საკითხავი
რით ჩავანაცვლოთ თეთრეულის კონდიციონერი, თუ სახლში მარილი გვაქვს
თუ რეცხვის დროს თეთრეულის კონდიციონერს ჯერ კიდევ არ იყენებთ, გეტყვით, რომ ბევრს კარგავთ! ჩვეულებრივ, დაჭმუჭნული თეთრეული ასეთი დამუშავებით სულ სხვანაირი ხდება. რბილი, სარეცხი ფხვნილის მკვეთრი სუნის გარეშე, შენარჩუნებული ფერით. მოკლედ, კონდიციონერი გადამწყვეტ როლს ასრულებს.
ალბათ, იმ ადამიანთა კატეგორიას მიეკუთვნებით, ვინც თანამედროვე ქიმიურ ინდუსტრიას არ ენდობა. იქნებ, ფასი არ გაკმაყოფილებთ – რა საჭიროა ასეთ გაუგებარ ეფექტში ამდენის გადახდა?
სარეცხი მანქანის კონდიციონერი
სწორედ ამიტომ, Alltime.ge-ს რედაქცია გთავაზობთ სახლის პირობებში მომზადებულ პროდუქტს. ის სერიოზულ ხარჯებს არ მოითხოვს და რაც მთავარია, უვნებელია, მაშინ როცა ბევრი ჩივის, რომ მაღაზიაში ნაყიდი კონდიციონერების გამო პრობლემები აქვთ. აი, ჩვენი რეცეპტები.
თეთრეულის კონდიციონერი
- 500 მლ წყალი
- 100 მლ სუფრის ძმარი
- 2 ს/კ სოდა
- 5 წვეთი ნებისმიერი ეთერზეთი
ამ ნარევის ერთი ნაწილი თეთრეულს არბილებს, მეორე არომატიზატორის როლს ასრულებს. ინგრედიენტები თანმიმდევრობით აურიეთ: წყალი, ძმარი, სოდა, ეთერზეთი. არ იჩქაროთ, რომ ძლიერი რეაქცია არ მიიღოთ. შეგიძლიათ კონდიციონერის განყოფილებაში ჩაასხათ. მიღებული რაოდენობა 2 გარეცხვაზე გეყოფათ.
მარტივი კონდიციონერი
- 500 მლ წყალი
- 150 მლ სუფრის ძმარი
- 5 წვეთი ნებისმიერი ეთერზეთი
ძმარი თეთრეულს კარგად არბილებს. განსაკუთრებულ ეფექტს პირსახოცზე შეამჩნევთ. კონდიციონერის ასეთ ვარიანტს ჩვენი ბებიები იყენებდნენ: უბრალოდ ურევდნენ და იმწამსვე რეცხვაში იყენებდნენ. ყოველთვის დაამატეთ, როცა თეთრეულს გარეცხავთ.
მარილიანი კონდიციონერი
- 2-3 ს/კ მარილი
- 5 წვეთი ნებისმიერი ეთერზეთი
უბრალოდ ინგრედიენტები აურიეთ და ნარევი პირდაპირ სარეცხი მანქანის დოლურაში ჩაასხით. როგორც ცნობილია, მარილი თეთრეულის ფერს ინარჩუნებს, ამავდროულად არბილებს. მგონი, შესანიშნავი ვარიანტია!
კონდიციონერი სოდით და საპნით
- 4 ლ წყალი
- 100 გრ დიასახლისის საპონი
- 100 გრ კალციფიცირებული სოდა
აქ, ცოტა შრომა მოგიწევთ, ისე გელს ვერ მიიღებთ. თავდაპირველად, დიასახლისის საპონი გახეხეთ და 1 ლ მდუღარე წყალში აურიეთ. თავის მხრივ, 3 ლ მდუღარე წყალში სოდა გახსენით. ორივე ნარევი აურიეთ და გააგრილეთ. გაგრილების მიხედვით სითხე ჟელეს ფორმას მიიღებს. მიღებული გელი მიქსერით ათქვიფეთ და შესანახ ჭურჭელში გადაიტანეთ. ყოველი რეცხვისას ზუსტად 200 გრ გელი გამოიყენეთ.
აი, რამდენი სასარგებლო რამ! სარეცხი მანქანის კონდიციონერს თეთრებად მიიღებთ და წლობით გამოყენებას შეძლებთ! თქვენი შთაბეჭდილებები აუცილებლად გაგვიზიარეთ.
