კულინარია
ცაცხვის ლიმონათი: სასარგებლო გამაგრილებელი სასმელი ცხელ ზაფხულში
ყოველთვის, როცა ცივი სასმელი გვსურს, საყიდლად მაღაზიაში გავრბივართ. Alltime.ge-ს რედაქცია გირჩევთ, რომ სასარგებლო და გამაგრილებელი ცაცხვის ლიმონათი სახლში თავად მოამზადოთ. მასში მავნე მინარევები არ შედის, თან გემრიელია და წყურვილს კარგად კლავს.
ინგრედიენტები:
- 2 მუჭა ცაცხვის ყვავილი
- 3 ლ ანადუღარი, გაგრილებული წყალი
- 2 ს/კ ნატურალური თაფლი
- 1 ლიმონი
მომზადება:
- ცაცხვის ყვავილები წინასწარ მოამზადეთ. სასურველია, გზისპირიდან მოშორებით შეაგროვოთ. შემდეგ მზეზე გაახმეთ.
- მინის ქილა გარეცხეთ.
- მასში ცაცხვის ყვავილები ჩაყარეთ. თაფლი დაუმატეთ.
- ლიმონი გარეცხეთ და ქერქიანად დააქუცმაცეთ.
- ლიმონი ქილაში ცაცხვის ყვავილებს და თაფლს დაუმატეთ და წყალი დაასხით.
- კარგად აურიეთ, ქილას ნაჭერი დააფარეთ და მზეზე 8-24 საათით გააჩერეთ.
- სასმელი გადაწურეთ. ჩენჩოც კარგად გაწურეთ.
- სასმელი გააგრილეთ!
გემრიელი სასმელი მზადაა!
ცაცხვის ლიმონათი არა მხოლოდ გაგაგრილებთ, არამედ ორგანიზმისთვის სასარგებლოა. მასში შედის ცაცხვი, ლიმონი, თაფლი. ასეთი სასმელის რეგულარული მიღებით:
- საჭმლის მონელება გაუმჯობესდება;
- კანი დატენიანდება;
- ანთება გაქრება;
- სისხლძარღვები გაფართოვდება;
- წნევა შემცირდება;
- ძილი გაუმჯობესდება;
- სიმსივნეს თავიდან აიცილებთ;
თაფლი ათეროსკლეროზის განვითარებას აფერხებს, გულზე, სისხლძარღვებზე, ღვიძლსა და თირკმლებზე დადებით გავლენას ახდენს. ლიმონი იმუნურ სისტემას აძლიერებს.
სასმელს ორიგინალური გემო რომ შემატოთ, პიტნა, ილი, ბეგქონდარა, ბარამბო დაუმატეთ.
