Connect with us

ყვავილები

ხავერდას გამოცდილი მეთოდით ვთესავ და უკვე მაისში ყვავილობს

ბევრი ადამიანისთვის ბაღში მუშაობა სულის მოთქმაა. რატომ არ დავამშვენოთ კლუმბი ახალი ყვავილებით? Alltime.ge-ს რედაქცია გიამბობთ, როგორ დათესოთ ხავერდა, რომ მეგობრული ყლორტები ამოვიდეს და უკვე მაისში აყვავილდეს.

როგორ დავთესოთ ხავერდა

ხავერდით დაფარულ კლუმბს ბევრი უპირატესობა აქვს. პირველ რიგში, მთელი ზაფხული კაშკაშა ფერებით სავსეა. მეორეც, განსაკუთრებული მოვლა არ სჭირდება. დამწყები მებაღისთვის კარგი ვარიანტია. ყვავილი გვალვაგამძლეა. სხვადასხვა დაავადებით პრაქტიკულად არ ინფიცირდება.

უფრო მეტიც, თავისი სპეციფიკური არომატის წყალობით ზოგიერთ მავნებელს იგერიებს. ამ მიზეზით ხავერდას რიგ სხვა კულტურებთან რგავენ. მაგალითად, ყვავილი კიტრს ბუგრებისგან იცავს, ხოლო კარტოფილს – კოლორადოს ხოჭოსგან.

ხავერდის ბევრი სახეობა არსებობს, რომლებიც არა მხოლოდ ფერით, არამედ სიმაღლით განსხვავდებიან. ყველაზე დაბალი სახეობა 20 სმ–მდე იზრდება, ყველაზე მაღალი – 130 სმ–მდე. ეს უკანასკნელი ხშირად საზეიმო ყვავილნარის შესაქმნელად გამოიყენება. სხვა ყვავილებს შესანიშნავად ეთავსება. დაბალი სახეობა მოვლილ სახლის კლუმბში კარგად გამოიყურება. მისგან დაბალ ცოცხალ ღობეს ხშირად აკეთებენ.

ხავერდის დათესვა

ხავერდა აღმოცენებიდან 1,5-2 თვეში ყვავილდება. მაისში ნამდვილად რომ აყვავილდეს, თესლი ნერგისთვის სადღაც მარტის შუა რიცხვებში დათესეთ. ახლაც მისაღები პერიოდია. დასათესად დიდი ქოთანი შეარჩიეთ. ფხვიერი და ნოყიერი მიწა სჭირდება.

Advertisement

როგორ დავთესოთ ხავერდა

  1. ქოთანი მიწით გაავსეთ და ოდნავ ჩატუმბეთ.
  2. მიწა პულვერიზატორით დანამეთ. თესლი მიწის ზედაპირზე ქაოსურად, ამასთან თანაბრად მოაყარეთ.
  3. თესლი დაატენიანეთ, შემდეგ ფხვიერი, მკვებავი მიწის თხელი ფენა მოაყარეთ. მსუბუქად ჩატუმბეთ და კვლავ დაატენიანეთ.
  4. პარკი დააფარეთ, შემდეგ ბინის მზიან ადგილას, მაგალითად, ფანჯრის რაფაზე გაიტანეთ.

პირველი ყლორტი უკვე 4-5 დღეში გამოჩნდება. თესლი კარგად რომ გაღვივდეს, სტაბილური ტემპერატურა სჭირდება. ოპტიმალური ტემპერატურა: 25 გრადუსი სითბო. თუ ხავერდის ჩითილების გარეშე გაზრდა გსურთ, ღრმა კონტეინერი გამოიყენეთ. მიწის ფენა მინიმუმ 8-9 სმ უნდა იყოს. ამ შემთხვევაში თესლი ერთმანეთისგან 2-3 სმ დაშორებაზე უნდა დათესოთ.

მზა ნერგი ღია გრუნტში შეგიძლიათ გადარგოთ, როცა ყინვები გაქრება. მაღალი ჯიშები მკაცრად 40 სმ დაშორებაზე დარგეთ, საშუალო სიმაღლის ჯიშისთვის 20 სმ საკმარისია, ხოლო დაბალი სახეობისთვის – 15 სმ.

შეიძლება თუ არა ხავერდის დათესვა ღია გრუნტში

ხავერდა ღია გრუნტში შეგიძლიათ დათესოთ. მცენარე სითბოს მოყვარულია. სწორედ ამიტომ, ყლორტები სწრაფად არ გამოჩნდება. გარდა ამისა, მიწაში თესლი მხოლოდ მაისში ითესება. ეს იმას ნიშნავს, რომ ყვავილობა ივლისის პირველ რიცხვამდე არ დაიწყება. ალბათ, ეს ვარიანტი მათთვისაა, ვინც არ ჩქარობს და ნერგის მოვლა არ უყვარს.

  1. პირველ რიგში, ადგილი მოამზადეთ, სადაც ხავერდის დარგვას აპირებთ. პატარა ღობე ან 5 სმ სიღრმის ორმო გააკეთეთ. ორმოებს შორის დაშორება ზუსტად 30-40 სმ უნდა იყოს.
  2. თესლი ორმოში ჩადეთ, შემდეგ მინიმუმ 1 სმ მიწის ფენა მოაყარეთ. მორწყეთ.
  3. გასქელებული ნერგები უნდა გაათხელოთ, ამასთან მათ შორის მინიმუმ 10 სმ თავისუფალი ადგილი უნდა დატოვოთ.

თუ უხვი ყვავილობის მიღება გსურთ, სასუქი გამოიყენეთ. ხავერდაზე კალიუმი და ფოსფორი საუკეთესო გავლენას ახდენს. მაგალითად, ხის ნაცარი, რომელშიც სხვა სასარგებლო მიკროელემენტების ფართო სპექტრიც გვხდება. ამ მიზნით მებაღეები მზა სასუქებსაც ყიდულობენ, როგორიცაა სუპერფოსფატი, კალიუმის სულფატი, კალიუმის ნიტრატი.

კარგია, თუ კლუმბში ხავერდის რამდენიმე სახეობას დარგავთ. ასე თქვენი ბაღი ნათელი ფერებით ათამაშდება და თვალს გაახარებს. სხვათა შორის, ხავერდა სამკურნალო მიზნითაც გამოიყენება. წარმატებას გისურვებთ!

Advertisement
Advertisement