ქაღალდი და ჭურჭლის სარეცხი მანქანის აბი უნიტაზის ყვითელი ნაჟონების მოსაშორებლად

უნიტაზი 8 წლის წინ შევიძინეთ. მაშინ ყველაზე მოდური და ხარისხიანი მოდელი იყო. ვიცოდით, რომ უნიტაზი, როგორი ძვირიანიც არ უნდა იყოს, სამუდამოდ ვერ გვემსახურებოდა, მაგრამ მასზე ყვითელი ნაჟონების დანახვა იმედს გვიცრუებს. ეფექტური ხრიკის გამოყენებით, რომელსაც კვირაში ერთხელ ვიყენებ, უნიტაზს ყვითელ ლაქებს მარტივად ვაშორებ.

სისუფთავის შესანარჩუნებლად უნიტაზს რეგულარულად ვწმენდ. უნიტაზის კედლებზე ყვითელ ნაჟონს ქაღალდით და ჭურჭლის სარეცხი მანქანის აბით ვაშორებ. დეტალურად გიამბობთ, როგორ გამოიყენოთ ეფექტური ხრიკი უნიტაზის საწმენდად.

ყვითელი ნაჟონი უნიტაზზე: მარტივი და ეფექტური საწმენდი საშუალება

დაგჭირდებათ ჭურჭლის სარეცხი მანქანის აბი და ქაღალდის პირსახოცი. აბი ფხვნილის მისაღებად დაფშვენით. თასში ჩაყარეთ, 1 ჭიქა თბილი წყალი დაასხით და აურიეთ. ამ ხსნარში ქაღალდი დაასველეთ. იმდენი ქაღალდი გამოიყენეთ, რომ ყვითელი ნაჟონი ბოლომდე დაფაროთ.

დასველებული ქაღალდი ყვითელ ნაჟონს დააფარეთ და მინიმუმ 20 წუთით გააჩერეთ. ძველი ლაქების შემთხვევაში უფრო დიდხანს გააჩერეთ. 30 წუთში ქაღალდი მოაშორეთ, უნიტაზი ღრუბლით გახეხეთ. ყვითელ ზოლებს და ლაქებს მარტივად და სწრაფად მოაშორებთ.

პროცედურის ჩატარების დროს ხელთათმანის გამოყენება აუცილებელია. ასე ნაზ კანს ქიმიის ზემოქმედებისგან დაიცავთ.