ჟანგიანი ნივთების გადაყრას ვაპირებდი, მაგრამ ჭკვიანმა დედამ ტანსაცმელი გადაარჩინა

ჟანგი შეიძლება ტანსაცმელზეც გაჩნდეს, თუ ლითონის დეტალები აქვს. ლითონი რეცხვისას წყალს ეხება და ჟანგდება. რამდენიმე რეცხვის შემდეგ ტანსაცმელზე ყვითელი ზოლები ჩნდება. რა თქმა უნდა, თუ ყველაფრის ოსტატი მეუღლე გყავთ, რემონტის დროს შეიძლება ტანსაცმელი ჟანგით დასვაროს. ეს ტანსაცმლის გადაგდების მიზეზი არაა. ჟანგის ლაქა სხვადასხვა მეთოდით შეგიძლიათ მოაშოროთ. Alltime.ge–ს რედაქცია გიამბობთ, როგორ მოაშოროთ ჟანგი თეთრ ტანსაცმელს ან მოაშოროთ ლაქა ფერად ნივთებს.

როგორ მოვაშოროთ ჟანგი თეთრ ტანსაცმელს

თეთრი ტანსაცმელი მათეთრებელში შეგიძლიათ გარეცხოთ. გარეცხვამდე მათეთრებელი ლაქას წაუსვით და 5 წუთით გააჩერეთ, შემდეგ სარეცხ მანქანაში სარეცხი ფხვნილით ჩვეულ რეჟიმზე გარეცხეთ. მათეთრებლის გამოყენებამდე ტანსაცმლის იარლიყი დეტალურად შეისწავლეთ. დელიკატური ქსოვილი ქლორის შემცველი საშუალებით არ გარეცხოთ. მათეთრებელმა შეიძლება ხელის კანი, თვალის და ცხვირის ლორწოვანი გარსი დააზიანოს, ამიტომ დამცავი ხელთათმანი ჩაიცვით და საშუალება არ შეისუნთქოთ. გამოყენების შემდეგ ხელები კარგად დაიბანეთ.

ჟანგის ლაქას ლიმონმჟავაც კარგად აშორებს. 30 გ ლიმონმჟავა 1 ჭიქა თბილ წყალში გააზავეთ, შემდეგ ხსნარი ტანსაცმელს დაასხით და 10 წუთით გააჩერეთ. ამის შემდეგ პროცედურა 3-ჯერ გაიმეორეთ, თუ ჟანგი არ მოშორდა. ჟანგის ლაქას ლიმონიც აშორებს. ციტრუსის ნაჭერი მარლაში გაახვიეთ და ლაქა გახეხეთ. ეს ადგილი კარგად დააუთოვეთ, შემდეგ ნივთი შეგიძლიათ გარეცხოთ.

როგორ მოვაშოროთ ჟანგი ფერად ტანსაცმელს

ფერად ტანსაცმელს ჟანგი მარტივად შეგიძლიათ მოაშოროთ. ამ მიზნისთვის გამოიყენეთ გლიცერინი, რომელიც აფთიაქში შეგიძლიათ შეიძინოთ, და ცარცი. გლიცერინი და დაქუცმაცებული ცარცი თანაბარი პროპორციით აურიეთ. ასე სქელ ფაფას მიიღებთ, რომელიც ლაქას უნდა წაუსვათ. ლაქა მთლიანად რომ მოაშოროთ, საშუალება 1 დღით გააჩერეთ. შემდეგ ტანსაცმელი გარეცხეთ.

თუ სახლში ძმარმჟავა გაქვთ, ფერად ტანსაცმელზე ჟანგის ლაქის მოსაშორებლად გამოგადგებათ. ძმარმჟავა არა მხოლოდ ლაქას აშორებს, არამედ ტანსაცმელს ნათელ ფერს უნარჩუნებს. საშუალება ნებისმიერი ტიპის ქსოვილისთვის უსაფრთხოა. 5 ლ თბილ წყალში 4 ს/კ მჟავა გააზავეთ. ახლა ტანსაცმელი მთელი ღამით ჩაალბეთ და ჩვეული მეთოდით გარეცხეთ.

სარეცხი საპონი სახლში აუცილებელია. წითელი ჟანგის ლაქების მოსაშორებლად საპონი გახეხეთ და ცოტა თბილ წყალში გააზავეთ. ფაფა ლაქას წაუსვით და 12 საათით გააჩერეთ. შემდეგ ტანსაცმელი გარეცხეთ.

სხვათა შორის, ჭურჭლის სარეცხი საშუალება სახლში ნამდვილად გექნებათ. ფერად ტანსაცმელზე ახალი ლაქების მოსაშორებლად შეგიძლიათ გამოიყენოთ. ლაქას წაუსვით და 5 საათით გააჩერეთ, ამის შემდეგ სარეცხ მანქანაში გარეცხეთ. ჟანგის სწრაფად მოშორების მეთოდი არ ვიცი, მაგრამ ეს უკეთესია, ვიდრე ახალ გარდერობზე ფულის დახარჯვა.

რედაქციის რჩევა

თუ ჟანგის ლაქა მუქ ტანსაცმელს უნდა მოაშოროთ, ძმარი ან ლიმონი გამოიყენეთ. ლიმონის და უთოს მეთოდიც შესაფერისია. ფრთხილად იყავით, აბრეშუმის ნივთები დაბალ ტემპერატურაზე დააუთოვეთ. თუ არ იცით, როგორ მოაშოროთ ჟანგი ჯინსის ქსოვილს, მაშინ მარილი და ძმარი გამოიყენეთ. მარილი და ძმარი თანაბარი პროპორციით აურიეთ, რომ სქელი ფაფა მიიღოთ. საშუალება უხეშ ჯაგრისს შეგიძლიათ წაუსვათ, რომ ეფექტი გააუმჯობესოთ. შემდეგ მარილი და ძმარი ჯინსს წაუსვით და მთელი ღამით გააჩერეთ. ამის შემდეგ ჯინსი გარეცხეთ.