მეორადი ტანსაცმელი და მისი გაწმენდა უცხო ენერგეტიკისგან. მამაოს რჩევები

თანამედროვე სამყაროში მეორადი ტანსაცმელი აკრძალული თემა არაა, მაგრამ დღემდე ბევრი კითხულობს, შეიძლება თუ არა მისი ტარება. Аlltime.ge–ს რედაქცია გიზიარებთ ნინას ისტორიას, რომელსაც მეგობარი მეორადი ტანსაცმლის ტარების გამო ალმაცერად უყურებს. ვფიქრობთ, რომ მეორადი ტანსაცმლის ტარებაში სამარცხვინო არაფერია, თუმცა მისი სწორად გაწმენდა უნდა იცოდეთ.

მეორადი ტანსაცმელი

„ჩემი ისტორია ბევრი სხვას მსგავსია. ქმარმა მიმატოვა და ალიმენტებსაც არ იხდის. ცოლი და შვილი მისთვის დიდი პასუხისმგებლობა იყო. სასამართლოში არ მიჩივლია.

საბედნიეროდ, მაქვს პატარა კერძო სახლი, რომელიც ბებიამ დამიტოვა. პატარა ნაკვეთია, მაგრამ ზაფხულში ბევრ რამეს ვზრდი. ასე ბავშვიც სუფთა ჰაერზე დროს ატარებს. ზოგჯერ თვიდან თვემდე თავის გატანა გვიჭირს. გასულ წელს ჩემი შვილი სკოლაში შევიდა და ხარჯიც გაიზარდა.

ყველა მეთოდით ფულის დაზოგვას ვცდილობ. მაგალითად, ახალ ტანსაცმელს არ ვყიდულობ. როგორღაც მეორადებში სიარულს მივეჩვიე. ვფიქრობ, რომ ამაში ცუდი არაფერია. ბევრ სხვადასხვა ნივთს ვყიდულობ, სახლში მიმაქვს, ორჯერ ვრეცხავ და ვაუთოებ.  ახალივით გამოიყურება!

ვერ ვხვდები, ახალი ტანსაცმლის ყიდვა რა საჭიროა. ასე ეკოლოგია ზიანდება, თან ბავშვის შემთხვევაში უაზროა. მით უფრო კერძო სახლში. წარმოდგენაც არ მინდა, რამდენი ფულის დახარჯვა მომიწევდა, ტანსაცმელი მაღაზიაში რომ მეყიდა. თან ხარისხი ნანახი გაქვთ?

ჩემს ისტორიას არ მოგიყვებოდით, რომ არა ერთი შემთხვევა. ერთხელ ახლო მეგობარმა შოპინგზე დამპატიჟა. თავად არაფერი მიყიდია. ეს ძალიან გაუკვირდა. გაიგო, რომ მეორადებს ვყიდულობ. ისეთი სახე მიიღო, რომ თავი უხერხულად ვიგრძენი.

რა ვუყოთ მეორად ტანსაცმელს

იმ დღიდან ჩვენი ურთიერთობა გაფუჭდა. მივხვდი, რომ ჩემთან ურთიერთობის რცხვენოდა. უფრო იშვიათად ვნახულობდი. ერთ დღეს შემთხვევით შევხვდი, როცა მე და ჩემი ქალიშვილი მეორადი ტანსაცმლის მაღაზიიდან გამოვდიოდით. თვალებში შემომხედა, მაგრამ უსიტყვოდ ჩამიარა, თითქოს უცნობები ვიყავით.

იმ მომენტში მივხვდი, რომ არასდროს დავურეკავდი. არადა მასთან ლაპარაკი მიყვარდა. ჩემი ერთადერთი მეგობარი იყო. ვერ წარმოვიდგენდი, რომ ასეთ სისულელეს მეგობრობის დანგრევა შეეძლო.

მთელი კვირა თავს საშინლად ვგრძნობდი. რჩევისთვის მამაოს მივმართე. მამაომ მომისმინა და მითხრა, რომ საჭირო ხალხი ცხოვრებიდან არასდროს გაქრება,დამნაშავე არ ვარ და სინდისი სუფთა მაქვს.

ბოლოს მირჩია, რომ მეორადი ტანსაცმელი უცხო ენერგეტიკისგან გავწმინდო. გაწმენდის რიტუალიც მასწავლა. ახლა ტანსაცმელს წყლისა და მარილის ნარევში ვალბობ. 1–2 სუფრის კოვზი მარილი საკმარისია. რამდენიმე საათის შემდეგ სარეცხ მანქანაში ვრეცხავ.

გამშრალებულ ნივთებს ნაკურთხ წყალს ვასხამ. მამაომ მითხრა, რომ ზაფხულში მეორადი ტანსაცმელი მზეზე გავიტანო. მისი თქმით, მზე ძლიერი ბუნებრივი გამწმენდია.

ამის გაკეთება დავიწყე და ცხოვრება დალაგდა. მეგობრის გამო აღარ ვნერვიულობ. ჩემს ცხოვრებაში მამაკაციც გამოჩნდა. გავიცანი მეორადი ტანსაცმლის მაღაზიაში, როცა ქალიშვილისთვის სპორტულ კოსტიუმს ვარჩევდი. მითხრა, რომ ძალიან საყვარელი ვარ. ახლა ერთმანეთს ვხვდებით და მის მიმართ გრძნობები გამიჩნდა. როგორც ჩანს, სასწაულები ხდება!“

ჩვენი ცხოვრებიდან ადამიანების გაშვება უნდა ისწავლოთ. ამის გარეშე თავს დამნაშავედ იგრძნობთ, რომ ვინმემ ზურგი შეგაქციათ. სხვადასხვა მიზნები და ხედვა ყველაზე ახლო მეგობრების დაშორების მიზეზი ხშირად ხდება.