მოდა და სტილი
ქალის ცხოვრება 60 წლის შემდეგ მხოლოდ იწყება, რასაც ტანსაცმელი ხმამაღლა უნდა აცხადებდეს
![](https://alltime.ge/wp-content/uploads/2023/03/Poster_2023_03_29-17_01_42.jpg)
ერთად დავიაროთ ტანსაცმლის მაღაზიები და ვნახოთ, როგორ უნდა ჩაიცვას გაზაფხულზე მოწიფული ასაკის ქალმა. არის არჩევანი? ყველა ტრენდული ვარიანტი გამჭვირვალე ქსოვილით, ბზინებით, მოშიშვლებული მუცლით, მხრებით და ყველა სახის ჭრილით ბიუსჰალტერზე, კაბაზე, შარვალზე და კორსეტზე მინაწერით „გამარჯობა, 2000 წლებიდან“ 60 წლის ქალისთვის ნამდვილად შეუფერებელია. მათთვის კითხვა, როგორ ჩაიცვას ქალმა გაზაფხულზე, სითბოს დადგომისთანავე უბოდიშოდ აშკარავდება.
როგორ ჩაიცვას ქალმა გაზაფხულზე
არასდროს ყოფილა ისეთი რამ, რაც ადრე არ ყოფილა. ვიმედოვნებთ, მოდასა და ოდნავ „შემოდგომის“ გაზაფხულის ქალს შორის კომპრომისი შესაძლებელია.
მაგალითად, არ ჩაიცვათ გამჭვირვალე ქვედაკაბა ან შარვალი, მაგრამ აირჩიეთ ბლუზი მაქმანის, შიფონის ან ორგანზას ფართო სახელოებით. ამ ქსოვილების ჩანართები ასიმეტრიულ ქვედაკაბას ან მსუბუქ გაშლილ შარვალს შეგიძლიათ დაუმატოთ. სეზონის მოდური ზოლები, უჯრები, კოპლები ხელმისაწვდომია (კარადაში ასეთი ფორმის სამოსი შეიძლება გქონდეს და მარტივად გაათანამედროვოთ). საკმარისი ვარიანტებია. მოდური გაზაფხულის ფერების გამა გავიხსენოთ.
გაზაფხულის ფერები
ახლა მოდაშია ნათელი, ნაჯერი ელფერები. განსაკუთრებით ჟოლოსფერი წითელი Viva Magenta. მასში იმდენი ენერგიაა, რომ სტილის გადატვირთვის და დამახინჯების რისკი არსებობს. ეს ფერი შეგიძლიათ გამოიყენოთ თეთრი ან შავი სამოსის დეტალად ან ერთ–ერთ აქსესუარად: ქამარი, შარფი, ხელთათმანი. სხვათა შორის, სხვადასხვა მასალის ხელთათმანი, განსაკუთრებით გრძელი, არა მხოლოდ გაზაფხულზე, არამედ ზაფხულში მოდურია.
ღრმა კობალტის ლურჯი ნათელი და ამავდროულად ელეგანტურია. ამ ფერის კაბა, ბლუზი, შარვალი და ქვედაკაბა სხვა ფერებთან კომბინაციაში თამამად შეგიძლიათ ჩაიცვათ. თეთრის და კობალტისფერის შეხამება ფერების სიკაშკაშეს და სიწმინდეს ხაზს გაუსვამს.
შავი ფერი, რომელიც ლურჯს სიღრმეს მატებს, დრამატული სტილის შექმნაში დაგეხმარებათ. კობალტისფერი ბლუზის ან სვიტერის და კრემისფერი ან ქვიშისფერი კაბის ან შარვლის კომბინაციით სიკაშკაშეს და ბუნებრიობას დააბალანსებთ, საკუთარ თავს და სხვებს სითბოსა და კომფორტს შეახსენებთ.
