მეზობელი უკვე მე-5 წელია მოცხარს კვებავს და ყურძენივით მსხვილ კენკრას იღებს

მეზობელი ბაბუა მოცხარის ძველი ბუჩქებიდანაც კარგ მოსავალს იღებს. ყველაფერი მასწავლა. „შავი მოცხარის გამოკვება ერთ–ერთი ყველაზე მნიშვნელოვანი ეტაპია სუპერვიტამინებით სავსე კენკრის მოვლისას“ – ამბობს ის. უკვე მე-5 წელია ამ ხრიკს იყენებს და უხვ მოსავალს იღებს.

Alltime.ge–ს რედაქცია გიამბობთ, როგორ გამოკვებოთ მოცხარი, რომ კენკრის ზომამ გაგახაროთ. წლების მიერ გამოცდილი სქემაა!

შავი მოცხარის გამოკვება

თუ მოცხარის კენკრა პატარა და მჟავეა, ამის მხოლოდ 2 მიზეზი არსებობს: ცუდი ჯიში ან ძველი ბუჩქი. თუ პირველი მიზეზის გამოსწორება შეუძლებელია, მეორეს შემთხვევაში მხოლოდ ბუჩქის ახლით ჩანაცვლება გვაფიქრდება. შეჩერდით, ასე არ მოიქცეთ! სანამ ახალი ბუჩქი განვითარდება და კარგ მოსავალს მოგცემთ, დრო გავა. უფრო მარტივი და უკეთესი ვარიანტი არსებობს.

„მხოლოდ ერთ სასუქს ვიყენებ. სახამებელზე დაფუძნებული და უნაკლოა!“ – ამბობს მეზობელი. პირველ რიგში, თავად სახამებელი მოცხარისთვის ძალიან სასარგებლოა, რადგან ბევრ სასარგებლო ელემენტს და კალიუმს შეიცავს. ასეთი სასუქი მიწას სასარგებლო მიკროელემენტებით ეფექტურად ამდიდრებს და მოცხარი სწრაფად იზრდება. გარდა ამისა, ასეთი გამოკვების შემდეგ კენკრის ზომა გაორმაგდება!

მეორეც, ბიუჯეტური მეთოდია, რადგან სახამებელი მაღაზიაში ნაყიდ საშუალებასთან შედარებით იაფია!

1 შეფუთვა (დაახლოებით 200 გ) სახამებელი შეიძინეთ და დიდ ქვაბში ჩაყარეთ. სახამებელი 3 ლ გამდინარე წყალში გააზავეთ. ნარევი ცეცხლზე დადგით და ადუღებამდე მიიყვანეთ, მუდმივად ურიეთ. ნარევი ცოტა ხნით გააჩერეთ, შემდეგ 10 ლ წყალში გააზავეთ. ამის შემდეგ მოცხარის ბუჩქები თამამად შეგიძლიათ მორწყათ.

კარტოფილის ნათალიც გამოგადგებათ. ისიც სახამებელს შეიცავს. კიდევ უფრო ბიუჯეტური მეთოდია. მთელი ზამთარი კარტოფილის ნათალი შეაგროვეთ და გაახმეთ. გასახმობად მშრალ ზედაპირზე ერთ ფენად გაშალეთ. ასე გაზაფხულზე საკმარისი მასალა გექნებათ, რომ სასუქი მოამზადოთ.

4 მუჭა ნათალი ვედროში ჩაყარეთ, ცხელი წყალი დაასხით და 5 დღე გააჩერეთ. ყურადღება მიაქციეთ, რომ ნარევს მთელი პერიოდის განმავლობაში მინიმუმ 3-ჯერ უნდა მოურიოთ. როცა ზედაპირზე ქაფი გაჩნდება, სასუქი მზადაა!

თუ კარტოფილის ნათალის გახმობას ვერ ახერხებთ, უმი შეგიძლიათ გამოიყენოთ. ბუჩქის გარშემო 10 სმ სიღრმეზე ორმო ამოთხარეთ, ორმოში ნაყენი კარტოფილის ნათალთან ერთად ჩაასხით და ჩამარხეთ.

მოცხარს ასეთი სასუქი გაზაფხულსა და შემოდგომაზე მიაწოდეთ. ზაფხულში კარტოფილის ნათალები უნდა მოაშოროთ.

მოცხარის ბუჩქებს ძველი ყლორტები მოაშორეთ, რომ ახალ ყლორტებს სივრცე გაუფართოვოთ. ასე ასაკოვან ფესვების სისტემაზე დატვირთვას შეამცირებთ.

მოსავლის აღების შემდეგ ბუჩქის გასხვლა და გამოკვება წელს უზარმაზარი მოსავლის მიღებაში დამეხმარა. დროული დამუშავება, გასხვლა და გამოკვება შესანიშნავი მოსავლის გარანტიაა. ამერიკა არ აღმომიჩენია, მაგრამ ამაში პირადი გამოცდილებით დავრწმუნდით. ადრე 3-4-ჯერ ნაკლებ მოსავალს ვიღებდი.