კულინარია
როგორ მოვხარშოთ ჭარხალი სწრაფად: 5 ხრიკი საქმიანი ხალხისთვის
უკვე მივეჩვიე იმ ფაქტს, რომ ყველაზე ბანალური საქმეც შეიძლება უკეთესად გაკეთდეს. მაგალითად, ყველამ იცის, როგორ მოხარშოს ჭარხალი. თუმცა ცოტამ თუ იცის, როგორ მოხარშოს ჭარხალი სწრაფად ისე, რომ ძირნაყოფი ტკბილი და ფერით გაჯერებული იყოს. ვაღიარებ, თავადაც არ ვიცოდი, სანამ ჩემებურად არ მოვხარშე. ვნახე, დავაგემოვნე და გადავაგდე.
მეგობარს სასწრაფოდ დავურეკე და ვუამბე, თუ როგორ ვერ მოვხარშე ჭარხალი. ის ძალიან გაოცდა და რამდენიმე რჩევა მომცა. მისი პრაქტიკაში გამოყენება გადავწყვიტე და შედეგიც დავინახე. უბრალოდ შეუდარებელია! დღეს გასწავლით, როგორ მოვხარშოთ ჭარხალი სწრაფად.
როგორ მოვხარშოთ ჭარხალი სწრაფად
მხოლოდ მდუღარე წყალში
ბევრმა იცის, რომ ჭარხალი დიდხანს უნდა იხარშებოდეს, ამიტომ ქვაბში წყალს ასხამენ, ბოსტნეულს დებენ და ივიწყებენ. სინამდვილეში ჭარხალი ცივ წყალში უნდა ჩადოთ და არა ცხელში. ასე უფრო ხრაშუნა და წვნიანი გამოვა.
უმარილოდ
გსურთ ხარშვის დროს მარილი დაუმატოთ, რომ შემდეგ არ დაგავიწყდეთ? ასე გაკეთება არ ღირს. ჩვენ ხომ ჭარხალს ქერქიანად ვხარშავთ, ბოსტნეული მაინც კარგად არ დამარილდება. შემდეგ კი გაგიჭირდებათ იმის გაგება, თუ რამდენი მარილი დაუმატოთ. ამასთან, მარილი ჭარხალს ნაკლებად წვნიანს და ხრაშუნას ხდის.
ხარშვა გაგრილებით
გსმენიათ ასეთ მეთოდზე? აღმოჩნდა, რომ დაბალი ტემპერატურა ბოსტნეულს სწრაფად მოხარშვაში ეხმარება. ყოველ 10 წუთში მდუღარე წყალს 70 მლ ცივი წყალი და ყინულის კუბები დაუმატეთ. ასეთი ტექნოლოგია არა მხოლოდ ჭარხლის, არამედ ლობიოს და ბარდას შემთხვევაშიც გამოგადგებათ.
დავუმატოთ ძმარი?
აქ, ერთმნიშვნელოვანი პასუხი არ არსებობს. ძმარი მჟავე გარემოს ქმნის, რომელიც ბოსტნეულს ლამაზი და ნათელი ფერის შენარჩუნებაში ეხმარება. მეორე მხრივ, ძმარი მომზადებას ხელს უშლის. ჭარხალი უხეში, მაგრამ ლამაზი რჩება. თუ ძმრის დამატება გსურთ, ეს მომზადების ბოლოს გააკეთეთ.
არ გადახარშოთ
თუ ბოსტნეულს გადახარშავთ, ის უტკბილო და ყავისფერი იქნება. ეს კი არ გამოგადგებათ. თუ ჭარხალი ბუნებით უტკბილოა, შეგიძლიათ წყალს ცოტა შაქარი დაუმატოთ. ასე ძირნაყოფის გემოს ხაზს გაუსვამთ.
სხვათა შორის, ბოსტნეულს ყუნწი არავითარ შემთხვევაში არ მოაჭრათ. წინააღმდეგ შემთხვევაში წვენი და შაქრის გემო გამოვა. მთელი ძირნაყოფი მოხარშეთ, ქერქი და ზედმეტები მხოლოდ შემდეგ მოაშორეთ. ახლა ჭარხლის რეცეპტებს უყურადღებოდ არ ვტოვებ. თქვენ?
