ვის არ უყვარს რაჰათ-ლუხუმი! აღმოსავლური ტკბილეულის პირველი გასინჯვის დროს ისეთივე წარმოუდგენელი გეჩვენებათ, როგორც ათასი და ერთი ღამე: ტკბილი, მრავალფეროვანი და ბევრი დანამატით. ახლოს გაცნობისას მიხვდებით, რომ უკვე შეყვარებული ხართ. ტკბილი კუბების მაღაზიაში შეძენა აუცილებელი არაა: სახლში ლუხუმის მომზადება სირთულეს არ წარმოადგენს! საკუთარი ხელით მომზადებული ლუხუმი დიდი სიამოვნებაა.

დღეს გიამბობთ, როგორ მოამზადოთ ლუხუმი სახლის პირობებში მხოლოდ 4 ინგრედიენტის გამოყენებით. ჟელატინის, აგარ-აგარის, კონსერვანტების და საღებავების გარეშე – მაღაზიაში შენაძენზე ასჯერ უფრო გემრიელია!

სახლში მომზადებული ლუხუმი

ინგრედიენტები:

• 400 მლ ახალ დაწურული მანდარინის წვენი
• 3 ს/კ შაქარი
• 3 ს/კ სახამებელი
• 1 ს/კ კარაქი
• ქოქოსის ფანტელები გასაფორმებლად

მომზადება:

1. მანდარინის 400 მლ წვენი დაწურეთ, კურკები და რბილობი მოაშორეთ.

2. წვენი ქვაბში გადაასხით, სახამებელი და შაქარი დაუმატეთ. კარგად აურიეთ, რომ კურკები არ გაჩნდეს.

3. ქვაბი ცეცხლზე დადგით და ნარევის ადუღებას დაელოდეთ, მუდმივად აურიეთ. ცეცხლს მოუმატეთ და ნარევი ჯემის, საშუალო სისქის მიღებამდე ადუღეთ.

4. ნარევი ცეცხლიდან გადმოდგით და 1 ს/კ კარაქი დაუმატეთ. კარგად აურიეთ.

5. ლუხუმის ფორმებს კარაქი წაუსვით, შემდეგ ცხელი მანდარინის ნარევით აავსეთ. ნარევი მაცივარში სრულ გაგრილებამდე დატოვეთ. სჯობს მაცივარში მთელი ღამით გააჩეროთ.

6. ფორმებიდან ლუხუმი ფრთხილად ამოიღეთ, დაჭერით პორციებად და ქოქოსის ფანტელებში ამოავლეთ.

7. სახლში მომზადებული რაჰათ-ლუხუმი კონსერვანტების და საღებავების გარეშე მზადაა!

თუ რეცეპტი მოგეწონათ, მეგობრებს სოციალურ ქსელში აუცილებლად გაუზიარეთ.