ღია ყვითელი აქცენტი ლურჯზე მზიან განწყობას მოგანიჭებთ. ფირუზისფერი მწვანე ან პიტნისფერი ჰარმონიას შეგმატებთ და სტილს განაახლებს. თავშეკავებული ფერებიც გაიხსენეთ, რადგან მათში თავს განსაკუთრებით კომფორტულად იგრძნობთ. გაზაფხულზე ელეგანტურობის სიმბოლოა ნაცრისფერი, განსაკუთრებით მარგალიტისფერი. მას კარგად შეეფერება თბილი და ცივი ფერები ღია ყვითელიდან ნაზ ცისფერამდე.
კომბინაცია, რომელსაც შეიყვარებთ
პასტელური ვარდისფერი ნაცრისფერს იდეალურად ეხამება, რასაც ქრისტიან დიორი 1940-იანი წლების ომისშემდგომ მოდელებში ხაზს უსვამდა. ნაზი ვარდისფერი შავთან ერთად იდუმალებს შეგმატებს, ხოლო თეთრთან – სინაზეს და რომანტიკას.
თბილი ვარდისფერი და ღია ლურჯი სითბოსა და სიცივეს შორის ბალანსს ქმნის, მოდურ სტილს ხაზს უსვამს. ვინტაჟური ჯინსიც ტრენდშია. წელს ესაა ლურჯის, მწვანის და ვარდისფერის მოხარშული ელფერები.
თეთრთან ერთად სიმსუბუქეს და განახლებას განასახიერებს, ხოლო შავთან – ელეგანტურობას და მოდურობას, ხოლო პასტელური ღია ვარდისფერი, ცისფერი, კრემისფერი და ყავისფერი სტილს მყუდროებას ანიჭებს, განსაკუთრებით მაშინ, როცა ჯინსს ნაქსოვ ნივთებს შეუხამებთ.
როგორ უნდა ჩაიცვას კარგი გემოვნების ქალმა გაზაფხულზე
გაიხსენეთ, როგორ მოახერხეთ ნივთების შერჩევა სხვადასხვა ჰარმონიული სტილისთვის და გასაგები გახდება, როგორ ჩაიცვათ გაზაფხულზე. იდეალურია გრილი ამინდის ანსამბლი ხორცისფერ ტონებში: ღია კრემისფერი ლაბადა დიდი ჯიბეებით, მოდური ბერეტი, რომელიც თქვენს ვარცხნილობას უხდება, და მოკლე კუბოკრული შარფი.
იგივე შარვალი და ფეხსაცმელი ღია ვარდისფერ ჯემპერთან და სეზონის პოპულარულ ნაცრისფერ ბეწვთან ერთად ძალიან აქტუალურ, ცოტა რომანტიკულ სტილს შექმნის ცივი გაზაფხულის დღეებისთვის, როცა ღილები შეგიძლიათ შეიხსნათ. მსხვილი აქსესუარი სტილს კიდევ ერთ ნაზ დეტალს შემატებს.
მოდური ჩაცმულობა
სტილი სადაც თეთრი ფერი ჭარბობს, ელეგანტურად გამოიყურება: რძისფერი თავისუფალი პალტო, იმავე ფერის მოკლე შარვალი და თეთრი დაბალქუსლიანი ჩექმა. მუქი ლურჯი ჯემპერი ორიგინალური საყელოთი სტილს განსაკუთრებულ ხიბლს შემატებს.
თეთრი ბლუზი და შავ–წითელი კუბოკრული მსუბუქი ჟაკეტი მოდურად გამოიყურება. სტილს მუქი სათვალე და საყვარელი ჩანთა შეავსებს. შეგიძლიათ ხალხის გულის მოსაგებად გაეშურათ.
ბოლო აკორდი
თქვენთვის კარგი ლუქები შევარჩიეთ. ვიმედოვნებთ, რომ შერჩეულ ვარიანტებს შორის იპოვით იმას, რაც განსაკუთრებით მოგეწონათ და სიამოვნებით ჩაიცვამთ.
![](https://alltime.ge/wp-content/uploads/2018/12/Alltime.png)