ვიდეო
40 წლის შემდეგაც კი ორგანიზმმა უნაკლოდ რომ იფუნქციონიროს, ვასრულებ 5 მარტივ ვარჯიშს
ჩვენ ყველამ ვიცით, რამდენად მნიშვნელოვანია ორგანიზმის რეგულარულად დატვირთვა სხვადასვა ფიზიკური აქტივობებით. არც სიბერე და არც გარდამავალი ასაკი არ უნდა წარმოადგენს ამ აქტივობების შემცირების საბაბს. სწორედ ამ დროს, როდესაც ორგანიზმი ისე გამართულად ვეღარ ფუნქციონირებს, როგორც წლების წინ, აუცილებელია გარკვეული პროფილაქტიკური ზომების მიღება და მაქსიმალურად ხელის შეწყობა ჩვენი სხეულისთვის, რათა მან არ დაკარგოს ძველი მოქნილობა, ელასტიურობა და არა მხოლოდ…
ასაკის მატებასთან ერთად ორგანიზმში შეუქცევადი ცვლილებები მიმდინარეობს, რაც, ზოგადად, სიბერეს უკავშირდება. ასეთი ცვლილებებია: გულ-სისხლძარღვთა სისტემის ფუნქციონირების გაუარესება, ძვლების დასუსტება, კუნთოვანი მასის შემცირება და ა.შ. ყველა ეს უსიამოვნო მოვლენა ხშირად სწორედ ფიზიკური აქტივობის შემცირებითაა განპირობებული, განსაკუთრებით კი იმ შემთხვევაში, თუ წარსულში პაციენტი სპორტსმენი იყო.
დროა, თქვათ უარი ცხოვრების მჯდომარე სტილზე და რეგულარულად დატვირთოთ საკუთარი თავი ფიზიკურად. დღევანდელ სტატიაში წარმოგიდგენთ 5 მარტივად შესასრულებელ ვარჯის, რომელიც საგრძნობლად გააუმჯობესებს თქვენი ორგანიზმის ზოგად მდგომარეობას. გარდა გულ-სისხლძარღვთა სისტემის გაჯანსაღებისა, ასეთი ვარჯიშები მოიყვანს თქვენს სხეულს ტონუსში, გაგიუმჯობესებთ კოორდინაციას, გაგიჯანსაღებთ სახსრებს, ხერხემალს და ა.შ.
დაუთმეთ ყოველდღიურად რამდენიმე წუთი ამ ვარჯიშებს, რათა შეანელოთ დაბერების პროცესი და თავი ყოველთვის მხნედ და ენერგიულად იგრძნოთ.
ვარჯიშები სახლის პირობებში
ჩვენ მიერ წარმოდგენილი მარტივი ვარჯიშები კომპლექსი “პილატესის” სახელწოდებითაა ცნობილი. მიზანშეწონილია ამ ვარჯიშების შესრულება კვირაში მინიმუმ 3-ჯერ. თუ საკმარისი დრო და ენერგია გაქვთ, ივარჯიშეთ ყოველდღიურად, თუმცა არ იმ შემთხვევაში, თუ ფიზიკური დატვირთვის დროს რაიმე სახის დისკომფორტი ან თავბრუსხვევა გაწუხებთ.
5 საუკეთესო ვარჯიში
ვარჯიში №1
მარტივი ვარჯიში, რომლითაც დაწყება ნამდვილად ღირს. ზურგზე დაწექით, ფეხები მუხლებში მოხარეთ ისე, რომ ქუსლები და თეძოები წრფივ ხაზს ქმნიდეს (ერთმანეთის სწორად იყოს). ახლა მაქსიმალურად შეეცადეთ ხელების დახმარებით მუხლები მკერდთან მაქსიმალურად ახლოს მიიბჯინოთ და დაფიქსირდით ამ მდგომარეობაში იმდენი წამით, რომ ზედმეტად არ დაიტვირთოთ, დაიჭიმოთ. შემდეგ დაუბრუნდით საწყის მდგომარეობას და ღრმად ამოისუნთქეთ. გახსოვდეთ, ყველა ვარჯიშის შესრულებისას სწორი და თანაბარი სუნთქვა ძალიან მნიშვნელოვანია. გაიმეორეთ ეს ვარჯიში დაახლოებით 10-ჯერ ან 15-ჯერ. თუ ვარჯიში მხოლოდ ახლახანს დაიწყეთ, დააწესეთ თქვენი მინიმუმი და მაქსიმალურად ეცადეთ ვარჯიშების გამეორების რაოდენობის გაზრდას.
ვარჯიში №2
ვარჯიში, რომელსაც ახლა წარმოგიდგენთ, არაჩვეულებრივია მუცლის კუნთებისა და ხერხემლის გასაძლიერებლად.
დაწექით ზურგზე, ხელები თავს უკან სწორად გაშალეთ, დაჭიმეთ მუცლის კუნთები და ამოიწიეთ წინ, მოაშორეთ წელი იატაკს. ვარჯიშის შესრულებისას მუცლის კუნთები მაქსიმალურად დაჭიმული უნდა ჰქონდეთ. როდესაც ჩაჭიმულ მდგომარეობაში რამდენიმე წამით დაფიქსირდებით, დაუბრუნდით საწყის პოზიციას. დასაწყისისთვის შეასრულეთ ამ ვარჯიშის 3 ან 5 გამეორება.
