ფლისის პლედი სასაცილო ფასად ვიყიდე და მაშინვე გადავაკეთე

მაღაზიებში აქციებს ყოველთვის ყურადღებას ვაქცევ და დაუგეგმავი შესყიდვებისგან თავს ვერასდროს ვიკავებ. ამჯერად სახლში იაფი ფლისის პლედი წამოვიღე. ქსოვილი შესახებად სასიამოვნო, თბილი და მსუბუქია. ფერებიც მხიარული აქვს. ვიფიქრე, რომ ასეთი ნივთის გზაში წაღება მოსახერხებელი იქნებოდა. პლედი–ბალიში კი ჩვეულებრივ გადასაფარებელზე უკეთესია.

გადაკეთება დავიწყე და შედეგით კმაყოფილი დავრჩი. კომპაქტური ნივთი დიდ ადგილს არ იკავებს და სადღაც არ აგდია. პლედი შეგიძლიათ სრულყოფილ ბალიშად გამოიყენოთ. მანქანით ან ავტობუსით ხანგრძლივი მოგზაურობა ბევრად უფრო კომფორტული გახდება. გიამბობთ, როგორ უნდა გადააკეთოთ პლედი საკუთარი ხელით.

თვითნაკეთი პლედი–ბალიში

სახლისთვის ნებისმიერი ზომის პლედი გამოგადგებათ. სამოგზაუროდ ოპტიმალური იქნება პლედი პარამეტრებით 140 სმ X 105 სმ. ასე პლედს კარგად დაიფარებთ და იატაკზეც არ დაისვრება.

თქვენ დაგჭირდებათ:

• 2 ელვა 50 სმ სიგრძის
• 2 კვადრატული ქსოვილის ნაჭერი 35 X 35 სმ
• დეკორატიული ქსოვილის ფირფიტები (სურვილის შემთხვევაში)

ნებისმიერი ქსოვილის ნაჭერი აიღეთ და 2 კვადრატი გამოჭერით. პირის მხრიდან შიგნით მოათავსეთ და ერთ მხარეს გაკერეთ. ნაკერი დააუთოეთ.

გადავწყვიტე ბალიში ნაჭრიდან ამოჭრილი კატით გამეფორმებინა. თქვენ შეგიძლიათ ნებისმიერი სხვა ფორმა გამოიყენოთ ან საერთოდ მის გარეშე შეკეროთ.

ამოჭრილი ფორმა დააუთოეთ, ქინძისთავებით დაამაგრეთ და ქსოვილს მიაკერეთ. მე ზიგზაგურად გავკერე.

ელვა სრულად გახსენით და ქსოვილს ორივე მხარეს მიადეთ.

ელვა ქსოვილის კუთხეებში უნდა დაამარგოთ.

ახლა ელვა შეკერილ კვადრატს მიაკერეთ.

მიღებული მართკუთხედი პლედის ცენტრში მოათავსეთ და შუაში დაამაგრეთ.

ელვა შიგნით ჩაკეცეთ და კუთხეები დააფიქსირეთ. გაკერვას შეუდექით.

პლედის კუთხეები ზიგზაგურად გაკერეთ.

ახლა ისღა დაგრჩენიათ ბალიში დაკეცოთ. ამისთვის პლედი 3-ჯერ გაკეცეთ, კუთხეები კვადრატში მოათავსეთ.

შემდეგ ელვა შეკარით და ბალიში მზადაა!

თვითნაკეთი პლედი–ბალიში მეუღლის მანქანაში უკვე გამოვცადე. ძალიან პრაქტიკული და მოსახერხებელი ნივთია. ვფიქრობ, კიდევ რამდენიმე გავაკეთო და ახლობლებს ვაჩუქო. თქვენ როგორ მოგწონთ ასეთი ბალიში ტრანსფორმერი?