სლინგი თუ კენგურუ: პედიატრი განმარტავს, რომლით სჯობს ბავშვის ტარება

სლინგი ბავშვებისთვის – ყველა თანამედროვე დედისთვის აუცილებელი ნივთია. სლინგი ბავშვის სწრაფად და კომფორტულად ტარებაში გვეხმარება. ამასთან ბავშვი თავს კომფორტულად გრძნობს. მისი სხეული ბუნებრივ პოზას იღებს და დედასთან ძალიან ახლოსაა, რაც მენტალურ სიმშვიდეს უზრუნველყოფს.

სლინგი ბავშვებისთვის

რატომ სლინგი? დედას სადმე წასვლა ხშირად უწევს: სასეირნოდ ან მაღაზიაში. ყოველჯერზე ეტლის გამოყვანა რთულია, განსაკუთრებით მაშინ, როცა დამხმარე არავინაა. სლინგის ჩაცმა და ბავშვის ჩასმა ძალიან ადვილია.

აქტიური დედების უმეტესობა სლინგს უპირატესობას ანიჭებს. ყველას არ უყვარს ბავშვის გაჩენის შემდეგ დღე და ღამე სახლში ყოფნა. ბევრს სურს, რომ ისეთი აქტიური ცხოვრების წესი შეინარჩუნოს, როგორც ბავშვის დაბადებამდე ჰქონდა. სლინგით შესაძლებელია. საინტერესოა, რომ სლინგის პირველი პროტოტიპი აზიის და აფრიკის მაცხოვრებლების უძველესი კულტურიდან აიღეს. სლინგი ჩვენთვის რაღაც ახალია. ეს წარმოუდგენლად სასარგებლო ტრენდი აღმოჩნდა. აი, უძველესი ტომებისთვის ბავშვის გადაყვანის ყოველდღიური და ერთადერთი შესაძლო მეთოდი იყო.

რა არის სლინგის უპირატესობა? მაგალითად, დედას არ უწევს ეტლში ხშირად ჩაიხედოს და შეამოწმოს, ბავშვი ნორმალურად სუნთქვას თუ არა, ხომ არ ცხელა ან ჭამა ხომ არ სურს. ბავშვს მუდმივად ხედავთ და არ ნერვიულობთ. გარდა ამისა, ბავშვის დამშვიდებას მანამ მოასწრებთ, სანამ მთელ ქუჩაში ყვირილს დაიწყებს.

დედას შეუძლია თავისუფალი ხელით ნებისმიერ რამეს მიწვდეს, ხოლო ბავშვი მის გვერდით მშვიდად წევს. ბავშვი მშვიდად არის, რადგან მისი ერთ–ერთი მთავარი მოთხოვნილება დაკმაყოფილებულია – სიახლოვის მოთხოვნილება. ასევე სლინგში ბავშვის ტარება ძუძუთ კვებაში დიდ როლს თამაშობს.

რატომ სჯობს სლინგი ეტლს

თუ სლინგის და ეტლის შედარებას დავუბრუნდებით, პირველი დედის მოძრაობას არ ზღუდავს. ჩვილი შეგიძლიათ სლინგში ჩასვათ და უფროს ბავშვს ხელი მოკიდოთ, ასე სასეირნოდ ან მაღაზიაში მშვიდად წახვალთ. მათთვის, ვინც ეტლს მუდმივად სარგებლობს, რთული დაბრკოლება ხდება ლიფტის გაჩერება ან ვიწრო კარის ღიობი. მოგზაურობა ან ტრამვაით მგზავრობა სლინგით უფრო მარტივდება.

სხვათა შორის, სლინგი სახლშიც გამოგადგებათ. თქვენ საოჯახო საქმეებს აკეთებთ, ხოლო ბავშვი თავისთავად ქანაობს. სლინგს მოწინააღმდეგეებიც ჰყავს, რომლებიც ამტკიცებენ, რომ ბავშვის ასე ტარება მას დედაზე დამოკიდებულს ხდის. საინტერესოა, რომ ასე არაა. როგორც ჩანს, კრიტიკოსები ფსიქოლოგიაში ცუდად ერკვევიან.

