Connect with us

თავის მოვლა

რატომ ვზრუნავთ ნაოჭებზე არასწორად: როგორ განვსაზღვროთ მათი ტიპი და რა გავაკეთოთ

ჩვენ ნაოჭებს „წვრილად“ და „ღრმად“ ვყოფთ, თუმცა სინამდვილეში რამდენიმე ტიპი არსებობს. მხოლოდ ნაოჭების ზუსტი ტიპის ცოდნით შეიძლება სწორი მოვლის საშუალებების შერჩევა და მისი განვითარების შეფერხება. დინარა მახთუმკულიევა, კოსმეტოლოგ–ესთეტიკოსი გიამბობთ, თუ როგორ „წაიკითხოთ სახე“.

ნაოჭების გაჩენის მიზეზები

ჩვენი კანი დაბერებას 20 წლის შემდეგ იწყებს. პირველი ანტიასაკობრივი ხაზი „20+“ ნიშნით ტყუილად არ იწყება. ნაოჭების გაჩენის მიზეზი არა მხოლოდ ასაკი, არამედ სტრესი, არასწორი კვება და ცხოვრების წესია. ახალგაზრდა გოგოს, რომელიც მაღალ ბალიშზე დაწოლილი წიგნის კითხვას მიჩვეულია, „ვენერას რგოლი“ შეიძლება უფრო ადრე გაუჩნდეს, ვიდრე მის 50 წლის დედას. ყველაფერი ინდივიდუალურია და დამოკიდებულია იმაზე, თუ როგორ ვზრუნავთ კანზე.

ნაოჭების ტიპები

სახეზე ნაოჭების მდებარეობის და მიმიკების მიხედვით რამდენიმე ტიპის ნაოჭი არსებობს. სარკეში საკუთარი თავი კარგად დაათვალიერეთ, სხვადასხვა ემოციები გამოხატეთ, რომ მიხვდეთ, საიდან და როგორ გაჩნდა თქვენი ნაოჭები.

ზედაპირული ნაოჭები

წარმოიქმნება გარემოს გავლენით: მზე, ტემპერატურის ცვლილებები, ქარი და ყინვა. ხშირად ჩანს თვალის კუთხეებში ან შუბლზე. ის მაქსიმალურად შეუმჩნეველია და წვრილ ხაზს ან ობობის ქსელს ჰგავს, განსაკუთრებით შესამჩნევია თეთრი ზოლები გარუჯულ კანზე.

რა გავაკეთოთ: მათ მოშორებას პილინგის ერთი კურსით მარტივად შეძლებთ. შეგიძლიათ სახლში დაისკრაბოთ, მაგრამ სალონური მჟავები უფრო ძლიერი და ეფექტურია. თუ ზედაპირული ნაოჭები შეამჩნიეთ, მისი მოშორება არ გადადოთ, რომ ნაოჭები ღრმა არ გახდეს.

სტატიკური ნაოჭები

უშუალოდ ასაკის გამო ჩნდება: მოქნილობის, კოლაგენის და ძველი მოცულობის დაკარგვა. ისინი მიმიკაში თითქმის არ მონაწილეობენ და არ ქრებიან, როცა სახე მშვიდ მდგომარეობაშია, ანუ ასეთი ნაოჭები ყოველთვის გვაქვს. ხშირად მენოპაუზის დროს ჩნდება.

რა გავაკეთოთ: აქ, კარდინალური ზომები გჭირდებათ. პირველ სტადიაზე კანი შეგიძლიათ ლაზერული გაპრიალებით გაასწოროთ. თუ ნაოჭები ძალიან ღრმაა, პლასტიკური ოპერაცია დაგჭირდებათ.

მიმიკური ნაოჭები

ასაკის მიუხედავად ჩნდება. ესაა თქვენი ემოციების კვალი – ღიმილი, შეკრული წარბები ან გაოცება. თუ მიმიკას ყურადღებას არ მიაქცევთ, დროთა განმავლობაში ნაოჭები ჩაღრმავდება და სტატიკური გახდება – არ გაქრება მაშინაც კი, თუ ემოციებს არ გამოხატავთ. ამ ტიპის ნაოჭების ყველაზე ცნობილი სახეები – წარბებს შორის ნაკეცი და „ბატის თათები“ თვალის კუთხეებში.

