Connect with us

ჯანმრთელობა

პოდაგრა: ტრიგერები და 7 რჩევა შეტევის თავიდან ასაცილებლად

ამ რჩევების გამოყენებით შარდის მჟავის დონის გაკონტროლებას, ასევე დისკომფორტის და ტკივილის შემცირებას შეძლებთ.

პოდაგრის განვითარება

პოდაგრის დროს სისხლში შარდის მჟავის ძალიან მაღალი რაოდენობაა. ეს იმიტომ, რომ ან ძალიან დიდი რაოდენობით იწარმოება, ან თირკმლები საკმარისი რაოდენობით ვერ იღებენ. ისინი მცირე კრისტალებს ქმნიან, რომლებიც ძირითადად სახსრებში გროვდება. პოდაგრის განსაკუთრებით მაღალ დონეზე შეიძლება ტკივილის, სიწითლის და შესიების მწვავე ნიშნები გამოვლინდეს.

დაავადებები, რომლებმაც შეიძლება შარდის მჟავის წარმოების ზრდა გამოიწვიონ:

  • სიმსივნის ზოგიერთი სახეობა
  • ანემია
  • ზოგიერთი მედიკამენტი (ციტოსტატიკი)
  • გამოსხივება სიმსივნის თერაპიის კონტექსტში

და პირიქით, შარდის მჟავის დონე იზრდება, თუ საკმარისი რაოდენობის შარდის მჟავა არ იწარმოება. ეს თირკმლის დაავადების ან დიაბეტის შემთხვევაა, რომელიც არ იკურნება.

პოდაგრის განვითარებაზე გავლენას ახდენს სიმსუქნე, ხორცით, ფრუქტოზით და ალკოჰოლით მდიდარი რაციონი, ასევე მცირე ფიზიკური ვარჯიში.

მწვავე პოდაგრის გამომწვევი ფაქტორები

მწვავე პოდაგრა ჩნდება მაშინ, როცა შარდის მჟავის დონე გარკვეულ დონეს აჭარბებს. ძირითადი ტრიგერებია:

  • პურინით მდიდარი პროდუქტების, როგორიცაა ხორცი და ძეხვი, ჭარბი მოხმარება;
  • ფრუქტოზით მდიდარი პროდუქტების, როგორიცაა ტკბილი ხილის წვენი, ჭარბი მოხმარებალ
  • ძალიან ბევრი ალკოჰოლი: ალკოჰოლი შარდის მჟავის დონეს ზრდის. ეს განსაკუთრებით სწორია ლუდის შემთხვევაში, რომელიც პურინებით მდიდარია.
  • ჭარბი ფიზიკური ვარჯიში: ეს ორგანიზმში რძის მჟავას აწარმოებს, რაც თირკმლებით გამოიყოფა და შარდის მჟავის დაშლას აფერხებს.
  • შარდმდენი და საფაღარათო საშუალება: ჭარბი ან ხანგრძლივი მოხმარების დროს სისხლს ასქელებს.

რამდენ ხანს გრძელდება პოდაგრის შეტევა?

პოდაგრის შეტევის ხანგრძლივობა შეიძლება რამდენიმე დღე ან კვირა გაგრძელდეს. შემდეგ სიმპტომები თანდათანობით ქრება.

პოდაგრის სიმპტომები

ყველაზე გავრცელებული სიმპტომებია სახსრების ძლიერი ტკივილი. თუ არ იმკურნალებთ, სიმპტომები თანდათანობით გაუარესდება და მდგომარეობა ქრონიკულში გადავა.

ხშირად ფეხის ცერა თითის სახსარი, ასევე ფეხის და ტერფის სხვა სახსრები ზიანდება. ხელზე გავლენას იშვიათად ახდენს.

პოდაგრის მკურნალობამ შარდის მჟავის ნორმალურ დონემდე შემცირება უნდა მოხდეს. ექიმები ზედა საზღვრის სახით 5,5 – 6,4 მგრ-ს 100 მგრ სისხლზე გირჩევენ.

თავად რისი გაკეთება შეგიძლიათ

ჯანსაღი ცხოვრების წესის დაცვით და ადაპტირებული დიეტის დახმარებით ბევრის მიღწევას შეძლებთ. თუ პოდაგრის თერაპიისთვის ეს საკმარისი არაა, მედიკამენტები შარდის მჟავის დონის შემცირებაში დაგეხმარებათ.

