ყვითელი, ვარდისფერი თუ თეთრი: რომელ ოქროზე ნადირობენ შემსყიდველები

რთულია იპოვოთ გოგონა, რომელსაც სამკაულები არ უყვარს. თითქმის ყველას ოქროს ნაკეთობა აქვს. ახლა რამდენიმე ოქროს ნივთის პირად კოლექციაში ქონა მოდაშია. თუ ადრე ყვითელი ოქრო მოთხოვნადი იყო, დღეს მყიდველების პრიორიტეტები შეიცვალა. ვარდისფერი ოქრო სულ უფრო მოთხოვნადი გახდა.

ის სხვადასხვა სამკაულის წარმოებაში გამოიყენება. ეს ეხება სამაჯურს, საათს, საყურეს, რგოლს, ძეწკვს, გულსაკიდს. ყველა შეძლებს აირჩიოს ვარიანტი, რომელიც ყველა პარამეტრით დააკმაყოფილებს. ვარდისფერი ოქროს ნიშნობის ბეჭედი საოცრად გამოიყურება. თუ რჩეულის სასიამოვნოდ გაოცება გსურთ, ასეთ საჩუქარზე დაფიქრდით.

რომელი ოქროა უკეთესი

ვარდისფერი ოქროს მახასიათებლები

უნდა ითქვას, რომ ხალხმა ვარდისფერი ოქროს შესახებ დიდი ხანია იცის. ადრე მასალა პოპულარობით არ სარგებლობდა, რადგან ბევრი ფიქრობდა, რომ ამ ოქროსგან დამზადებული ნაკეთობა უხარისხოა. მისი წარმოებისას შეცდომები იყო დაშვებული, ტექნოლოგია დარღვეული. ახლა სიტუაცია შეიცვალა.

ვარდისფერი ოქრო სუფთა სახით არ მოიპოვება. სპეციალისტები მის შემადგენლობას ქიმიური რეაქციების შედეგად იღებენ. ისინი ოქროს ზოგიერთ სხვა ლითონს ურევენ. ეს კეთდება იმისთვის, რომ უფრო გამძლე და პრაქტიკული ძვირფასი ლითონი მიიღონ. სუფთა ოქრო საკმაოდ რბილი ლითონია. ხელით მარტივად შეგიძლიათ გაღუნოთ. სპეციალისტები კარგი სიმტკიცისთვის ოქროს სხვადასხვა მინარევს უმატებენ.

ვარდისფერი ოქრო შეიცავს სამ ლითონს. აქ შედის სუფთა ოქრო, ვერცხლი და სპილენძი. ძვირფასი ლითონის ფერი გამოყენებული მასალების პროცენტზეა დამოკიდებული. ის ღია ვარდისფერი, ატმისფერი და თითქმის წითელი შეიძლება იყოს. ნარინჯისფერი ელფერის მისაღებად შენადნობს თუთიას უმატებენ.

რა უნდა იცოდეთ ვარდისფერი ოქროს სინჯზე

თუ ვარდისფერი ოქროს სინჯზე ვსაუბრობთ, აღსანიშნავია, რომ ამ შემთხვევაში გამოიყენება თითქმის იგივე სკალა, როგორც ყვითელი ოქროს შემთხვევაში. გამონაკლისია 999 სინჯი. საკმაოდ მოთხოვნადია ვარდისფერი ოქროს სინჯი 750. მასში შედის ოქრო (75%), ვერცხლი (9%), სპილენძი (16%). ასეთი შენადნობის მაღალი ღირებულება სუფთა ოქროს ყველაზე მაღალი პროცენტით გამოწვეულია. ვარდისფერი ოქროსგან (სინჯი 750) დამზადებულ სამკაულს გაჯერებული ყვითელი ფერი აქვს. ამასთან განსაკუთრებული ვარდისფერი ელფერი დაკრავს.

ვარდისფერი ოქრო საიუველირო ინდუსტრიაში

ბევრი დადებითი თვისების გამო, რომელსაც პრაქტიკულობა და პლასტიურობა მიეკუთვნება, ვარდისფერი ოქრო თანამედროვე საიუველირო ინდუსტრიაში უფრო გავრცელებული ხდება. ბევრი ადამიანი ასეთი ოქროთი დამზადებულ კულონს და ნიშნობის ბეჭედს უპირატესობას ანიჭებს. ზოგადად, მისგან ნებისმიერი სამკაული შეგიძლიათ დაამზადოთ. ლამაზად გამოიყურება და მომსახურების დიდი ვადით გამოირჩევა.

ბევრს აინტერესებს, რა ღირს ვარდისფერი ოქრო. ნაწარმის ფასი სხვადასხვა ფაქტორზე დამოკიდებულია. ესა სამკაულის წონა, ლითონის სინჯი, სხვადასხვა ჩანართი ქვის სახით. დიზაინს და მწარმოებლის სახელსაც მნიშვნელობა აქვს. ფასზე ძვირფასი ლითონის გაცვლითი კურსიც მოქმედებს.

თუ ვარდისფერი ოქროს სამკაულის შეძენა გადაწყვიტეთ, უნდა იცოდეთ, როგორ გაარჩიოთ ყალბისგან. ამ შემთხვევაში რამდენიმე რეკომენდაცია გამოიყენეთ. პირველი, სამკაული მხოლოდ გამოცდილ და რეკომენდებულ საიუველირო კომპანიაში შეიძინეთ. მათ შეუძლიათ წარმოგიდგინოთ ყველა აუცილებელი დოკუმენტი, რომელიც სამკაულის ავთენტურობას დაადასტურებს.

ეჭვების შემთხვევაში პროფესიონალ იუველირს მიმართეთ. ის სამკაულს დეტალურად შეისწავლის და მის ნამდვილობაზე აზრს გამოთქვამს. თუ გსურთ, რომ ვარდისფერი ოქროს ნაკეთობა დიდხანს გახარებდეთ, მის არჩევას სერიოზულად მიუდექით. ასე შედეგით კმაყოფილი დარჩებით.