საქმე იმაშია, რომ ბავშვები, რომლებიც ღრმა ბავშვობაში დედობრივ სიყვარულს, ზრუნვას და სიახლოვეს იღებენ, საკმაოდ დამოუკიდებლები იზრდებიან. ისინი ურთიერთობაში სიახლოვის საიმედო ტიპს ქმნიან, რადგან ნაზ ასაკში სიყვარულს და ზრუნვას ყოველთვის იღებდნენ. აი, მათ რომელთა დედებიც ცდილობდნენ, რომ ბავშვი „ხელოვნურად“ დამოუკიდებელი გამხდარიყო, განვითარების ბუნებრივი მსვლელობა დარღვეული აქვთ. დაიმახსოვრეთ: სიცოცხლის პირველ წლებში დამოუკიდებლობის სწავლა ნამდვილად არ ღირს. ამ პერიოდში ბავშვს დედა სჭირდება და ეს ბუნებრივია.

სლინგების სახეები

სლინგი კარგია იმით, რომ ჩვილის დაბადებიდან პირველივე კვირიდან მისი გამოყენება შეიძლება. ბევრი დედა სამშობიარო სახლიდან გამოსვლისთანავე ჩვილს ტანზე იკრავს. ჩვილი სლინგში მშვიდად და ტკბილად ზის, რადგან სწორი მდგომარეობის შემთხვევაში ემბრიონის პოზაშია. ასეთ პოზაში მთელი 9 თვე იყო, ამიტომ მისთვის ჩვეულია. ჩვილი დედის გვერდით თავს დაცულად გრძნობს.

ყურადღება მიაქციეთ, ყველა სლინგი ახალშობილისთვის შესაფერისი არაა. ძალიან პატარა ჩვილებისთვის სლინგი შარფი და სლინგი რგოლით შესაფერისია. ბოლო გამოსაყენებლად მარტივია და გამოუცდელი დედაც მის სწორად შეკვრას შეძლებს. ეს ვარიანტი კარგია სიცხეში, ასევე ასეთი ჰამაკიდან ბავშვის საწოლში გადაყვანა მარტივია. სლინგი რგოლით ერთ მხარეზე უნდა ჩამოიცვათ, თან 2 საათზე მეტ ხანს არ უნდა ატაროთ.

აი, დანარჩენი სლინგები ბავშვის წონას თანაბრად ანაწილებენ. ასეთი სლინგები საკმაოდ დიდხანს შეგიძლიათ ატაროთ, თუნდაც საკმაოდ ძლიერი იყოს. ასეთი ვარიანტი შეიძლება იყოს მაი–სლინგი. ეს კვადრატი ქსოვილია მიკერილი ნასკვებით. ასეთი სლინგი 3 თვიდან ბავშვებისთვის შესაფერისია.

სლინგი შარფი საუკეთესოა აქტიური დედებისთვის, რომელთაც ახალშობილები ჰყავთ. მართალია, ცოტა ვარჯიში მოგიწევთ, რომ სწორად და სწრაფად შეკრათ. მენდეთ, ძალისხმევა ამად ღირს! ასეთი შარფების სიგრძე თითქმის შეუზღუდავია. ჩვეულებრივ, დედის სიმაღლესა და დახვევის მეთოდზეა დამოკიდებული. ჩვეულებრივ, აკვნის და ვერტიკალის სახით გამოიყენება.

ცხოვრებისეული სიბრძნე და რედაქციის რჩევა

დღემდე ზოგიერთი დედა სლინგს უფრთხის, როგორც ახალმოდურ საფენს. ეს ხშირად დაკავშირებულია მშობლების მითითებებთან, რომლებიც სსრკ–ს პერიოდში გაიზარდნენ. ამ უკანასკნელის კონსერვატიზმმა რაღაც ახლის გამოცდილება შეიძლება გააფუჭოს. არადა სლინგი უძველესი დროიდან გამოიყენებოდა. ეს სასარგებლო ნივთია როგორც დედებისთვის, ასევე ბავშვებისთვის. არ მოუსმინოთ მოწუწუნე ბებიებს, რომლებიც ყველაფერ ახალს ზიზღით უყურებენ და „უკეთესად იციან“. თანამედროვე სპეციალისტებთან გასაუბრება სცადეთ და სლინგი შეიძინეთ. ნამდვილად არ ინანებთ.