ჯანმრთელობა
წაბლის ნაყოფი ხალხურ მედიცინაში: გამოყენება და რეცეპტები
წაბლი საკმაოდ გავრცელებული მცენარეა წიფლისებრთა ოჯახიდან. ის არა მხოლოდ გარეგნული სილამაზით გვატყვევებს, არამედ ხალხურ მედიცინაშიც ფართოდ გამოიყენება.
წაბლის ნაყოფის შემადგენლობა და სასარგებლო ნივთიერებები
მინერალური ნივთიერებები: მაგნიუმი, რკინა, კალციუმი, კალიუმი, ფოსფორი და ნატრიუმი;
უჯრედისი, შაქარი, ვიტამინები: A, C, B ჯგუფის ვიტამინები, დიდი რაოდენობით სახამებელი, ცილები და ნახშირწყლები;
სასარგებლო ნივთიერებები: ფლავონოიდები, ტანინები, ბიოაქტიური ნივთიერებები, ზეთი, პექტინები;
წაბლის ნაყოფის დახმარებით თქვენ დაგავიწყდებათ:
- რევმატიზმი
- პროსტატიტი
- ტროფიკული წყლულები
- პოდაგრა
- ბუასილი
- თრომბოფლებიტი
- ვარიკოზული გაფართოებული ვენები
- ცხვირიდან სისხლდენა და ა.შ.
წაბლის ნაყოფი ხალხურ მედიცინაში
წაბლის ნაყოფის ნაყენის გამოყენება:
კუნთების ანთების და მარილების დაგროვების გასაქრობად ნაყენი №1 გამოიყენეთ.
პროსტატის და თრომბოფლებიტის სამკურნალოდ ნაყენი №2 გამოიყენეთ.
ჰიპერტონიის, ბუასილის და ვარიკოზული გაფართოებული ვენების სამკურნალოდ ორივე რეცეპტი გამოგადგებათ.
რეცეპტი № 1
50 გრ ქერქისგან გასუფთავებული წაბლი აიღეთ და წვრილად დაჭერით. შემდეგ მიღებულ მასას 0,5 ლ არაყი დაასხით და დასაყენებლად 7 დღე გააჩერეთ.
6-9 წვეთი ნაყენი დღეში 3-ჯერ მიიღეთ. აუცილებლად დაძინებამდე ნახევარი საათით ადრე მიიღეთ. კურსი – 14 დღე.
რეცეპტი № 2
100 გრ მწიფე წაბლის ქერქს 1 ლ არაყი დაასხით და ბნელ ადგილას 14 დღე გააჩერეთ. 2 კვირის გასვლის შემდეგ გადაწურეთ. 25 წვეთი ნაყენი ცარიელ კუჭზე დღეში 2-ჯერ მიიღეთ. ნაყენი 50 მლ წყალში გააზავეთ. ნაყენის მიღებიდან 30 წუთის განმავლობაში არაფრის ჭამა არ შეიძლება. კურსი – 7 კვირა. 3 კვირა მიიღეთ, 1 კვირა შეისვენეთ და პროცედურა გაიმეორეთ.
ნაყენი აუცილებლად მაცივარში შეინახეთ!
წაბლის ნაყოფის ნახარში
5 გრ დაქუცმაცებულ წაბლის ნაყოფს და ამ მცენარის ფოთლებს 0,5 ლ მდუღარე წყალი დაასხით. 30 წუთით კარგად თავდახურულ ემალის ქვაბში ხარშეთ. ამის შემდეგ გადაწურეთ და 0,2 ლ წყალში გააზავეთ.
1 ს/კ ნახარში დღეში ერთხელ, 2 დღის განმავლობაში მიიღეთ. თუ უარყოფით რეაქციებს ვერ შეამჩნევთ, მიღება გააგრძელეთ – 1 ს/კ დღეში 2-3-ჯერ, ჭამის შემდეგ მიიღეთ.
მკურნალობის კურსი ინდივიდუალურია და ყველაფერი თქვენს ორგანიზმზეა დამოკიდებული.
დაიმახსოვრეთ: მკურნალობის დაწყებამდე დარწმუნდით, რომ ეს ზიანს არ მოგიტანთ.
