მეაგარაკების ხრიკები: რატომ უნდა მორწყათ ჭარხალი მარილიანი წყლით

აგარაკზე მეზობელი ყოველთვის მეუბნება: „თუ მსხვილი და ტკბილი ჭარხლის გაზრდა გსურს, მარილიანი წყლით მორწყე.“ უცნაურად ჟღერს, მაგრამ მეთოდი მუშაობს. ყველაფერი იმის გამო, რომ ჭარხალს ნატრიუმი უფრო სჭირდება, ვიდრე სხვა კულტურას. ყველა მეაგარაკემ არ იცის, როგორ მორწყას ჭარხალი სწორად.

მარილიანი ხსნარით ნერგების მორწყვა ჭარხლის შაქრიანობას ნამდვილად ზრდის. მნიშვნელოვანია, რომ არ გადააჭარბოთ. ასე ტკბილი ძირნაყოფის ნაცვლად გაფუჭებულ პროდუქტს მიიღებთ. Alltime.ge–ს რედაქცია გასწავლით, როგორ მორწყათ ჭარხალი მარილის სასუქით და როდის მიაწოდოთ.

რატომ მოვრწყათ ჭარხალი მარილის ხსნარით

მარილის ხსნარი ტკბილი ძირნაყოფის გაზრდაში დაგეხმარებათ. გარდა ამისა, ასეთ კვებას სხვა უპირატესობებიც აქვს. მაგალითად, მარილი ბოსტნეულის სრულფასოვან ვეგეტაციას უზრუნველყოფს. ჭარხალი ზომაში დიდი და სწრაფად გაიზრდება.

მარილით გამოკვების წყალობით არ გაყვითლდება და დაჭკნება. მარილის ხსნარი მავნებლების წინააღმდეგ საუკეთესო პროფილაქტიკაა. ბუგრებს, მუხლუხოებს და ლოქორებს დაივიწყებთ. მთავარია, იცოდეთ, როგორ მორწყათ ჭარხალი სწორად.

როგორ დავუმატოთ სასუქი

მიწას ჭარხლისთვის სასარგებლო მიკროელემენტის აუცილებელი რაოდენობა რომ დაუმატოთ, მარილიანი წყლით სეზონზე 2-3-ჯერ მორწყეთ. უფრო ხშირად არა, რადგან ჭარბი სასუქი ჭარხლისთვის საზიანოა. როგორი ხსნარი მოამზადოთ, თქვენს ნერგზეა დამოკიდებული:

1. ჯანმრთელი ნერგის (მსხვილი მწვანე ფოთლებით) გამოკვება. 1 ჩ/კ მარილი 10 ლ თბილ წყალზე. ასეთი ხსნარით 1 მ² ბოსტანს რწყავენ.
2. ჭარხლის გამოკვება, რომელსაც მოვლა სჭირდება (პატარა დახვეული ფოთლები სიწითლეებით). 2 ს/კ მარილი 10 ლ თბილ წყალზე. 1 მ² ბოსტნის მოსარწყავად საკმარისია.

მნიშვნელოვანია, რომ ხსნარი მინიმუმ 20 წუთით გააჩეროთ. მორწყვისას ყურადღება მიაქციეთ, რომ მარილის კრისტალები ძირნაყოფს არ მოხვდეს. ასე მცენარე შეიძლება დაიღუპოს.

იმავე მეზობელმა აგარაკზე მირჩია, რომ ჭარხალი ხახვთან ერთად დავრგო. ასე სხვა კულტურისთვის ადგილს ზოგავს. მენდეთ, ბევრ კულტურას ზრდის. გაქვთ აგარაკი? გაგვიზიარეთ, რას რგავთ სეზონზე.