წმინდა გიორგი ლოცვის ძალით მტრის დაძლევაში და ბოროტების დამარცხებაში გვეხმარება

დიდმოწამე წმინდა გიორგი ლოცვის ძალით მტრის დაძლევაში და დედამიწაზე ბოროტების დამარცხებაში გვეხმარება. წმინდა გიორგის მიმართავენ თხოვნით და ლოცვით, რომ გამარჯვება სწრაფად და მინიმალური დანაკარგით მოიპოვონ. წმინდანისადმი სალოცავად ყველაზე ხელსაყრელი დღეა 6 მაისი. ამ დღეს მორწმუნეები წმინდანის ხსენების დღეს აღნიშნავენ და ეკლესიაში მის პატივსაცემად წირვას ატარებენ. წლების წინ სწორედ ამ დღეს წმინდა გიორგი მოწამეობრივად აღესრულა.

Аlltime.ge–ს რედაქცია გიამბობთ წმინდა გიორგის ლეგენდის შესახებ. გეტყვით, რა შეგიძლიათ და რა არ უნდა გააკეთოთ ამ დღეს.

წმინდა გიორგი

ლეგენდის თანახმად, გიორგიმ თავი სამხედრო სამსახურს მიუძღვნა. როცა ქრისტეს მიმდევრების დევნა დაიწყო, მათ მხარეს დადგა. ის დააპატიმრეს, შემდეგ დიდხანს აწამეს, ქრისტიანული რწმენის უარყოფა მოსთხოვეს. ოღონდ გიორგი ყოველდღე სასწაულებრივად იკურნებოდა და ქრისტეს არ ღალატობდა. ჯალათებმა უძლეველ მეომარს თავი მოჰკვეთეს, რადგან სხვაგვარად ვერ დაამარცხეს.

სასურველია, რომ ქრისტიანულ დღესასწაულზე ეკლესიაში წახვიდეთ, წმინდანის ხატს თაყვანი სცეთ და ლოცვა წაიკითხოთ, რომ დიდმოწამე გიორგიმ შეგვიწყალოს, გამოგვიგზავნოს განკურნება, მტრებისგან დაცვა და გამარჯვებაში დახმარება. სახლში ხატის წინ შეგიძლიათ ილოცოთ, რწმენის ძალა და გულწრფელობა გამოაჩინოთ. ლოცვის ტექსტს წაიკითხავთ თუ საკუთარი სიტყვებით ილოცებთ, შუამავალი თქვენს თხოვნას აუცილებლად მოისმენს და ღვთიურ დახმარებას გამოგიგზავნით.

ლოცვა წმინდა გიორგის მიმართ

ტროპარი

ტყვეთა განმათავისუფლებელო, და გლახაკთა ხელის აღმპყრობელო, სნეულთა მკურნალო, და მეფეთა უძლეველო, წინამბრძოლო, ღვაწლით შემოსილო დიდო მოწამეო გიორგი, ევედრე ქრისტესა ღმერთსა შეწყალებად სულთა ჩვენთათვის.

კონდაკი

მოიმუშაკე ღმრთისა მიერ და გამოსჩნდი მუშაკად პატიოსნად ღმრთის-მსახურებისა გიორგი, და სათნოებათა მჭელეული შეუკრიბე თავსა შენსა, რამეთუ ცრემლით სთესე და სიხარულით მოიმკე, სისხლი დასთხიე და მოღვაწებითა ქრისტე შეიძინე, და აწ მეოხებითა შენითა იხსნი სიკუდილისაგან სულთა ჩუენთა.

ლოცვა

ჰოი, ყოვლადდიდებულო ღმრთივგვირგვინოსანო მოწამეო გიორგი, ანგელოსთა თანა შეერთებულო, მოციქულთა თანა პატივცემულო, მოწამეთა სრულებაო, მამათა დიდებაო, ქალწულთა შუენიერებაო, მვედრებელთა ყოველთა მსწარფლშემწეო, თხოვათა აღმასრულებელო და წყალობისა მომნიჭებელო; ჰოი, ყოვლადბრწყინვალეო ქრისტეს მოწამეო გიორგი, ბრწყინვალებითა ელვარებისა სიწმიდისა შენისათა განაბრწყინვე და დაიფარე ღმრთივდაცული ერი ჩუენი და მეუფებაჲ მისი, საქართველოს წმიდაჲ ეკლესიაჲ, უწმიდესი და უნეტარესი, სრულიად საქართველოს კათოლიკოს-პატრიარქი, დიდი მეუფე, მამაჲ ჩუენი ილია, ყოვლადსამღვდელონი მიტროპოლიტნი, მთავარეპისკოპოსნი, ეპისკოპოსნი და ყოველნი სამღვდელონი და სამონაზვნონი დასნი და ყოველნი მართლმადიდებელნი ქრისტიანენი.

