კარტოფილს ვაშლი ან ლიმონი დაუმატეთ, რომ ზაფხულამდე არ გაღივდეს

თაროებზე კონსერვები უკვე დევს, ახალი ბოსტნეული მაღაზიებიდან თანდათან ქრება, ხოლო გამოცდილი დიასახლისები კარტოფილს იმარაგებენ. ზაფხულის ბოლო მხოლოდ გაღიავებული თმა და რუჯი არაა. ცივ სეზონზეც უნდა იზრუნოთ.

კარტოფილის ზამთრისთვის მომზადება ერთ–ერთი მნიშვნელოვანი საქმიანობაა. ზამთარში კარტოფილის პიურე, გამომცხვარი კარტოფილი და მაიონეზის სალათი კარტოფილით ხომ უნდა მოამზადოთ. ეს ბოსტნეული თავის თვისებებს და გარეგნობას ზამთრის ბოლომდე ინარჩუნებს. Alltime.ge–ს რედაქცია გიამბობთ, როგორ შეინახოთ კარტოფილი, რომ არ გაღივდეს.

როგორ შევინახოთ კარტოფილი სარდაფში

სანამ კარტოფილს სარდაფში შეინახავთ, ყველა ყლორტი მოაშორეთ. მნიშვნელობა არ აქვს, კარტოფილი ნაყიდია თუ შეძენილი. შენობის ოპტიმალურ ტემპერატურაზე იზრუნეთ. კარტოფილისთვის 2-3° C ოპტიმალურია, არც მაღალი და არც დაბალი. ასე კარტოფილს დიდხანს და უკეთ შეინახავთ.

გიამბობთ, როგორ აიცილოთ თავიდან ახალი ყლორტები კარტოფილზე. ჩვეულებრივი ლიმონი დაგჭირდებათ. ჩანგლით რამდენჯერმე დახვრიტეთ და ძირნაყოფს დაადეთ. 100 კგ კარტოფილზე 1 ლიმონი დაგჭირდებათ. ლიმონი გამოყოფს მიკრონაწილაკებს, რომელიც ძირნაყოფის გაღივებას ხელს უშლის.

ლიმონის ნაცვლად მჟავე ვაშლი შეგიძლიათ გამოიყენოთ. ტომრის ძირში წითელი ცირცელის რამდენიმე ფოთოლი ან გვიმრის ღერო შეგიძლიათ დადოთ. ეს მცენარეები გამოყოფენ ფიტონციდებს, რომლებიც პათოგენებს უმკლავდებიან. ძველად კარტოფილს ასე ინახავდნენ. თუ ბევრი კარტოფილი არ გაქვთ, ტომარაში ვაშლთან ერთად შეინახეთ, ზემოდან ქვიშა მოაყარეთ. წინასწარ ცხელ ღუმელში გააცხელეთ.

თუ ინსტრუქციას დაიცავთ, თქვენი კარტოფილი არა მხოლოდ გაზაფხულამდე, არამედ ზაფხულამდე გაძლებს. ძირნაყოფი ახალივით იქნება. ახლა კარტოფილის მომარაგებაზე იზრუნეთ, რომ ზამთარში უგემურ ბოსტნეულში ბევრის გადახდა არ მოგიწიოთ.