ძველი კბილის ჯაგრისი არ გადააგდოთ! აი, რისთვის გამოგადგებათ

რთულია, კბილის ჯაგრისის შემცვლელის პოვნა, მაგრამ თავად ჯაგრისს სახლში სხვადასხვა მოწყობილობის შეცვლა შეუძლია – ეფექტურობით აღემატება კიდეც.

სამზარეულოს გაზქურა

სამზარეულოს გაზქურის და კომფორის საწმენდად ძველი კბილის ჯაგრისი გამოიყენეთ. ის პატარა ზომის და მოქნილი ჯაგრების წყალობით მარტივად გაუმკლავდება ჭუჭყიან ადგილებს იქ, სადაც ჩვარი ან ღრუბელი ვერ წვდება.

ფილებს შორის ღარები

კბილის ჯაგრისის დახმარებით სააბაზანო ოთახში ფილებს შორის ღარებს სწრაფად და მარტივად განაახლებთ. ჯაგრისი ქლორის ხსნარში ამოავლეთ და ჭუჭყიანი ადგილები გაწმინდეთ. ამის შემდეგ ფილები სუფთა წყლით გარეცხეთ.

წყალსადენი ონკანი

რა არ იმალება სათქვეფის ფილტრებში! ბადე-აერატორები ობისა და ბაქტერიებსგან კბილის ჯაგრისით გაწმინდეთ – ასეთი პატარა სამუშაოსთვის იდეალურად გამოგადგებათ. სამუშაოს დასრულების შემდეგ ფილტრები საპნიან ხსნარში გარეცხეთ.

ცარცის და ფერადი ფანქრის კვალი

თუ კედლებზე ახალგაზრდა შემოქმედის ნამუშევრები აღმოაჩინეთ, მათი მოშორება კბილის ჯაგრისით სცადეთ. მას მცირე რაოდენობით საპარსი ქაფი ან კბილის პასტა წაუსვით და ზედაპირი ნაზი, წრიული მოძრაობით გაწმინდეთ. ნარჩენები ქაღალდის პირსახოცით მოაშორეთ.

კომპიუტერის კლავიატურა

კლავიატურის ღილაკებს შორის უამრავი ჭუჭყი და მტვერი გროვდება. ჩვეულებრივი ჩვრით ან სალფეთქით მათი მოშორება რთულია. ამისთვის მშრალი, უხეში კბილის ჯაგრისი გამოიყენეთ. კლავიატურა გვერდულად დაიკავეთ და ჭუჭყი ფრთხილად მოაშორეთ.

ყველის სახეხი

გამოცდილმა დიასახლისებმა იციან, თუ რა რთულია ამ სამზარეულოს აქსესუარზე ყველის ნარჩენების მოშორება – განსაკუთრებით მიმხმარის. მისი მოშორება მშრალი კბილის ჯაგრისით სცადეთ, შემდეგ კი ჭურჭლის სარეცხი საშუალებით გარეცხეთ.

სიმინდი

სიმინდის მთლიანად მოხარშვას აპირებთ, მაგრამ ფუჩეჩისგან გასაწმენდად დრო არ გაქვთ? ამისთვის კბილის ჯაგრისი გამოიყენეთ. პროცესზე უფრო ნაკლებ დროს დახარჯავთ და შედეგი სასიამოვნოდ გაგაოცებთ!

თმის შეღებვა

თუ თმას სახლის პირობებში იღებავთ, ფუნჯი კბილის ჯაგრისით ჩაანაცვლეთ. მისი გამოყენება უფრო მოსახერხებელია, განსაკუთრებით თუ მოკლე თმას იღებავთ.

კბილის ჯაგრისს იდეალური ზომა აქვს, რომელიც საშუალებას გაძლევთ საღებავი რთულად ხელმისაწვდომ ადგილებშიც წაისვათ და ამასთან უფრო ნაკლებად დაისვრებით.

ურჩი თმა

თუ წვიმის დროს თქვენი თმა ფუვდება და ლამაზად არ გამოიყურება, თმა თმის ლაქში დასველებული კბილის ჯაგრისით დაივარცხნეთ.

ბოსტნეულის წმენდა

რბილი კბილის ჯაგრისი გამოიყენეთ, რომ სოკოს და ნაზი კანის მქონე ბოსტნეულს მიწის ნაწილები მოაშოროთ. კარტოფილისთვის უხეში კბილის ჯაგრისი დაგჭირდებათ.

ასეთი დამუშავება პროდუქტის შენახვის ვადას ზრდის – მშრალი და სუფთა სახით ბოსტნეული უფრო დიდხანს ინახება.

სამზარეულოს ბაკანი

კბილის ჯაგრისი ჭუჭყიანი სამზარეულოს ბაკნის გასაწმენდადაც გამოგადგებათ. ჯაგრისის სახელურის ნაწილი სანთლის ან სანთებელას ცეცხლზე 3-5 წამით გააჩერეთ. შემდეგ 90 გრადუსით მოხარეთ. ახლა მისი გამოყენება უფრო მოსახერხებელი იქნება.

ფენი

ფენის ღია ნაწილი კბილის ჯაგრისით მტვრისგან გაწმინდეთ. გამათბობელ ელემენტზე მოხვედრილმა ჭუჭყმა შეიძლება მოწყობილობის გადაწვა გამოიწვიოს. ასეთი წმენდა 1-2 კვირაში ერთხელ ჩაატარეთ, რომ მისი გამოყენების ვადა გაახანგრძლივოთ.

ვენტილაცია

სააბაზანო ოთახში ვენტილაციის და მანქანის ჰაერგამტარ ბადეს კბილის ჯაგრისით სწრაფად და ეფექტურად გაწმენდთ. ამ ადგილებში ბევრი მტვერი და ჭუჭყი გროვდება, რაც სოკოს და ბაქტერიების გასავრცელებლად იდეალური სივრცეა.

დამცავი ბადე მოხსენით და ხილული ნაწილები ჯერ მშრალი ჯაგრისით, შემდეგ სველი ჩვრით გაწმინდეთ და ქაფის ანტისეპტიკით დაამუშავეთ.