ბუკინგემის სასახლიდან სამწუხარო ამბავი მოვიდა. მისი უმაღლესობა ელისაბედ II გარდაიცვალა

8 სექტემბერს საღამოს ბუკინგემის სასახლიდან დედოფალი ელისაბედის შესახებ სამწუხარო ამბავი გავრცელდა. მისი უმაღლესობა გარდაიცვალა. წინა დღეს ინფორმაცია გავრცელდა, რომ დედოფლის ჯანმრთელობის მდგომარეობა გაუარესდა. ექიმები მას სამედიცინო დაკვირვებას ურჩევდნენ. დედოფალმა სიცოცხლე დალია ბალმორალის ციხესიმაგრეში, რომელიც ძალიან უყვარდა. ცნობილია, რომ დედოფალი ციხესიმაგრეში მისული ახლობლების გარემოცვაში მშვიდად გარდაიცვალა. სიცოცხლის ბოლო წუთებში მის გვერდით პრინც ჩარლზი იყო. Аlltime.ge–ს რედაქცია გიამბობთ, რა არის ცნობილი ამ მომენტისთვის. შეგახსენებთ, როგორი იყო ელისაბედ II, რატომ უყვარდათ მთელ მსოფლიოში.

დედოფალ ელისაბედის შესახებ

ჯერ კიდევ 6 სექტემბერს დედოფალი შოტლანდიაში, ბალმორალის ციხესიმაგრეში ლიზ ტრასს შეხვდა. აქვე ქალი დიდი ბრიტანეთის ახალ პრემიერ მინისტრად დანიშნა. უკვე მეორე დღეს ცნობილი გახდა, რომ დედოფლის ჯანმრთელობა გაუარესდა.

დილით 8 სექტემბერს ექიმები აცხადებდნენ, რომ მისი უმაღლესობის ჯანმრთელობით შეწუხებულნი იყვნენ. დედოფალი ექიმების კონტროლის ქვეშ იმყოფებოდა. ბუკინგემის სასახლესა და ბალმორალის ციხესიმაგრეში ხალხმა სვლა დაიწყო. მთელი ქვეყანა დედოფლისთვის ლოცულობდა.

ამ ამბების შემდეგ მისი შვილები მაშინვე შოტლანდიაში ჩავიდნენ: პრინცები ჩარლზი, ენდრიუ, ედუარდი და პრინცესა ანა. მის გვერდით მისი შვილიშვილი პრინცი უილიამსიც იყო. ბებიის სანახავად წამოვიდა პრინცი ჰარიც, რომელიც ახლა აშშ–ში ცხოვრობს.

ქვეყანა ამ შემაშფოთებელ ამბავს სერიოზულად შეხვდა. დღეს ბუკინგემის სასახლეში მცველის შეცვლა გაუქმდა. BBC–მ წითელი ფერი შავით შეცვალა. მთელი დღე სამეფო ოჯახის ამბებს აშუქებდნენ და რეგულარული პროგრამები შეწყვიტეს.

8 სექტემბერს 20:30 საათზე სამეფო ოჯახმა განაცხადა, რომ დედოფალი ელისაბედ II თავის საყვარელ ბალმორალის ციხესიმაგრეში გარდაიცვალა. ის 96 წლის იყო.

დიდმა ბრიტანეთმა 10 დღიანი გლოვა გამოაცხადა. ბუკინგემის სასახლის თავზე დროშა დაუშვეს, კარიბჭეზე გამოაკრეს შეტყობინება, რომ დედოფალი აღარაა. სასახლესთან ასობით ათასობით ადამიანი დგას. ისინი ცრემლებს ვერ იკავებენ და ჭიშკართან ყვავილები მოაქვთ.

შემდეგი მეფე ელისაბედის შვილი ჩალზი გახდება. ოფიციალური ცერემონია ლონდონში გაიმართება, როგორც კი შესაძლებელი გახდება.

როგორი გვახსოვს დედოფალი

დედოფალ ელისაბედზე ორი სიტყვით თქმა შეუძლებელია. მისი ბიოგრაფიის შესახებ მთელი წიგნების დაწერა შეიძლება. წელს დედოფალმა ტახტზე ყოფნის პლატინის იუბილე, 70 წელი აღნიშნა. გვირგვინის მფლობელი ნებისმიერ ინგლისელ მონარქზე დიდხანს მეფობდა. ჯერ კიდევ 27 წლის ასაკში ტახტზე ავიდა. მთელი ცხოვრების მანძილზე მრავალი რეკორდი დაამყარა.

2012 წელს უმდიდრეს მონარქად დასახელდა. მისი ქონება ზუსტად 310 მლნ სტერლინგი იყო. ასევე ყველაზე ავტორიტეტულ მმართველად აღიარეს. მას თანამეგობრობის 116 სახელმწიფო ექვემდებარებოდა. ელისაბედი დიდხანს ჩვენი დროის უხუცესი დედოფალი იყო და ისტორიაში ყველაზე დიდხანს მმართველი მონარქი გახდა.

პრინც ფილიპთან ქორწინებაც რეკორდული იყო. ერთად 73 წელი იყვნენ. ასეთი ხანგრძლივი და ძლიერი ურთიერთობით ყველა ვერ დაიკვეხნის. სამწუხაროდ, ედინბურგის ჰერცოგი 2021 წლის 9 აპრილს გარდაიცვალა. ის 99 წლის იყო. ახლა ისევ ერთად არიან.

ვფიქრობთ, რომ დედოფალს კიდევ ერთი რეკორდი ჰქონდა, რომელიც დადასტურებული არაა. მთელ მსოფლიოში ყველაზე მეტ ადამიანს უყვარდა. საკუთარ ქვეყანაში მას თაყვანს სცემდნენ და ქვეყნის გარეთ მისით აღფრთოვანებულნი იყვნენ. მთელი მსოფლიო გლოვობს. მათთან ერთად ჩვენც. დედოფალი ელისაბედი ხომ ჩვენთვის მშობლიური გახდა. თითქოს, დედოფალი მარადიულად იცხოვრებდა. როგორც მინიმუმ, ჩვენს გულებში სამუდამოდ დარჩება. მშვიდად განისვენე, თქვენო უდიდებულესობავ!