5 ეფექტური შინაურული საშუალება მეჭეჭების მოსაშორებლად

პირველ რიგში, მეჭეჭები ვირუსით არის გამოწვეული: ადამიანის პაპილომა ვირუსი (აპვ/HPV), რომელიც სწრაფად და მოულოდნელად ვითარდება და კეთილთვისებიან სიმსივნედ ითვლება.

კანზე გაჩენილი წარმონაქმნი განსაკუთრებით სახიფათოა. მისი ფერი და ზომა განსხვავდება და სხეულის ნებისმიერ ნაწილში შეიძლება გაჩნდეს. ზოგიერთი მათგანი ბუნებრივად თავისით ქრება, თუმცა მათ ნაცვლად ახალი ჩნდება. ჩვეულებრივ ხელის, ფეხის, ზურგის, მკერდის და სახის არეში გვხვდება.

მეორეც, მეჭეჭების გაჩენა თავიდან რომ აიცილოთ, სასურველია მიირთვათ პროდუქტები, რომლებიც A და C ვიტამინით მდიდარია. ასევე ბევრი წყალი დალიოთ და უმი ბოსტნეული მიირთვათ. ამასთან „არასასურველ“ საკვებს თავი აარიდეთ.

შინაურული საშუალებები მეჭეჭების მოსაშორებლად

ვაშლის ძმარი

ანტიოქსიდანტების, ცილების, ბაქტერიების და ფერმენტების მაღალი შემცველობის წყალობით ეს პროდუქტი მეჭეჭების სამკურნალოდ ერთ-ერთი ეფექტური საშუალებაა. ვაშლის სიდრის ძმარი ანტიმიკრობულ თვისებებს ფლობს, სისხლში შაქრის დონეს ამცირებს, წონაში დაკლებას ხელს უწყობს, კორონალური არტერიის ჯანმრთელობისთვის შესანიშნავი მოკავშირეა და სიმსივნეს აფერხებს.

ინსტრუქცია: ბამბის ქსოვილი ვაშლის ძმარში დაასველეთ. გამოყენებისას იმ ადგილას დაიდეთ, სადაც მეჭეჭი გაქვთ. ძმარმა კანში შეღწევა უნდა შეძლოს. ცოტა ხნით გააჩერეთ, მაქსიმუმ ნახევარი საათით. ეს პროცედურა დღეში ერთხელ გაიკეთეთ. მეჭეჭები გახმება და ბოლოს ჩამოვარდება.

ჩაის ხის ეთერზეთი

ეს შინაურული საშუალება დაზიანებული კანის და ინფექციების სამკურნალოდ თავისი სასარგებლო თვისებებით განსაკუთრებით ცნობილია. უფრო მეტიც, მას ანტიმიკრობული, ანტიბაქტერიული და სოკოს საწინააღმდეგო თვისებები გააჩნია.

ინსტრუქცია: რამდენიმე წვეთი ზეთი დაზიანებულ ადგილას წაისვით და პროცედურა დღეში 2-3-ჯერ გაიმეორეთ.

ნივრის პასტა

ნიორი ერთ-ერთი საუკეთესო შინაურული საშუალებაა, რომელიც თავისი სამკურნალო და სასარგებლო თვისებების წყალობით შეგიძლიათ უამრავი დაავადების სამკურნალოდ გამოიყენოთ.

ინსტრუქცია: ნივრის უმი კბილი დანაყეთ, რომ პასტა მიიღოთ. თუ ეფექტის გაძლიერება გსურთ, ლიმონი დაუმატეთ და რამდენიმე წუთით მოქმედება აცადეთ. დაზიანებულ კანზე ძილის წინ დაიდეთ, ზემოდან საფენი დაიფარეთ. დილით გაღვიძებისთანვე შენობა გაანიავეთ. პროცედურა გაიმეორეთ, სანამ მეჭეჭი არ ჩამოვარდება.

განმარტება: ნიორი დიდ ან პატარა მეჭეჭს შეიძლება გაუმკლავდეს, მაგრამ დიდ მეჭეჭთან უფრო მეტი დრო და მკურნალობა დაგჭირდებათ, პროცესი შეიძლება 2 თვემდე გაგრძელდეს. არ დანებდეთ და შეუპოვარი იყავით.

ბანანის ქერქი

ამბობენ, რომ ბანანის ქერქი ერთ-ერთი ეფექტური ბუნებრივი საშუალებაა, რადგან მასში სალიცილის მჟავა და დიდი რაოდენობით კალიუმი შედის. ეს კი მეჭეჭის გასახმობად და მის მოსაშორებლად შესანიშნავი კომბინაციაა.

ინსტრუქცია: ბანანის ქერქი აიღეთ. მისი შიდა მხარე მეჭეჭზე დაიდეთ და საფენით დააფიქსირეთ. პროცედურა ყოველ ღამით, ძილის წინ შეასრულეთ. შეგიძლიათ დღეში 2-ჯერ გააკეთოთ და გაიმეორეთ მანამ, სანამ სასურველ შედეგს არ დაინახავთ.

თავშავას ზეთი

ეს შინაურული საშუალება უამრავი პათოგენის და მიკრობის გასაქრობად იდეალურია. თავისი თვისებების წყალობით იმუნურ სისტემას აძლიერებს და ეფექტურ ტკივილგამაყუჩებელ საშუალებას წარმოადგენს. ამასთან მას ფუნგიციდური, ანტიბაქტერიული, ანტივირუსული და ანესთეზიური მოქმედება გააჩნია.

ინსტრუქცია: პიპეტის დახმარებით 3 წვეთი ზეთი მეჭეჭზე წაისვით. პროცედურა მაქსიმუმ დღეში 3-ჯერ გაიმეორეთ.

სხვა შინაურული საშუალება, რომელიც შეგიძლიათ გამოიყენოთ

ხახვის წვენი. როგორც ნიორი, ხახვი მეჭეჭის მოშორებაში დაგეხმარებათ, შინაურული საშუალების მოსამზადებლად ხახვი ნაჭრებად დაჭერით, თასში ჩაყარეთ და მარილი მოაყარეთ. გაწურეთ და წვენი დაზიანებულ ადგილას დღეში ერთხელ წაისვით. პროცედურა 2 კვირის განმავლობაში გაიმეორეთ.

ბაბუაწვერა. ეს მცენარე განსაკუთრებით რეკომენდებულია სახის და ყელის არეში მდებარე მეჭეჭების მოსაშორებლად. მცენარის ღეროდან სითხე მიიღეთ და მეჭეჭზე ყოველდღე წაისვით, სანამ დადებით შედეგს არ დაინახავთ.