წმინდა ელენეს ხსენების დღე: რა არ უნდა გააკეთოთ 3 ივნისს

3 ივნისს მართლმადიდებელი მორწმუნეები პატივს მიაგებენ მოციქულთასწორი ელენეს და მისი ვაჟის, მეფე კონსტანტინეს ხსოვსნას. ხალხში ამ დღეს წმინდა ელენეს დღეს, ელენაობას უწოდებენ.

ელენემ და მისმა ვაჟმა იესო ქრისტეს აღდგომის საპატივცემულოდ იესოს ტანჯვისა და დაკრძალვის ადგილას იმდროინდელი სტანდარტებით უდიდესი ტაძარი ააშენეს. დღეს ერთ–ერთი მთავარი სალოცავია იერუსალიმში. Аlltime.ge–ს რედაქცია დღესასწაულის ისტორიას, ტრადიციებს, ლოცვას, წეს–ჩვეულებებს გიზიარებთ.

რა უნდა გააკეთოთ ელენეს დღეს

ამ ყოველმხრივ ხელსაყრელ დღეს ბევრ ნიშანს და ხალხურ რწმენას მიაწერენ. მათი უმეტესობა ეხება მტრის თავდასხმისგან დაცვას, ქალურ ბედნიერებას და მოსავლიანობას. ჩვენი დროისთვის აქტუალურ ნიშნებს გიზიარებთ.

1. 3 ივნისს ნებისმიერი ასაკის ქალი წმინდა ელენეს ხატთან ლოცულობდა, ჯანმრთელობას და ქალურ ბედნიერებას სთხოვდა. თვლიდნენ, რომ ამ დღეს საქმროს შეხვედრის დიდი შანსია. ახალგაზრდა გოგონები მზის ჩასვლის შემდეგ გზაგასაყარზე იკრიბებოდნენ, ვითომ სელს პენტავდნენ.
2. საუზმეზე აუცილებლად უნდა მიირთვათ მოხარშული კვერცხი, ნაჭუჭი დააქუცმაცოთ და ქათმებს მისცეთ. ითვლებოდა, რომ ასეთი მოქმედების შემდეგ ფრინველი კარგად მოიქცეოდა.
3. ელენეს დღეს დარგული კიტრი და სელი აუცილებლად კარგ მოსავალს მოგცემთ. „ელენე – სელი, კონსტანტინე – კიტრი“ – სჯეროდათ ადრე.
4. სელი ნამდვილად რომ გაფესვიანდეს, თბილ ქარში, შუადღის შემდეგ დათესეთ. თესლით სავსე კალათაში ქათმის კვერცხის ჩადება და დათესვამდე თესლთან ერთად ზემოთ აყრა ეფექტურ მეთოდად ითვლებოდა. ამბობენ, ასე სელი მაღალი გაიზრდება.
5. წმინდა ელენეს დღეს გვიანი ხორბალი, ჭვავი, წიწიბურა და შვრია დათესეთ.

ხალხური ნიშნები 

• თუ ელენეს დღეს წვიმს, შემოდგომა წვიმიანი იქნება.
• თუ ცაზე მთვარე წრით გარშემორტყმულია, ცუდ ამინდს ელოდეთ.
• თუ ცირცელი ყვავილებით დაიფარა, უხვ მოსავალს მიიღებთ.
• დღესასწაულზე გუგულის ხმა თბილ ზაფხულს მოასწავებს.

რა არ უნდა გააკეთოთ 3 ივნისს

დიდ ბებიებს გულწრფელად სჯეროდათ, რომ წმინდა ელენეს დღეს ქალმა ნაწნავი არ უნდა გაიკეთოს. თმა უნდა გაიშალოთ, რომ მომავალში სქელი და გრძელი გაიზარდოს, როგორც სელის ღერო. ამ დღეს თავი აარიდეთ კამათს, ჩხუბს, ცუდ ფიქრებს და საუბარს. ეს ნებისმიერ სხვა დღესაც აკრძალულია, მაგრამ საეკლესიო დღესასწაულზე განსაკუთრებით აქტუალურია.

ლოცვა მოციქულთასწორი კონსტანტინეს და მისი დედის, ელენეს მიმართ

პირველ რიგში, მოციქულთასწორ ელენეს ნაყოფიერებას სთხოვენ. წმინდანს მიმართავენ მტრის შემოსევის დროს, რომ მიწა დაიცვან და უცხოელებს თავი დააღწიონ. წმინდა ელენე კეთილგანწყობილია მათ მიმართ, ვინც ცხოვრების საბედისწერო მომენტებში ილოცებს, დახმარებას და კურთხევას ითხოვს.

ტროპარი: ჯუარისა შენისა სახე ცათა შინა იხილა და, ვითარცა პავლე, წოდებაი არა კაცთაგან მიიღო, რომელი იგი მეფეთა შორის მოციქულად შენდა გამოსჩნდა, უფალო, და სამეუფეო ქალაქი ხელთა შენთა შეგვედრა, რომელი აცხოვნებ მარადის მშვიდობით მეოხებითა ღმრთისმშობელისათა შეგვიწყალენ ჩუენ.

კონდაკი: კონსტანტინე დღეს დედისა თვისისა თანა ელენესა პატიოსნი ძელი გამოაჩინეს ყოველთა იუდიანთა მარცხვენელად, ხოლო საჭურველად მტერთა ზედა მორწმუნეთა და ჩუენდა გამოსჩნდა სასწაული დიდი, და ბრძოლათა შინა სიქადული.

3 ივნისს მთელი მართლმადიდებლური სამყაროს წმინდა ელენეს ხსოვნას პატივს მიაგებს. სიცოცხლეში დედოფალი იყო და ქრისტიანობის შესანარჩუნებლად ბევრი საგმირო საქმე ჩაიდინა. მატიანეების მიხედვით, ელენემ ცხოველმყოფელი ჯვარი იპოვა და იმ ადგილას თავის ვაჟთან, კონსტანტინესთან ერთად ბევრი ეკლესია ააშენა. 80 წლის ასაკში ელენემ მიწიერი მოგზაურობა დაასრულა.