საყვარელი და ლამაზი ერთწლიანი ყვავილები ზარმაცი მებაღის სიიდან: რა დავთესოთ მარტში

როგორც იქნა, ნანატრი გაზაფხული დადგა. მებაღეები და მებოსტნები მარტს ყველაზე სათესს თვედ თვლიან. დროა, ნერგებს მივხედოთ. Alltime.ge-ს რედაქცია გიამბობთ, რომელი ერთწლიანი ყვავილები დარგოთ აგარაკზე ან სახლთან ახლოს.

ერთწლიანი ყვავილები

ერთწლიანი ყვავილების დღევანდელი სია მოიცავს უპრეტენზიო სახეობებს, რომლებიც მთელი ზაფხული და შემოდგომა ყვავილებით გაგახარებთ. გარდა ამისა, მათ დაბალი ტემპერატურა და სუსტი ყინვა არ აშინებთ. შესაძლოა, თქვენი ბაღისთვის რაიმე ახალი მცენარე იპოვოთ.

პეტუნია

პეტუნიას დასათესად მარტი საუკეთესო პერიოდია. ამ დროს თესლი სწრაფად ღვივდება და ნერგი ძლიერი იქნება, ზემოთ არ ამოიწვერება. შუა მაისში შეიძლება აყვავილდეს. ხშირად პეტუნიას ჯერ კიდევ თებერვალში თესავენ, მაგრამ პრაქტიკა აჩვენებს, რომ აჩქარებას აზრი არ აქვს. მარტის პეტუნია უფრო ძლიერია და სწრაფად იზრდება.

ლობელია

კიდევ ერთი საინტერესო ყვავილი თქვენი ბაღის გასაფორმებლად. განსაკუთრებით გირჩევთ შემდეგ სახეობებს: „ვილის იმპერატორი“ და „ბროლის სასახლე“. ამ ყვავილებს გაჯერებული მოცისფრო–იისფერი შეფერილობა აქვთ, რომლითაც სხვა მცენარე ვერ დაიკვეხნის. თავად ყვავილი პატარა, მაგრამ ბევრია.

ვერბენა

კიდევ ერთი ლამაზი ერთწლიანი მცენარე, რომელიც თქვენს ბაღში ადგილს იმსახურებს. ყვავილი უნივერსალურია: შეგიძლიათ გაზარდოთ როგორც კაშპოში, ასევე კლუმბში. მისი თანაყვავილედი უჩვეულოა: პატარა თაიგულს ჰგავს ბევრი ჭრელი ყვავილით.

ამასთან გვიან შემოდგომამდე შეიძლება იყვავილოს. სუსტი ყინვა არ აზიანებს. სხვათა შორის, მისი ყვავილები შეიძლება იყოს მრავალფეროვანი: ერთფერიანი ან ორ ფერში. ასეთი მრავალმხრივი და გამძლე ყვავილი თქვენს ბაღს ყინვების დაწყებამდე სასიამოვნო არომატით გაავსებს.

ოსტეოსპერმუმი

ნამდვილად გაოცებული ვარ, რომ ამ ყვავილს იშვიათად ვხედავ კლუმბებში, თუნდაც გაუმაძღარი მეაგარაკეების ბაღებში. არადა როგორი ლამაზი და უპრეტენზიოა! ყინვისგან არ იღუპება, დიდხანს ყვავილობს.

ოსტეოსპერმუმი პატარა გვირილებს ჰყავს. გვხდება სხვადასხვა ფერში: ვარდისფერი, ცისფერი, თეთრი. ჩემი აზრით, ყველაზე ლამაზი ვარიანტია თეთრი ყვავილები იისფერი გულით. უბრალოდ საოცარი სანახაობაა! მეზობლები გვერდს ვერასდროს უვლიან – მეკითხებიან, თუ რა ყვავილია და სურათს უღებენ.

სალვია

ლამაზი სალვია ბაღისთვის მთელი კარნავალია. მისთვის შეგიძლიათ ცალკე კლუმბი გამოყოთ. ყვავილობის პიკში ჭრელი ფერებით აჯანყებას აწყობს, თვალს ვერ მოწყვეტთ! მშობლები აგარაკზე ამ ყვავილს ყოველწლიურად რგავენ: წითელი, ლურჯი, თეთრი. ბაღი მდიდრულად გამოიყურება.

სხვათა შორის, სალვია უპრეტენზიო მცენარეა. ღარიბ და ნახევრად მშრალ მიწაშიც დიდებულად ყვავილობს. სჯობს მარტში დათესოთ, რომ მაისის ბოლოს ქოთანში უკვე აყვავებული ნერგი გადარგოთ.

ასტრა

როგორ შეიძლება არ ვახსენოთ ეს საყვარელი ერთწლიანი ყვავილი? ასტრა ზაფხულის ბოლოდან გვიან შემოდგომამდე თვალს ახარებს. შეგიძლიათ პირდაპირ ღია მიწაში აპრილის ბოლოს ან მაისის დასაწყისში დარგოთ. თუ ყვავილობით ტკბობა ადრე გსურთ, შეგიძლიათ მარტში დათესოთ.

დედა ასე აკეთებს:  ნაწილს თესავს, ნაწილს პირდაპირ ღია მიწაში რგავს. ასე მცენარის ყვავილობის პერიოდს ვახანგრძლივებთ. ძალიან მომწონს, რომ ბევრი სხვადასხვა სახეობის, ფორმის და შეფერილობის ასტრა არსებობს.

აი, ასეთი ერთწლიანი ყვავილები ბინადრობს ჩვენს აგარაკზე. ჩვენს აგარაკთან ჩავლისას ყველა ჩერდება და ათვალიერებს, ზოგი ფოტოებს უღებს. ფერების ამბოხი გაზაფხულიდან გვიან შემოდგომამდე თვალს ახარებს. თუ ბაღში ასეთი შესანიშნავი მცენარეები არ გაქვთ, გირჩევთ წელს დარგოთ და ამ სილამაზით ყინვების დაწყებამდე დატკბეთ.