რას აკეთებდნენ ბებიები საყოფაცხოვრებო საქმეების გასამარტივებლად – ღირებული ხრიკები

ახლა დიასახლისები სახლის დასალაგებლად ძვირადღირებულ საშუალებებს ეძებენ, ახალ ხრიკებს იგონებენ, თუმცა ცოტა თუ ინტერესდება ადრე ჩვენი ბებიები და ბაბუები რა მეთოდებს იყენებდნენ. უფროს თაობას ბევრი ღირებული მეთოდი ჰქონდათ.

გაზქურაზე იდეალური სისუფთავის შესანარჩუნებლად

კერძის მომზადების დროს გაზქურაზე ბევრი ჭუჭყი, ცხიმი და ლაქა რჩება. ამის თავიდან ასაცილებლად კერძის მომზადებამდე გაზქურაზე მარილი დაყარეთ (საბედნიეროდ, მარილი თეთრები ღირს). მარილი მთელ ჭუჭყს შეიწოვს. დალაგების დროს უბრალოდ მარილის შეგროვება და გადაყრა მოგიწევთ. კიდევ უფრო მარტივი – შეგიძლიათ მტვერსასრუტით გადაწმინდოთ.

დანის გალესვა სალესის გარეშე

თუ სახლში დანის სალესი არ გაქვთ, ხოლო დანის სასწრაფოდ გალესვა გჭირდებათ, ყველაზე ჩვეულებრივი ფაიფურის ღრმა თეფში აიღეთ, გადმოაბრუნეთ და დანა მასზე გალესეთ. ალბათ, ასეთი თეფში სახლში ყველას აქვს. მეთოდი ბევრ უნარს არ მოითხოვს. დანას მარტივად გალესავთ.

სტაფილოს გასუფთავება დანის გარეშე

ჩვეულებრივი დანა და ბოსტნეულის სათლელი დანა სტაფილოს ისე კარგად ვერ გაასუფთავებს, როგორც ნეჭა. შეგიძლიათ ნეჭას როგორც უხეში, ასევე ლითონის მხარე გამოიყენოთ. თუ სტაფილოს ნეჭათი (მთავარია სუფთა ნეჭა გამოიყენოთ) გახეხავთ, პროცესს სწრაფად და მინიმალური ნარჩენებით მორჩებით.

ორცხობილის სახლის პირობებში მომზადება

თუ სახლში ბლენდერი არ გაქვთ, მაგრამ სახლში გამომცხვარი ორცხობილა გსურთ (მაღაზიაში ნაყიდს ხომ ხელოვნური დანამატები აქვს, ან ვადა გასდის ან უკვე პური დაობებულია). ასეთ დროს პურის ნაჭერი გაყინეთ, შემდეგ ჩვეულებრივ სახეხზე გახეხეთ. კიდევ ერთი მეთოდი – გაყინული პური საკვებ ცელოფანზე დადეთ და ცომის გასაბრტყელებელი ჯოხით გააბრტყელეთ. ასე ორცხობილას უფრო სწრაფად მიიღებთ.

მარილი – ერთგული დამხმარე სახლის დალაგების დროს

თუ შემთხვევით კვერცხი იატაკზე დაგივარდათ და გაგიტყდათ, მის მოწმენდა მარტივი საქმე არაა. შემადგენლობის გამო კვერცხი იწელება და წებოვანი კვალის მოსაშორებლად იატაკის რამდენჯერმე მოწმენდა დაგჭირდებათ. მარტივი გადაწყვეტილება არსებობს – გატეხილ კვერცხს მარილი მოაყარეთ. მარილი რამდენიმე წუთში გააშრობს იმას, რისი მოწმენდაც გჭირდებათ.

როგორ შევინახოთ ნიორი მაცივარში

როგორც წესი, ნიორს ყველა დიასახლისი მაცივარში ინახავს და ძალიან ხშირად იქ 1 თვე ინახება. ბევრი აღნიშნავს, რომ ხანგრძლივი შენახვის დროს მას უჩვეულო სუნი უჩნდება და გემოს თვისებები ეკარგება. ამის თავიდან ასაცილებლად ნიორი პლასტმასის კონტეინერში მოათავსეთ და მარილი მოაყარეთ.

ქინქლები პროდუქტებში

ძალიან ხშირად მარცვლეულებში სხვადასხვა მწერები ჩნდება. ამ უსიამოვნებასთან შეჯახება ყველა დიასახლისს უწევს. მიზეზი უცნობია, მაგრამ მათ მოშორებაში დაფნის ფოთოლი დაგეხმარებათ. თითო ფოთოლი მარცვლეულის, შაქრის, ფქვილის და ა.შ. თითოეულ პაკეტში მოათავსეთ და ქინქლები არ შეგაწუხებთ. იმისთვის, რომ ქინქლების გაჩენა თავიდან აიცილოთ, დაფნის ფოთლებით სავსე პატარა ქისა სამზარეულოს თითოეულ დახურულ კუთხეში მოათავსეთ.

თუ თასმები ძლიერ გადაგეხლართათ

ზოგჯერ თასმები ისე იკვანძება, რომ მათ გახსნაში მთელი ნერვების დახარჯვა გიწევთ. ამ შემთხვევაში ჩვეულებრივი საბავშვო ფხვნილი ან ტალკი დაგეხმარებათ. კვანძს ცოტა ფხვნილი დააყარეთ, ახლა მისი გახსნა გაგიმარტივდებათ.

ერთი შეხედვით მარტივი რჩევებია, მაგრამ ამით სარგებელი არ მცირდება. თითოეული მათგანი ყურადღებას იმსახურებს. კარგი იქნება, თუ ბებიებს გაესაუბრებით. შესაძლოა მათ უფრო კარგი ხრიკები იცოდნენ