პროდუქტები, რომლებიც ძვლების ჯანმრთელობის და სიძლიერის შენარჩუნებაში დაგეხმარებათ

ასაკის მატებასთან ერთად ოსტეოპოროზის რისკი იზრდება. სწორედ ამიტომ, რეკომენდებულია მას ყველა შესაძლო მეთოდით, მათ შორის სწორი კვებით, ვებრძოლოთ.

თუ ეს უსიამოვნება უკვე გაწუხებთ და ძვლების სისუსტეს და სახსრების ტკივილს გრძნობთ, არ იდარდოთ. გახსოვდეთ, რომ პოზიტიური ფსიქოლოგია, ასევე ჯანსაღი ცხოვრების წესი უსიამოვნების შედეგებს შეეწინააღმდეგება.

თავი კარგად რომ იგრძნოთ, დილით სპორტით ან მედიტაციით დაკავდით, რაც დღის ენერგიულად და ოპტიმისტურად დაწყების საშუალებას მოგცემთ.

ძვლების ჯანმრთელობაზე რამდენიმე ფაქტორი გავლენას ახდენს.

საკვები ძვლების ჯანმრთელობის შესანარჩუნებლად

აი, საუკეთესო პროდუქტების სია, რომლებიც რაციონში ძვლოვანი მასის გასაძლიერებლად უნდა ჩართოთ.

მანგოლდი და ისპანახი

ეს ორი პროდუქტი K ვიტამინს და ფოსფორს დიდი რაოდენობით შეიცავს. ასევე შეიცავს ხსნად ბოჭკოებს, ომეგა 3 ცხიმოვან მჟავას, ფლავონოიდებსა და ბეტა-კაროტინებს. ისინი არა მხოლოდ დანაყრებისა და სიმსუბუქის შეგრძნებაში გვეხმარება, არამედ მკვებავი ნივთიერებების დიდ დოზას გვაძლევს და ძვლოვან მასას აძლიერებს.

როგორ მინიმუმ, კვირაში ერთხელ მაინც მიირთვით.

ქლიავი

ქლიავის რეგულარული მოხმარება ოსტეოპოროზის განვითარების რისკს ამცირებს. ასევე K ვიტამინის კარგი წყაროა და ნაწლავების ჯანმრთელობას აუმჯობესებს. 6 თვის განმავლობაში დღეში 5-6 ცალი ქლიავის ჭამა ქალებს პოსტმენოპაუზის დროს ძვლების დაბალი სიმკვრივის დროს ძვლოვანი მასის დაკარგვისგან იცავს.

ფინიკი

ის დიდი რაოდენობით ანტიოქსიდანტურ ნივთიერებას შეიცავს, რომელთა შორის გამოიყოფა ისეთი ვიტამინები, როგორიცაა A, C და E, B ჯგუფის ვიტამინები, K ვიტამინი, რივოფლავინი და ფოლიუმის მჟავა. ასევე შეიცავს მინერალებს, როგორიცაა კალიუმი, მაგნიუმი, რომლებიც ოსტეოპოროზის პროფილაქტიკას და მკურნალობას ხელს უწყობენ.

შეგიძლიათ ნებისმიერ დროს მიირთვათ. დღეში 5-7 ცალი ფინიკის ჭამა საკმარისია.

კაკალი

ის ცილების და მაგნიუმის კარგ წყაროდ ითვლება, რომელიც ძლიერი ძვლოვანი მასის ქონას უზრუნველყოფს. რეკომენდებულია, ყოველდღე 1 მუჭა კაკალი მიირთვათ.

ნატურალური იოგურტი

ნატურალური იოგურტი ორგანიზმს ორჯერ მეტი მინერალური კალციუმით უზრუნველყოფს, რაც ძვლებს აძლიერებს.

თევზი

ცხიმიანი თევზი D ვიტამინის შესანიშნავ წყაროს წარმოადგენს. შედეგად ის კალციუმის ათვისებას ხელს უწყობს და ძვლებში მის რაოდენობას ზრდის.

კვირაში ორი პორცია საკმარისი იქნება. ზამთრის დანამატი ძვლების გასაძლიერებლად შეიძლება დადებითი ეფექტი ჰქონდეს. ასევე ცილების მდიდარი წყაროა, რაც კოლაგენის წარმოებას ხელს უწყობს. კოლაგენი ძვლების მდგრადობას ინარჩუნებს და დაზიანებულ ძვალს აღდგენაში ეხმარება.

ფორთოხალი

მაღალი კვებითი ღირებულის ხილი ორგანიზმისთვის ძალიან სასარგებლოა. ის ძვლოვანი მასის შენარჩუნებასა და მდგომარეობაზე დადებით გავლენას ახდენს.

ეს იმით აიხსნება, რომ ფორთოხალი კალციუმს, ფთორს, მაგნიუმსა და ფოსფორს შეიცავს. სწორედ ეს ოთხი მინერალი ძვლის შემადგენლობაში შედის. დღეში ½ ფორთოხალი საკმარისია, რომ კანის და ძვლების მდგომარეობა გაიუმჯობესოთ.

კივი

გემრიელი და სასარგებლო ხილი ორგანიზმს უზრუნველყოფს ანტიოქსიდანტებით, C ვიტამინით და მინერალებით, როგორიცაა მაგნიუმი, კალიუმი და სპილენძი. დღეში 1 კივი შეჭამეთ და შედეგად ძვლოვანი სტრუქტურის და კუნთების მდგომარეობა გაიუმჯობესოთ.

კვერცხი

კოლაგენის სინთეზი ძვლოვანი ქსოვილის მდგომარეობისთვის მნიშვნელოვანი პროვესია. ასეთი სინთეზისთვის აუცილებელია მანგანუმი, რომელსაც კვერცხი შეიცავს. აი, რატომ არის კვერცხი ასეთი სასარგებლო როგორც ძვლების, ასევე კუნთების, მყესებისა და ხრტილებისთვის.