რა გავაკეთოთ: პირველ რიგში, კოსმეტოლოგი გირჩევთ ბოტულინთერაპიას. ბოტოქსის ინექციები კუნთებს 4-6 თვე ბლოკავს და არსებობს ალბათობა, რომ ამ დროში წარბების შეკვრას და ემოციების სახეზე აღბეჭდვას გადაეჩვიოთ. თუ ახალგაზრდა ხართ და კანი საკმაოდ გლუვია, მიმიკის შეჩერების შემდეგ თავად გასწორდება.

გრავიტაციული ნაოჭები

განსაკუთრებით შეიმჩნევა 50 წლის შემდეგ, როცა კანი სუსტდება და მოქნილობას კარგავს. მიზეზი მხოლოდ ასაკი არაა. ყელზე გრავიტაციული ნაკაცები შეიძლება გაჩნდეს ზედმეტი წონის დროს, როცა კანი საკუთარი სიმძიმით იკეცება და მეორე ნაკეცი ჩნდება. გრავიტაციულად ითვლება ნაოჭები დეკოლტეს ზონაში, რომელიც დიდი ზომის მკერდის მქონე გოგოებში ჩნდება.

რა გავაკეთოთ: როცა სახეზე ღაბაბი ან გრავიტაციული პტოზი ჩნდება, იდეალურია ქირურგიული ძაფებით დაჭიმვა. ეს მიკროინვაზიური ოპერაციაა მინიმალური სარეაბილიტაციო პერიოდით. ეფექტი 2-3 წელი გრძელდება.

რაც შეეხება მკერდის ზონას, არ დაუშვათ მასტოპტოზი, დამხმარე საცვალი ჩაიცვით და დამატენიანებელი კრემები წაისვით. თუ სახეზე პილინგს იკეთებთ, დეკოლტეს ზონაც დაიმუშავეთ.

ძილის ნაოჭები

ცნობილია, რომ მთელი ცხოვრების 25%–ს ძილში ვატარებთ. სამართლიანი იქნება ამ პროცესს საკუთარი ტიპის ნაოჭი გამოვუყოთ. ყურადღება მიაქციეთ, თუ როგორ გძინავთ. თუ გვერდზე წოლას უპირატესობას ანიჭებთ, ასაკთან ერთად ამ ზონაზე ნაოჭები გაჩნდება – თვალის და საფეთქლის ზონაში. თუ მაღალ ბალიშზე გძინავთ, მალე ყელზე ნაოჭები ე.წ. „ვენერას რგოლი“ გაგიჩნდებათ. იგივე ეხება ძილის წინ კითხვას – თუ დაწოლილი კითხულობთ ან სოციალურ ქსელს ათვალირებთ, ყელზე ნაოჭები არ დააყოვნებს.

რა გავაკეთოთ: პირველ რიგში, ჩვევები და ბალიში გამოცვალეთ. დაბალ ბალიშზე დაიძინეთ და დაწოლილმა არასდროს წაიკითხოთ. სმარტფონის სახის პირისპირ დაჭერას მიეჩვიეთ. დგომას ყურადღება მიაქციეთ, როცა იხრებით, ყელზე ნაოჭები ჩნდება.

თუ ნაოჭების კვალი უკვე გაქვთ, სალონში უნდა მოიშოროთ. ბიორევიტალიზაცია დაგეხმარებათ, რომელიც კანს მოქნილობას უბრუნებს და კარგად ატენიანებს. შეგიძლიათ მიკროდენის თერაპია გაიაროთ, ის კოლაგენის წარმოებას ააქტიურებს და კანს მნიშვნელოვნად აგლუვებს.

რიჩარდ გლოგაუს კლასიფიკაცია

ნაოჭების კიდევ ერთი კლასიფიკაცია არსებობს, რომელიც ამერიკელმა ქირურგმა რიჩარდ გლოგაუმ შეიმუშავა. კლასიფიკაცია კანის სიბერის მიხედვით 4 კატეგორიად არის დაყოფილი.

