გამოცდილი ფერმერის რჩევები, როგორ გაზარდოთ კიტრი სიმწარის გარეშე

ახალი წვნიანი კიტრის ხრაშუნი სასიამოვნოა. წარმოუდგენლად გემრიელი ბოსტნეული რომ გაზარდოთ, რამდენიმე წესი უნდა დაიცვათ. მხოლოდ ასე შეძლებთ კვლებიდან არომატული კიტრის მიღებას სიმწარის და ლპობის კვალის გარეშე.

გსურთ მიიღოთ ხარისხიანი მოსავალი? აუცილებლად გამოიყენეთ ერთი ეფექტური სასუქი, რომელსაც ყველა გამოცდილი ფერმერი იყენებს. მოსამზადებლად დაგჭირდებათ ძალიან ბიუჯეტური და ხელმისაწვდომი ინგრედიენტები. ძვირადღირებული სასუქების შესაძენად სპეციალიზებულ მაღაზიაში წასვლა არ მოგიწევთ. მთავარია, ხელნაკეთი სასუქი რეგულარულად გამოიყენოთ. შედეგი გაგაოცებთ.

გემრიელი კიტრი სიმწარის გარეშე: როგორ გაზარდოთ

ეფექტური სასუქი

ექსპერტები ირწმუნებიან, რომ კიტრს სჭირდება სპეციალური სასუქი, რომელიც სიმწარის გაჩენას არ დაუშვებს. რთულად მოსამზადებელს ვერ ვუწოდებთ. დაგჭირდებათ მდოგვის ფხვნილი და ხის ნაცარი. თანაბარი რაოდენობით აიღეთ და კარგად აურიეთ. მიღებული ნარევი კიტრის კვლებში მიმოფანტეთ. ერთ ბუჩქზე 4 ს/კ ხელნაკეთი საშუალება საკმარისია.

მაქსიმალური ეფექტისთვის სასუქი რეგულარულად გამოიყენეთ. ნარევი კიტრს 14 დღეში ერთხელ მოაყარეთ. ეს მორწყვებს შორის გააკეთეთ.

რჩევები კიტრის გასაზრდელად

არსებობს კიდევ რამდენიმე ნიუანსი, რომელიც უნდა იცოდეთ, თუ გემრიელი და ხრაშუნა კიტრის (ყოველგვარი სიმწარის გარეშე) კარგი მოსავლის მიღებას გეგმავთ.

• რეგულარული მორწყვა. კიტრს მუდმივი დატენიანება სჭირდება. სწორედ ამიტომ, მორწყვა არ დაგავიწყდეთ. ძალიან ძლიერი გვალვის და ზედმეტი მორწყვის მონაცვლეობა არ უნდა დაუშვათ. ეს სიმწარის გაჩენის მიზეზი შეიძლება გახდეს.
• უხვი მორწყვა. ზაფხულში, როცა გარეთ ძალიან ცხელა, კვლები საკმარისად ხშირად უნდა მორწყათ. ამ მიზნით თბილი წყალი გამოგადგებათ. ბოსტნეული დღეში 2–ჯერ მორწყეთ: დილით და საღამოს.

როგორც ხედავთ, გემრიელი კიტრის სიმწარის გარეშე გაზრდა საკმაოდ მარტივია. უბრალოდ მდოგვის ფხვნილის და ხის ნაცრის ნარევით რეგულარულად გამოკვებეთ. მორწყვა არ დაგავიწყდეთ. ასე გაზრდით ხრაშუნა კიტრს, რომლისგანაც დიდებულ წასახემსებელს მიიღებთ.