ოქროს წესები, რომლის ცოდნის გარეშე ხახვის ბოსტანში დარგვა არ უნდა დაიწყოთ

ისეთი დროა, რომ ბევრი ადამიანი საკუთარი ხილ–ბოსტნეულის მოყვანაზე ფიქრობს. დღის წესრიგშია ძირითადი საკვები პროდუქტების მოყვანა, რომლის გარეშე არც ერთი მარილიანი კერძი არ მზადდება. Alltime.ge-ს რედაქცია გიამბობთ, როდის დარგოთ ხახვი გაზაფხულზე და როგორ მოამზადოთ დასარგავად.

როდის დავრგოთ ხახვი გაზაფხულზე

გამოცდილი მებოსტნეები ხახვის დარგვას პასუხისმგებლობით ეკიდებიან, რადგან იციან, რომ ბევრი ხახვი არ არსებობს. გამოდის, რომ კულტურას შეგიძლიათ ცალკე კვალი თამამად დაუთმოთ. ხახვის დარგვის ბევრი მეთოდი არსებობს. მით უფრო, ხახვი პირდაპირ სახლში, ფანჯრის რაფაზე შეგიძლიათ გაზარდოთ.

დაგვეთანხმეთ, ყველას სურს, რომ ხახვი დარგოს და უხვი მოსავალი მიიღოს. ეს ბევრ ფაქტორზეა დამოკიდებული. პირველ რიგში, დასარგავი მასალა სწორად უნდა შეარჩიოთ. სხვა სიტყვებით, კვიჭიჭი. მის გარეგნობას ყურადღება მიაქციეთ. თუ კვიჭიჭი უკვე გაღვივებულია ან დამჭკნარია, კარგს არაფერს ელოდოთ. მისი ყიდვა არ ღირს. დამპალ და დაზიანებულ ბოლქვებსაც გვერდი აუარეთ. ასეთი კვიჭიჭი ნორმალურად არ გაიზრდება.

კვიჭიჭზე ფული არ დაზოგოთ. ფასდაკლებით დასარგავი მასალის შეძენის ყველა შესაძლებლობას არ წამოეგოთ. სავარაუდოდ, კარგ მოსავალს არ მოგცემთ. ეს ტყუილად დახარჯული თანხაა. ხარისხიანი ბოლქვები შეარჩიეთ: პატარა და მკვრივი. გარდა ამისა, ფურცლებს დააკვირდით. მთელი, ბზინვარე და პრიალა უნდა იყოს.

დარგვის დრო და ამინდი

მთავარი კითხვა: როდის დავრგოთ ხახვი გაზაფხულზე? მებოსტნეების უმრავლესობა ხახვს მაისში რგავს. გახსოვდეთ, რომ ბევრი რამ ადგილობრივ კლიმატზეა დამოკიდებული. მაგალითად, თუ შუა ზოლში ცხოვრობთ, ხახვი შეგიძლიათ აპრილის ბოლოს დარგოთ.

არა მხოლოდ თვე, არამედ ამინდის პირობები მნიშვნელოვანია. თუ გარეთ სველი და ცივი ამინდია, ხახვის დარგვა გადადეთ. მიწა მინიმუმ 15 გრადუსამდე უნდა გათბეს. ჯერ კიდევ ცივ მიწაში ხახვის დარგვით რისკავთ. დიდი ალბათობით, ხახვი ამოიწვერება.

კვლების მომზადება

ხახვი ბოსტანში სწორად რომ დარგოთ, არა მხოლოდ ბოლქვები, არამედ კვლები უნდა მოამზადოთ. წინასწარ, მაგალითად, შემოდგომაზე აირჩიეთ. ხახვისთვის მზიანი ნაკვეთი შეარჩიეთ. ეს კულტურა ჩრდილში ცუდად იზრდება. მიწა ფხვიერი და მკვებავი ნივთიერებებით მდიდარი უნდა იყოს.

ყურადღება მიაქციეთ, თუ რა იზრდებოდა ხახვამდე ამ ადგილას. მაგალითად, ხახვისთვის კარგია ისეთი ადგილი, სადაც ადრე იზრდებოდა პარკოსანი, ჭვავი, ბადრიჯანი, ყაბაყი და კარტოფილი. ამ კულტურების წყალობით მიწა მკვებავი ნივთიერებებით გამდიდრებული და უფრო წყალგამტარია. აი, კიტრი, ნიორი და სტაფილო ხახვის წინამორბედად შესაფერისი არაა.

შემოდგომაზე მიწა გადაბარეთ. შემდეგ მიწა გამოკვებეთ. ნაკელი, კომპოსტი ან მინერალური სასუქი გამოგადგებათ. ამ პროცედურის შემდეგ მიწა გაასწორეთ და დეზინფიცირება ჩაუტარეთ. ამისთვის მარგანცოვკის ხსნარი შესანიშნავია.

კვიჭიჭის მომზადება

1. კლასიფიცირებით ვიწყებთ. კვიჭიჭი უნდა გადაარჩიოთ და გადაყაროთ ყველა ბოლქვი, რომელსაც ლპობის ნიშნები აქვს. ახლა დასარგავი მასალა მსხვილ და პატარა ბოლქვებად დაყავით. დიდი კვიჭიჭი თავებისთვის გამოგადგებათ, ხოლო პატარა – ღეროებისთვის.

2. ახლა კვიჭიჭი გააშრეთ და გაათბეთ. ეს აუცილებელია, თუ ხახვის ბოლქვები გრილ ადგილას დიდხანს ინახებოდა. საკმარისია, რომ მზიან მხარეს ფანჯრის რაფაზე თანაბარ ფენად მოათავსოთ.

3. ახლა კვიჭიჭი უნდა გააძლიეროთ. ამისთვის ცხელი წყლით სავსე ტაშტში, შემდეგ ცივ წყალში მოათავსეთ. თითოეული პროცედურისთვის მკაცრად 5 წუთი გამოყავით. თუ ხახვის ზრდის დაჩქარება გსურთ, გამკვრივების შემდეგ სპეციალური ზრდის სტიმულატორით დაამუშავეთ. მაგალითად, „კორნევინით“ ან „ეპინით“.

4. ბოლო ეტაპი დარგვის წინ – დეზინფექცია. ბოლქვებს, ასევე მიწას, სადაც ხახვი უნდა გაიზარდოს მარგანცოვკის სუსტი ხსნარით დეზინფექცია ჩაუტარეთ. ახლა დასარგავი მასალა შეგიძლიათ უბრალოდ გარეცხოთ და გაამშრალოთ.

როცა ყველა ეტაპს გაივლით, დროა ხახვი მიწაში დარგოთ. ხახვი მიწაში ისე ჩარგეთ, რომ მიწის ზემოთ მხოლოდ პატარა ყუნწები დარჩეს. ხახვის ბოლქვებს შორის მინიმუმ 10 სმ მანძილი უნდა იყოს. დარგვის შემდეგ წყლით მორწყეთ. ამ წესების დაცვით, ხახვის კარგ მოსავალს მიიღებთ.