ჭუჭყიან ნიჟარას პარკს ვაფარებ, 1 საათში ლაქები და ნადები თავისით ქრება

ქვის ნიჟარა სამზარეულოში უჟანგავი ფოლადის ნიჟარის ლამაზი ალტერნატივაა. ხელოვნური ქვის ნიჟარა 80% ნატურალურ ქვას შეიცავს პოლიმერის დამატებით, რომელიც მთელ კონსტრუქციას ამაგრებს და ნიჟარას ბეტონზე უფრო გამძლეს ხდის. ამის მიუხედავად, ქვის ნიჟარას რეგულარული წმენდა სჭირდება.

ქვის ნიჟარა

ნებისმიერ ნიჟარაზე ჭუჭყიანი ჭურჭლის და საკვების ნარჩენების გამო ბაქტერიები გროვდება. ქვის ნიჟარაზე დამატებით ყავის და ჩაის ლაქებიც რჩება. მუქი ფერის ქვაზე დროთა განმავლობაში კირის ნადები გაჩნდება, თუ წყლის ნარჩენებს დროულად არ მოაშორებთ. თუ ნადები მაინც გაჩნდა, მის მოშორებას 3%–იანი ძმრის ხსნარით შეძლებთ. ძმრის გამოყენების შემდეგ წყლით უნდა ჩარეცხოთ.

ქვის ნიჟარა სჯობს აბრაზიული მასალით და სპირტის და ძმრის შემცველი საშუალებით ხშირად არ გაწმინდოთ. სარეცხი ფხვნილის, უხეში ღრუბლის და სპირტიანი საშუალების ხშირი გამოყენება ნიჟარას აზიანებს.

სპეციალური ქიმიური საშუალებები ქვის ნიჟარის გაწმენდაში დაგეხმარებათ. მის გარეშეც იოლად გახვალთ, თუ ყოველი გარეცხვის შემდეგ უბრალო ჭურჭლის სარეცხი საშუალებით გაწმენდთ. თუ სიტუაცია გართულებულია, არ იდარდოთ.

უნიტაზის საწმენდი საშუალება

თუ სახლში ქვის ზედაპირის და ნიჟარის საწმენდი სპეციალური ქიმია არ გაქვთ, „დომესტოსი“ ან „ტუალეტის იხვი“ გამოიყენეთ. ეს საშუალებები შეიცავს ქლორს, რომელიც ნადებს, ბაქტერიებს და ჩაის კვალს ეფექტურად ებრძვის. საშუალება ნიჟარას წაუსვით და 15-20 წუთით სამოქმედოდ გააჩერეთ. უკეთესი ეფექტისთვის შესაფუთი პარკი დააფარეთ. ამის შემდეგ რბილი ღრუბლით განსაკუთრებით ჭუჭყიანი ადგილები გახეხეთ და თბილი წყლით კარგად გარეცხეთ. ფანჯარა აუცილებლად გააღეთ, ხელები და სასუნთქი გზები აუცილებლად დაიცავით.

ქლორის ხსნარი

ნიჟარაში ყველაზე ბინძური მისი ძირია. ჭუჭყის მოსაშორებლად ნიჟარა უნდა დახუროთ, მასში წყალი ააგროვოთ ისე, რომ ნიჟარის ძირი დაიფაროს. შემდეგ 1:1 თანაფარდობით ქლორი დაუმატეთ. 20 წუთში წყალი გადაასხით და ნიჟარა ღრუბლით გახეხეთ. ახლა ქიმიის ნარჩენები წყლით კარგად ჩამორეცხეთ.

სოდა

მხოლოდ სოდა ქვის ნიჟარის საწმენდად არ გამოგადგებათ, რადგან ზედაპირი შეიძლება დააზიანოს. თუმცა მრავალრიცხოვან ლაქებს და ცხიმის კვალს კარგად უმკლავდება. სოდა და ჭურჭლის სარეცხი საშუალება აურიეთ და ნიჟარას წაუსვით. 20 წუთში ღრუბლით გახეხეთ და ჩამორეცხეთ.

რედაქციის რჩევა

ყოველდღიური მოვლისთვის მდოგვის ფხვნილი და ჩვრით სითხის მოშორება საკმარისია, რომ კირის ნადები თავიდან აიცილოთ. თუ ნიჟარაში წყალი მუდმივად წვეთავს და არ მაგრდება, ნადები შეიძლება არც გაჩნდეს. სამზარეულო სუფთა და მყუდრო რომ იყოს, ყოველდღე ნებისმიერი მასალის სამუშაო ზედაპირი და ნიჟარა გაწმინდეთ.

ქვის ნიჟარაში ცხელი ქვაბი და ტაფა არ ჩადოთ. ტემპერატურის მკვეთრ ცვლილებებთან დაკავშირებულ ექსპერიმენტებს მოერიდეთ  და მასზე პროდუქტები არ დაჭრათ. რამდენად ხშირად რეცხავთ ქვის ნიჟარას სამზარეულოში?