ვარჯიში №3
ეს ვარჯიში მუცლის, ხელის და ფეხის კუნთებს გააძლიერებს, ასევე მოძრაობის კოორდინაციას გააუმჯობესებს. საწყისი პოზიცია დაწოლილი, ფეხები მოხრილი, ხელები სხეულის გასწვრივ. ღრმად ჩაისუნთქეთ. ამოსუნთქვაზე ფეხები მოხარეთ და მკერდისკენ მისწიეთ. ამ პოზაში გაჩერდით. ჩასუნთქვაზე ხელები ფეხებთან მიიტანეთ და ორივე ფეხის ზემოთ აწევა სცადეთ. ფეხები სწორად უნდა გქონდეთ, მაგრამ თუ არ გამოგდით, თავიდან შეგიძლიათ მოღუნოთ.
მოცემული ვარჯიში არაჩვეულებრივია მუცლის, ხელებისა და ფეხების კუნთების გასაძლიერებლად. მის შესასრულებლად დაწექით ზურგზე, ფეხები მუხლებში მოხარეთ, ხელები კი იატაკზე სწორად მოათავსეთ. ვარჯიშის შესრულება დაიწყეთ მუხლებში მოხრული ფეხების მკერდისკენ წამოწევით, ხელები გაშლილ მდგომარეობაში იატაკის პარალელურად ასწიეთ და შეეცადეთ მათი დახმარების გარეშე მუხლები მკერდთან მაქსიმალურად ახლოს მიიტანოთ. შეიკავეთ თავი დაფიქსირებულ მდგომარეობაში რამდენიმე წუთით და დაუბრუნდით საწყის პოზას. ისუნთქეთ აუცილებლად ღრმად და თანაბრად. ეს ვარჯიში უნდა გაიმერორთ დაახლოებით 6-ჯერ ან 8-ჯერ.
ვარჯიში №4
ხერხემალი კვლავ ოდნავ დავტვირთოთ. საწყისი პოზიცია მჯდომარე, ფეხები გადაჯვარედინებული, რაღაც ლოტოსის პოზის მსგავსი, ხელები მუხლებზე. ნელ-ნელა ერთ მხარეს გადაიხარეთ, ამასთან ხელი ასწიეთ და თავს ზემოთ გადაიტანეთ. ასეთ პოზაში ბოლო წერტილში რამდენიმე წამით გაჩერდით და კვლავ საწყის პოზას დაუბრუნდით.
ეს ვარჯიში განსაკუთრებით სასარგებლო ჩვენი ხერხემალისთვისაა. დაჯექით იატაკზე, გადააჯვარედინეთ ფეხები ლოტოსის პოზის მსგავსად, ხელები მუხლებზე დაიწყვეთ. ნელ-ნელა დაიწყეთ გადახრა ერთ მხარეს, ხოლო საპირისპირო ხელი გადახრასთან სინქრონულად მაღლა ასწიეთ და თავს ზემოთ დაიფიქსირეთ. როდესაც გადახრის მაქსიმალურ წერტილს მიაღწევთ, შეიკავეთ თავი რამდენიემ წამით და დაუბრუნდით საწყის პოზას. გაიმეორეთ იგივე მოძრაობა მეორე მხრისთვისაც. ჯამში თქვენ უნდა შეასრულოთ 10-15 გამეორება.
ვარჯიში №5
ვარჯიში მათთვის, ვინც დიდხანს ზის და ზურგის პრობლემა აწუხებს. საწყისი პოზიცია მდგომარე, ფეხები მხრების გასწვრივ, ხელები სხეულის გასწვრივ. ნელ-ნელა წინ დაიხარეთ, ხელები თქვენს წინ დაჭიმეთ, ფეხები ოდნავ მოხარეთ. ამ მდგომარეობაში რამდენიმე წამით გაჩერდით და საწყის პოზას დაუბრუნდით. ზურგი გამართული, ხელები დაჭიმული გქონდეთ.
თუ დიდხანს ერთ ადგილას გაუნძრევლად ჯდომა გიწევთ, კარგად გეცოდედინებათ, რას ნიშნავს დისკომფორტის განცდა ზურგის არეში. მოცემული პრობლემის გადაჭრაში ეს მარტივი ვარჯიში აუცილებლად დაგეხმარებათ. დადექით სწორად კედლის წინ, ფეხები მხრების სიგანეზე დადგით, მაქსიმალურად მოდუნდით და დაიწყეთ კედლისკენ გადახრა (შეეცადეთ, არ მოხაროთ ფეხები მუხლებში), გაშალეთ ხელები სწორად და მსუბუქად მიეყრდენით კედელს. როდესაც 90 გრადუსიან კუთხეს შექმნით, გაჩერდით რამდენიმე წამით და შემდეგ დაუბრუნდით საწყის მდგომარეობას. მიზანშეწონილია 10-15 გამეორების შესრულება.
აუცილებლად გაახურეთ წელი ვარჯიშების შესრულებამდე. დაუთმეთ ამ მარტივ კომპლექს რეგულარულად რამდენიმე წუთი და ხანმოკლე დროში შენიშნავთ, თუ როგორ უმჯობესდება თქვენი ზოგადი მდგომარეობა.
გთავაზობთ კიდევ რამდენიმე მარტივ ვარჯიშს ვიდეოს სახით, რომელთა რეგულარულად შესრულება განსაკუთრებით სასარგებლო სწორედ ხანდაზმული ადამიანებისთვისაა.
ვიმედოვნებთ, რომ ეს ინფორმაცია თქვენთვის სასარგებლო და გამოსადეგარი აღმოჩნდება. აუცილებლად გაუზიარეთ სტატია მეგობრებს, რათა მათაც იცოდნენ ამ მარტივი ვარჯიშების შესახებ. გისურვებთ ჯანმრთელობას.