  • ტიპი I, უნაოჭო: 20-30 წლის ადამიანები მშრალი კანით და მსუბუქი პიგმენტაციით, კერატოზის და მინიმალური ნაოჭების არ არსებობით. თქვენ არ გჭირდებათ მაკიაჟი მათ შესანიღბად.
  • ტიპი II, მიმიკური ნაოჭები: გვხვდება 30-40 წლის ასაკში. ეს ზომიერი ფოტოდაბერებაა. მიმიკური ნაოჭები ღიმილის დროს თვალების ირგვლივ ჩნდება. ზოგჯერ საჭიროა კონსილერი, რომ ნაოჭები შენიღბოთ.
  • ტიპი III, ნაოჭები მშვიდ ფაზაში: 50-60 წლის ასაკში, პროგრესული ფოტოდაბერება. ნაოჭები საკმაოდ ღრმაა და ტონალური კრემით ვერ დაფარავთ.
  • ტიპი IV, მხოლოდ ნაოჭები: 60 წელს ზემოთ, ძლიერი ფოტოდაბერებით, მოყვითალო–ნაცრისფერი კანის ფერით და ბადური ნაოჭებით მთელ სახეზე. მაკიაჟი პრაქტიკულად არ ჩერდება, შენიღბვა შეუძლებელია.

რა თქმა უნდა, საკუთარ თავზე უნდა იზრუნოთ და პროცედურებით თავი გაინებივროთ, მაგრამ გახსოვდეთ, რომ ნებისმიერი ნაოჭი – თქვენი ღიმილის, გაოცების, ცრემლების და უძილო ღამეების კვალია (რომელიც ამად ღირდა!).

Advertisement
ყვავილები20 hours ago

იოდი გერანისთვის: როგორ გამოვიყენოთ უხვი ყვავილობისთვის

ტესტები20 hours ago

აირჩიეთ კარი რომელიც მოგწონთ და გაიგეთ რა მოხდება მალე

ჰოროსკოპი20 hours ago

ქალური და მამაკაცური ზოდიაქოს ნიშნები: ნახეთ, როგორი ენერგეტიკა გაქვთ

ჯანმრთელობა2 days ago

ღვიძლის გაცხიმოვნება: 9 პროდუქტი, რომლითაც მას უფრო მარტივად „გამოიმუშავებთ“

ჰოროსკოპი2 days ago

ყველაზე გულქვა ზოდიაქოს ნიშნების რეიტინგი

ტესტები2 days ago

ის, რასაც პირველად დაინახავთ, გეტყვით, როგორ უმკლავდებით მარტოობას

ტესტები3 days ago

როგორი დიასახლისი ხართ? ამის შესახებ თქვენი წინსაფარი მოგვითხრობს

ჰოროსკოპი3 days ago

როდის სჯობს დაორსულება ზოდიაქოს ნიშნის მიხედვით

ჰოროსკოპი3 days ago

რომელი ზოდიაქოს ნიშნები გამოირჩევიან გულწრფელობით და პატიოსნებით

ჯანმრთელობა3 days ago

რატომ უნდა დალიოთ თბილი, თაფლიანი წყალი გაღვიძებისთანავე

ჰოროსკოპი4 weeks ago

2020 წლის ნოემბერი – ცეცხლოვანი ღორის თვე. რას უნდა ელოდოთ ჩინური ჰოროსკოპის მიხედვით

კულინარია4 weeks ago

ამ ზეთს ჩვენს ოჯახში აღარავინ ყიდულობს, დედამთილიც კი

ჰოროსკოპი4 weeks ago

ამ ზოდიაქოს ნიშნებს 2020 წლის ნოემბერში წარმატება ელოდებათ

ჰოროსკოპი4 days ago

ზოდიაქოს ნიშნები, რომელთაც ძლიერი ხარი კარდინალურ ცვლილებებს აჩუქებს

ჯანმრთელობა1 week ago

ვის არ ურჩევს მზრუნველი სპეციალისტი ხურმის ჭამას

ჰოროსკოპი4 weeks ago

3 ზოდიაქოს ნიშანი, რომელთაც ნოემბერში წარმოუდგენლად გაუმართლებთ: ვასილისას პროგნოზი

ჰოროსკოპი4 weeks ago

პაველ გლობის ჰოროსკოპი 2020 წლის ნოემბრისთვის

ჰოროსკოპი3 weeks ago

დეკემბრის იღბლიანები: 4 ზოდიაქოს ნიშანს ყველაფერში გაუმართლებს

თავის მოვლა4 weeks ago

იაფი კოსმეტიკა, რომელთაც ჩვენ ზედაც არ ვუყურებთ, უცხოელები კი ყიდულობენ

ტესტები4 weeks ago

აირჩიეთ თაიგული და წაიკითხეთ კვირის შეტყობინება

ტრენდული