ნობელის პრემიის ლაურეატმა შექმნა სასმელი, რომელიც მეგობარს გზაში დააყოვნებს

მეჩნიკოვის ჩუმა–მაწონი წარმოუდგენლად სასარგებლო პროდუქტია, რომელიც ნაწლავების ჯანმრთელი მიკროფლორის შენარჩუნებას ხელს უწყობს და იმუნურ სისტემას აძლიერებს. დღეს Alltime.ge–ს რედაქცია გიამბობთ, როგორ მოამზადოთ ვიტამინებით მდიდარი ჩუმა–მაწონი, რომლის სარგებელიც ცნობილმა ნობელის პრემიის ლაურეატმა მეცნიერულად დაადასტურა.

მეჩნიკოვის ჩუმა–მაწონი

ილია ილიჩ მეჩნიკოვი რუსი და ფრანგი ბიოლოგი, იმუნოლოგი და ნობელის პრემიის ლაურეატია. მეჩნიკოვი სხვადასხვა ქვეყნების დღეგრძელობას წლების განმავლობაში სწავლობდა. შედეგად, 100 წელზე მეტხანს მცხოვრები ყველაზე მეტი ადამიანი ბულგარეთში აღმოაჩინა. ამ ასაკოვან ადამიანებს ძლიერი ჯანმრთელობა ჰქონდათ და აქტიურები და გამძლეები იყვნენ.

მეცნიერმა „ასწლოვნების“ ფენომენი ბულგარელების კვების ჩვევებს დაუკავშირა. ისინი იოგურტის მსგავს რძემჟავა პროდუქტებს მოიხმარდნენ, რომელსაც ბულგარული ჩხირების კულტურის დახმარებით ამზადებენ. ამის წყალობით ბულგარელების მიკროფლორის მდგომარეობა სხვა ქვეყნების მაცხოვრებლებთან შედარებით უფრო ოპტიმალური აღმოჩნდა.

საერთოდ, ჩვენი წინაპრები რძემჟავა პროდუქტებს უხსოვარი დროიდან მოიხმარდნენ. თითოეულ ხალხს სასმელების და კერძების მომზადების საკუთარი მეთოდი აქვს. უდავოდ, მეცნიერული ცოდნისა და არგუმენტების გარეშეც, ადამიანებმა ყოველთვის იცოდნენ, რომ ეს პროდუქტები ჯანმრთელობაზე კარგ გავლენას ახდენს. უფრო მეტიც, ითვლებოდა, რომ ისინი სიცოცხლეს ახანგრძლივებენ.

მეჩნიკოვის დამსახურებაა ის, რომ მან რძემჟავა პროდუქტებში ბულგარული ჩხირების და თერმოფილური სტრეპტოკოკის სარგებლის დადასტურება მეცნიერულად შეძლო. ასე დამკვიდრდა სახელი „მეჩნიკოვის ჩუმა–მაწონი“.

სასწაული პროდუქტის მთავარი სარგებელი:

1. სასარგებლო მიკროორგანიზმები ცილების ამინომჟავებად დაშლას ხელს უწყობენ.
2. „კარგ“ ბაქტერიებს კვებავს რძის მჟავით, რომელიც რძის შაქრიდან მიიღება.
3. შესაბამისად, „ცუდ“ ბაქტერიებს თრგუნავს, რომლებიც ჩვენს ჯანმრთელობაზე, განსაკუთრებით, კუჭ–ნაწლავის ტრაქტზე უარყოფითად მოქმედებს.
4. ჩუმა–მაწონი შეიცავს B ჯგუფის ვიტამინებს, A და C ვიტამინებს, ასევე უცვლელ ამინომჟავებს.

სასარგებლო ჩუმა–მაწვნის რეცეპტი

ვჩქარობთ ამ სასწაულმოქმედი იოგურტის რეცეპტი გაგიზიაროთ, რომელსაც დამსახურებულად ახალგაზრდობის ელექსირს უწოდებენ. მეჩნიკოვის ჩუმა–მაწვნის სახლის პირობებში მომზადება ძალიან მარტივია. ამისთვის ნატურალური მაწვნის დედა გჭირდებათ. ის უნდა შეიცავდეს 2 მთავარ კომპონენტს: ბულგარული ჩხირები და თერმოფილური სტრეპტოკოკი. სხვათა შორის, ახლა მაწვნის დედა შეგიძლიათ აფთიაქში ან სუპერმარკეტში შეიძინოთ. თუ ვერ იპოვით, შეგიძლიათ ონლაინ შეუკვეთოთ.

მომზადება:

1. პირველ რიგში, რძე აადუღეთ და 38-40°C–მდე გააგრილეთ. ტემპერატურის დასადგენად გირჩევთ სამზარეულოს თერმომეტრი გამოიყენოთ.
2. შემდეგ რძეს მაწვნის დედა დაუმატეთ. 1 ლიტრ რძეზე 2 ჩ/კ მაწვნის დედა დაგჭირდებათ.
3. ქვაბს თავსახური დაახურეთ და გადასაფარებელი დააფარეთ, რომ საჭირო ტემპერატურა შეინარჩუნოთ.
4. 7 საათში ჩუმა–მაწონი მზად იქნება. მაცივარში მაქსიმუმ 2 დღე შეინახეთ.

აი, ასე მარტივად მზადდება ჩუმა–მაწონი. მზა პროდუქტს შეგიძლიათ დაუმატოთ ხილი, ქატო, შვრიის ფანტელები, ჩიას თესლი – ნებისმიერი რამ, რაც გსურთ. სიცოცხლის გახანგრძლივებაზე ვერაფერს ვიტყვი, მაგრამ ორგანიზმისთვის ნამდვილად სასარგებლოა. თანამედროვე კვლევები ადასტურებს, რომ ნაწლავების მიკროფლორის ბალანსი ძლიერი ჯანმრთელობის და კარგი განწყობის გარანტიაა.

როგორ ფიქრობთ, მეჩნიკოვის ჩუმა–მაწონი ჯანმრთელობისთვის ნამდვილად სასარგებლოა და სიცოცხლის გახანგრძლივება შეუძლია? გაგვიზიარეთ თქვენი მოსაზრებები.