შარდის მჟავის შესამცირებლად ბევრი რამ თავად შეგიძლიათ გააკეთოთ. კვების სისტემის შეცვლა გადამწყვეტ როლს თამაშობს:

ალკოჰოლის მოხმარება შეამცირეთ

ალკოჰოლის ჭარბი მოხმარება პოდაგრის დროს განსაკუთრებით პრობლემატურია. მაგალითად, ალკოჰოლი შარდის მჟავის დაშლას აფერხებს და მის დონეს ზრდის. ალკოჰოლის კვლავ დალევამ შეიძლება პოდაგრის შეტევა გამოიწვიოს. ეს განსაკუთრებით ლუდს ეხება.

ფრუქტოზასთან ფრთხილად იყავით

ფრუქტოზა მხოლოდ ხილში არ გვხვდება. ის წვენების, იოგურტის და სხვა პროდუქტების დასატკბობად გამოიყენება. დაშლილი ფრუქტოზა ორგანიზმში პურინების წარმოქმნას იწვევს. ამავდროულად, შაქარი, როგორც ალკოჰოლი, თირკმლებიდან შარდის მჟავის გამოყოფას აფერხებს.

ცხიმების მოხმარება შეამცირეთ

ძალიან ბევრი ცხოველური ცხიმის მიღება შარდის მჟავას წარმოებას აფერხებს. სწორედ ამიტომ, პოდაგრის დროს ჭარბი ცხიმის შემცველი პროდუქტების მიღება უნდა შეამციროთ. განსაკუთრებული ყურადღება ფარულ ცხიმებს მიაქციეთ, მაგალითად ძეხვეული ან შეფუთული პროდუქტები.

პროდუქტები, რომლებიც რაციონიდან უნდა ამოიღოთ:

  • ანჩოუსი
  • გარეული ფრინველის ხორცი, როგორიცაა ბატი, იხვი და კაკაბი
  • ხორციანი სოუსი
  • ხორციანი გადამუშავებული პროდუქტები
  • შინაგანი ორგანოების ხორცი: ტვინი, ენა, გული, თირკმელი, ღვიძლი
  • ტკბილი ნამცხვარი
  • ზღვის ნიჟარა, მიდიები

წონაში დაიკელით

როცა წონაში იკლებთ, თქვენი შარდის მჟავის დონე ავტომატურად მცირდება. ფრთხილად იყავით: წონის კლება ნელი და კონტროლირებადი უნდა იყოს. დიეტის მკაცრად დაცვამ შეიძლება პოდაგრის მწვავე შეტევა გამოიწვიოს.

ბევრი წყალი დალიეთ

დიეტოლოგები დღეში მინიმუმ 2 ლ წყლის, ან უშაქრო ჩაის დალევას გირჩევენ. სითხე შარდის მჟავის დაბალი კონცენტრაციის შენარჩუნებას და თირკმლის ფუნქციების გააქტიურებას ხელს უწყობს.

ვარჯიშები შეასრულეთ, მაგრამ გადაჭარბების გარეშე

ვარჯიში სახსრების მდგომარეობაზე დადებით გავლენას ახდენს. ფუნქცია უმჯობესდება, ხოლო ანთებითი ნიშნები ქრება. ამასთან ხანგრძლივი და მძიმე ფიზიკური ვარჯიში პოდაგრის დროს არ შეიძლება. მიღებული რძის მჟავა თირკმლებიდან შარდის მჟავის დაშლას აფერხებს.

პოდაგრას მედიკამენტებით ვერ მოიშორებთ. როგორც კი მედიკამენტის მიღებას შეწყვეტთ, შარდის მჟავის დონეზე მისი გავლენა შეჩერდება. შედეგად, შარდის მჟავა კვლავ გაიზრდება. სწორედ ამიტომ, ცხოვრების წესი შეცვალეთ, რომ გადატანილი პოდაგრის შემდეგ მდგომარეობის აღდგენას ხელი შეუწყოთ.

Advertisement
Click to comment

Leave a Reply

Your email address will not be published. Required fields are marked *


The reCAPTCHA verification period has expired. Please reload the page.