ევედრე, წმიდაო მოწამეო ქრისტესო, შენგან შეყუარებულსა ტკბილსა იესუს, რათა მოგუანიჭოს მადლი და წყალობა თვისი აღურაცხელი; ჰოი, ყოველადქებულო და პატივცემულო წმიდაო მოწამეო გიორგი, ღმრთივდიდებულითა საკვირველებითა და ნიშებ-სასწაულებითა შენითა განათავისუფლენ ტყუენი, განკურნენ უძლურნი, გამოიხსენ განსაცდელსა შინა მყოფნი, განარინენ ზღუასა შინა მავალნი, მოაქციენ ცოდვილნი და შეაწყნარენ ქრისტესა ღმერთსა, ყოველთა შემწყნარებელსა და ყოველნი მადიდებელნი წმიდისა სახელისა შენისანი ადიდენ და აღამაღლენ სულითა და ხორცით, რაჲთა სასუფეველისა დიდებასა და დიდადშუენიერსა ბრწყინვალებასა ღმრთისასა ღირს ვიქმნეთ ყოველნი, ანგელოსთა თანა ვუგალობდეთ, წმიდათა თანა ვადიდებდეთ და შენ თანა გვირგვინოსანნი ვაკურთხებდეთ შენსა გვირგვინოსანმყოფელსა მამასა, შენსა განმაძლიერებელსა ძესა და შენ შორის მეტყუელსა სულსა წმიდასა, რომელსა შუენის ყოველი დიდებაჲ, პატივი და თაყუანისცემაჲ აწ და მარადის და უკუნითი უკუნისამდე, ამინ.

ღირს-არს ჭეშმარიტად, რათა გადიდებდეთ, შენ ღვთისმშობელო, რომელი მარადის სანატრელ იქმენ. ყოვლად-უბიწოდ და დედად ღვთისა ჩვენისა. უპატიოსნესსა ქერუბინთასა, და აღმატებით უზესთაესსა სერაბინთასა, განუხრწნელად მშობელსა სიტყვისა ღვთისასა, მხოლოსა ღვთისმშობელსა გალობით გადიდებდეთ.

ხსენების დღე

წმინდანის მიმართ განსაკუთრებით გულმხულვარედ ლოცულობენ დედები, რათა წმინდა გიორგიმ მათი შვილები დაიცვას და დიდხანს სიცოცხლე მისცეს.

მრევლი ამ დღეს ეკლესიაში აკურთხებს მარილს და პურს, შემდეგ საყვარელ ადამიანებს მასპინძლობს. პურის ნაჭერს უყოფდნენ ცხოველს, რომ დიდხანს არ დაავადნენ და შთამომავლობა არ გააჩინონ. ამ დღეს მამაკაცს, ოჯახის მფარველს საჩუქარს ჩუქნიან. ყველა გიორგის გიორგობას ულოცავენ.

ადრე დღესასწაულზე გლეხები მინდორში გადიოდნენ, მღვდლის ლოცვა–კურთხევით თესვას იწყებდნენ. ტრადიცია შენარჩუნდა: 6 მაისს მებოსტნეები კიტრს თესავენ. ითვლება, რომ ასე ბოსტნეულის კარგი მოსავალი იქნება.

ამ დღეს მიღებულია პირუტყვის საძოვარზე პირველად გაყვანა. პატრონი ძროხას მდელოზე ნაკურთხი ბზით ხელში მიაცილებდა და სჯეროდა: თუ პირუტყვს ნაკურთხი ბზით გაშოლტავდნენ, მას ავი თვალი და ავადმყოფობა ვერ შეაშინებდა.

აკრძალვები გიორგობას:

1. არ შეიძლება ხელსაქმეობა, ხელში სავარცხლის ან მაკრატლის დაჭერა.
2. ამ დღეს იკრძალება ბილწსიტყვაობა და კამათი, რადგან ელვას მოკვლა შეუძლია.
3. ამ დღეს არავის ცუდი არ უნდა ისურვოთ და ბოროტი გაიფიქროთ.
4. ცოდვაა გაჭირვებულს დახმარებაზე უარი უთხრათ.

ნიშნები 6 მაისს

1. წვიმა გიორგობის დღეს საძოვარზე ბალახს და მარცვლეულის კარგ მოსავალს გპირდებათ.
2. დილით ბევრი ნამი, ფეტვის მდიდარი მოსავლის ნიშანია.
3. თუ ქარიანი და ღრუბლიანი ამინდია, კიდევ დიდხანს გაგრძელდება.
4. თუ ჩიტები მაღლა დაფრინავენ, ამინდის დათბობას ელოდეთ.

ვიმედოვნებთ, რომ ეს დღესასწაული თქვენთვის ნათელი იქნება. დაე, წმინდანმა თქვენი ლოცვა მოისმინოს, ხოლო გულწრფელი რწმენა გამარჯვებაში დაგეხმაროთ.