაამატეთ.