რომელი კეფირის დალევა არ შეიძლება. შეფუთვას ყურადღება მიაქციეთ

კეფირი კვების რაციონში ერთ–ერთი მთავარი რძემჟავა პროდუქტია. ის სუფთა სახით შეგიძლიათ მიირთვათ ან სხვადასხვა კერძის, განსაკუთრებით ცომეულის მოსამზადებლად გამოიყენოთ. ყველა კეფირი ერთნაირი არაა. ზოგჯერ ამ პროდუქტს მეტი ზიანის მოტანა შეუძლია, ვიდრე სარგებლის. Аlltime.ge–ს რედაქცია გიამბობთ, რომელი კეფირის დალევა არ შეიძლება. რა თქმა უნდა, ეს სასარგებლო პროდუქტი ბევრ ვიტამინს და პრობიოტიკს შეიცავს. ვყიდულობთ კეფირს, თუ ვგრძნობთ, რომ საჭმლის მომნელებელი სისტემა რიგზე არაა. გარდა ამისა, ბევრი კეფირის დიეტა არსებობს. კეფირის სარგებლობისა და მისი უკუჩვენებების შესახებ ქვემოთ წაიკითხეთ.

კეფირის სარგებელი

1. კეფირი შეუცვლელი რძემჟავა პროდუქტია ნაწლავის მიკროფლორის ბალანსის აღსადგენად. მარაგი შეავსეთ, თუ ანტიბიოტიკის მიღებას აპირებთ ან კუჭ–ნაწლავის ტრაქტის დარღვევას გრძნობთ. კეფირში შემავალი პრობიოტიკები მავნე ბაქტერიების ზრდას აფერხებს.
2. გარდა ამისა, რძემჟავა პროდუქტი მდიდარია ანტიოქსიდანტებით, A, B2, B12, C და PP ვიტამინებით, ფერმენტებით და მინერალებით.
3. კეფირი ნაწლავების დაავადებების, აუტოიმუნური პრობლემების, ალერგიის, ეგზემისა და ფსორიაზის დროს სასარგებლოა.
4. პროდუქტი ბევრ ცილას და ადვილად მოსანელებელ კალციუმს შეიცავს.
5. შესაფერისია მათთვის, ვისაც ლაქტოზის აუტანლობის მსუბუქი ფორმა აქვს.

რომელი კეფირის დალევა არ შეიძლება

1. დანამატებით. ეს შეიძლება იყოს ხილის ნაჭრები, მარცვლეული ან სხვა დანამატი. ასეთ კეფირზე უარი თქვით და ნატურალურ პროდუქტს უპირატესობა მიანიჭეთ. თუ კეფირის დატკბობა გსურთ, სახლში კენკრა, ხილი ან ჩირი დაუმატეთ.
2. უცხიმო კეფირი. უცხიმო კეფირი არ შეიცავს ცხიმს, მასთან ერთად ვიტამინებს, რომლებიც ამ ცხიმში იშლება. ასეთი პროდუქტის შეძენისას А და D ვიტამინებზე უარს ამბობთ. კეფირის ნორმალური ცხიმიანობა – 3,2%.
3. გამასქელებლით. მას უფრო სქელი კეფირის მისაღებად ამატებენ. კეფირის სარგებელზე სისქე გავლენას არ ახდენს, მაგრამ მაინც გირჩევთ აირჩიოთ კეფირი სახამებლის, გამასქელებლის და სტაბილიზატორის გარეშე. შემადგენლობა ყურადღებით წაიკითხეთ.
4. შენახვის დიდი ვადა. ნორმალური ვადა 1 კვირაა. მასში მეტი სასარგებლო ბაქტერია შედის.

ვისთვის არ შეიძლება კეფირის დალევა

1. კეფირი ცარიელ კუჭზე არ დალიოთ. ამ რძემჟავა პროდუქტში, როგორც კუჭის წვენში, დაბალი ტუტე ბალანსია. ამრიგად, თუ კეფირს ჭამამდე დალევთ, კუჭში მეტი წვენი წარმოიქმნება და ლორწოვან გარსს დააზიანებს. როგორც ხედავთ, კეფირის დიეტა და განტვირთვის დღეები კეფირით საუკეთესო გადაწყვეტილება არაა.
2. ჰიპერაციდული გასტრიტის დროს კუჭის წვენის მაღალი მჟავიანობის მქონე ადამიანებისთვის.
3. პანკრეატიტის ან კუჭის წყლულოვანი დაავადების დროს.

კეფირი, როგორც სასარგებლო პროდუქტი, რაციონში უნდა ჩართოთ. გახსოვდეთ: ყველაფერი კარგია ზომიერად. კეფირის დღიური ნორმა 200-250 მლ. ეს ერთ ჭიქაზე ნაკლებია. ორგანიზმი სასარგებლო პროდუქტებით არ გადატვირთოთ.