ჯანმრთელობა
ვიტამინებით მდიდარი ნამზადი. 2 გემრიელი და სასარგებლო რეცეპტი
ვიტამინების დეფიციტი ზამთარში განსაკუთრებით გვაწუხებს. ცივ სეზონზე იმუნურ სისტემას სულ უფრო უჭირს სხვადასხვა ვირუსებთან ბრძოლა, რადგან საკმარისი რესურსი არ აქვს. სწორედ ამიტომ, ამაზე წინასწარ უნდა იზრუნოთ. ვიტამინებით მდიდარი ნამზადი ზამთრისთვის მოიმარაგეთ. ასე იმუნიტეტის გაძლიერებას შეძლებთ.
მათი მომზადება ძალიან მარტივია. ყველა საჭირო ინგრედიენტი აურიეთ და ქილაში შეინახეთ. დიდხანს გაჩერება საჭირო არაა. ნარევი მეორე დღესვე შეგიძლიათ მიირთვათ. სიტყვაზე, ვიტამინების ბომბი დიდხანს ძლებს და სასარგებლო თვისებებს არ კარგავს.
როგორ მოვამზადოთ ვიტამინებით მდიდარი ნამზადი ზამთრისთვის
მკვებავი კაკალი თაფლით
ამ გემრიელი ნამზადის მოსამზადებლად შეგიძლიათ გამოიყენოთ ნიგოზი, კედრის კაკალი ან კეშიუ. ცალ–ცალკე ან ნარევის სახით გამოიყენეთ. ნებისმიერ შემთხვევაში, შესანიშნავ შედეგს მიიღებთ.
მომზადების წესი:
- სუფთა ქილები (250 მლ მოცულობის) აიღეთ. თაფლი დაუმატეთ, შემდეგ კაკალი მოათავსეთ.
- დარჩენილი თაფლი ჩაასხით. ინგრედიენტები 1:1 თანაფარდობით გამოიყენეთ.
- თავსახური მჭიდროდ დაახურეთ. შეინახეთ იქ, სადაც მზის სხივები არ მოხვდება.
სამკურნალო ციტრუსის ნარევი
თუ ამ ნამზადის დიდი რაოდენობით მომარაგება გსურთ, ხორცსაკეპი მანქანა დაგჭირდებათ. ასე საჭირო რაოდენობის პროდუქტებს სწრაფად დააქუცმაცებთ. რამდენიმე ქილისთვის ჩოფერიც საკმარისია.
მომზადების წესი:
- 2 ლიმონი აიღეთ. გამდინარე წყალში კარგად გარეცხეთ და გაამშრალეთ. პატარა ნაჭრებად დაჭერით. კურკები მოაშორეთ. ქერქის მოშორება საჭირო არაა.
- ლიმონის ნაჭრები ჩოფერში მოათავსეთ. 70 გ კოჭის ფესვი, ნაჭრებად დაჭრილი, დაუმატეთ. ოდნავ დააქუცმაცეთ.
- ლიმონის და კოჭის ნარევს თაფლი გემოვნებით დაუმატეთ. ერთგვაროვანი მასის მიღებამდე დააქუცმაცეთ. მიღებული მასა ქილებში გადაანაწილეთ. თავსახური მჭიდროდ დაახურეთ.
შენახვის და მოხმარების წესები
კაკალი თაფლით უბრალოდ კოვზით შეგიძლიათ მიირთვათ. ზამთრის ცივ საღამო ფინჯან ცხელ ჩაიში დასამატებლად იდეალურია. რაც შეეხება ლიმონისა და კოჭის ნამზადს, ის მაცივარში უნდა შეინახოთ. არომატული ციტრუსის ნარევი თბილ წყალს და არც თუ ისე ცხელ ჩაის შეგიძლიათ დაუმატოთ. ძალიან გემრიელი და სასარგებლოა.
გახსოვდეთ, რომ ასეთი ნამზადები შეგიძლიათ მიირთვათ მხოლოდ იმ შემთხვევაში, თუ მოცემულ ინგრედიენტებზე უკუჩვენება არ გაქვთ. ხელნაკეთ ნარევში ალერგენები არის. ორგანიზმი ვიტამინებით გაავსეთ და ჯანმრთელობაზე იზრუნეთ!
