შობის წინადღე. როგორ უნდა გაატაროთ სწორად ბედნიერების მოსაზიდად

საახალწლო და საშობაო დღესასწაულები გახურებულია. ზამთრის ამინდი არ გვაქვს, თოვლის და ძლიერი ყინვების გარეშე, მაგრამ ხალხი ახალ წელს მაინც სიხარულით შეხვდა. კათოლიკური ეკლესიის მორწმუნეებმა შობაც აღნიშნეს. წინ გველოდება შობის აღნიშვნა 7 იანვარს, ასევე შობის წინადღის აღნიშვნა.

შობის წინადღე, 24 დეკემბერს და 6 იანვარს აღინიშნება. როგორც წესი, მორწმუნეები საშობაო მარხვას იცავენ, ამიტომ ძალიან მოკრძალებულად აღინიშნება.

როგორ შეხვდეთ შობის წინადღეს სწორად

შობის წინადღეს წმინდა საღამოს უწოდებენ. ბიბლიური ტექსტების მიხედვით, სწორედ ამ საღამოს ცაში ბეთლემის ვარსკვლავი გამოჩნდა. ის მთელი მსოფლიოსთვის ნიშანი გახდა, რომ პატარა იესო დაიბადა. ეს მნიშვნელოვანი ფაქტი გახდა, რადგან დღესაც ოჯახები ერთ სუფრაზე იკრიბებიან და ვახშმობას მხოლოდ ცაზე პირველი ვარსკვლავის გამოჩენის შემდეგ იწყებენ.

ძველად მორწმუნე ადამიანი მთელი დღე არაფერს ჭამდა. პირველი კერძი სადღესასწაულო ვახშამი იყო. ახლა ეს წესი ნაკლებად გავრცელებულია. თუმცა ათიოდე სამარხვო კერძის ტრადიციას დღემდე იცავენ. სუფრაზე აუცილებლად უნდა ყოფილიყო კომპოტი, წანდილი, მჟავე კომბოსტო, კომბოსტოს ან კარტოფილის გირცები, თევზი, სოკო, ჭარხალი, სამარხვო ბორში, თევზის ლაბა, ალუბლის გირცები, ლობიო, ფუნჩულები ან სხვა სამარხვო ცომეული.

რა თქმა უნდა, თითოეულ დიასახლისს სამარხვო მენიუს საკუთარი ვარიანტი აქვს. წანდილი სუფრის მშვენებაა. მასაც განსხვავებული მეთოდებით აკეთებენ. ხშირად წანდილი ხორბლისგან მზადდება, მაგრამ ბრინჯითაც გვხვდება. გარდა ამისა, მას უმატებენ ყაყაჩოს, თაფლს, ნიგოზს, ქიშმიშს. სურვილისამებრ, შეგიძლიათ დაუმატოთ გარგარის ჩირი, შავქლიავი, შოკოლადის და ჰალვის ნატეხები.

სასარგებლო რჩევები

შობის წინადღეს სახლის დალაგებაზე, რეცხვაზე, კერვასა და სხვა საოჯახო საქმეზე უარი თქვით. კერძების მომზადება აკრძალული არა. კარგია, თუ ამ დღეს საღამოს ოჯახის წევრებთან ერთად გაატარებთ. ოჯახის წევრებს შეუძლიათ 12 სადღესასწაულო კერძის მომზადებაში წვლილი შეიტანონ. ასე ვთქვათ, სასარგებლო სასიამოვნოს უნდა შეუთავსოთ.

ეკლესიის მონახულება ზედმეტი არაა. გაჭირვებულებს დაეხმარეთ, ილოცეთ. თუ ეკლესიაში წასვლას ვერ ახერხებთ ან სიტუაცია ამის საშუალებას არ გაძლევთ, ლოცვა სახლში წაიკითხეთ. გახსოვდეთ, რომ შობის წინადღეს გარდაცვლილები უნდა გაიხსენოთ. ახსენეთ ყველა, ვისაც იცნობთ და არ იცნობთ. მათთვის მარადიული სიმშვიდე და რბილი ღრუბლები ისურვეთ.

საინტერესო ტრადიციები

რა თქმა უნდა, ყველა წესი, რომელსაც შობის წინადღეს იცავდნენ, შემორჩენილი არაა. ისინი ახალგაზრდა თაობისთვის ძალიან საინტერესო და ჭკუის სასწავლებელია. მოკლედ, პირველი ვარსკვლავის ამოსვლისას ოჯახს შეუძლია რომ ლოცვის შემდეგ ტრაპეზი დაიწყოს. პირველი მაგიდასთან ჯდება მამა, შემდეგ ყველა დანარჩენი.

ოჯახის უფროსს შეუძლია წანდილის კოვზი ჭერისკენ ისროლოს. შემდეგ დააკვირდეთ, ბევრი მარცვალი მიეკვრა თუ არა. თუ ბევრია, ახალ წელს კარგი მოსავალი იქნება. თუ საერთოდ ვერ მიაღწია, თქვენი შრომა უშედეგოა.  მნიშვნელოვანია, რომ მაგიდაზე სანთელი აანთოთ და ცარიელი თეფში მოამზადოთ.

ეს გარდაცვლილი ნათესავების ფორმალურად გამოსაკვებად კეთდება. თეფში და კოვზი მთავარ მაგიდაზე ან რომელიღაც სხვა ადგილზე მოათავსეთ. მაგალითად, ფანჯრის რაფაზე. სურვილისამებრ, თეფში წანდილით გაავსეთ. მაგალითად, უკრაინაში ადრე კანკელის ქვეშ დებდნენ დიდუჰს. ესაა ხორბლის თავების კონა, რომელიც გასული წლის პირველი ან ბოლო მოსავლის ნაწილი შეიძლება ყოფილიყო. მას წინაპრების პატივსაცემად და მომავალში კარგი მოსავლის მისაღებად იყენებდნენ.

საახალწლო და საშობაო დღესასწაულები

შობის წინადღეს იწყება წმინდა პერიოდი, რომელიც 19 იანვარს ნათლისღებით სრულდება. მნიშვნელოვანია, რომ წმინდა საღამოს და სხვა დანარჩენ რელიგიურ დღესასწაულებზე ერთმანეთს მხარი დავუჭიროთ. კამათი, შური, ავი ზრახვები აკრძალულია. თუ იკამათებთ, მალე შერიგდით. ერთ დროს ამ დღეს მკითხაობა მიღებული იყო, მაგრამ სასულიერო პირები ასეთ გართობას არ იწონებენ.

ვიმედოვნებთ, რომ საახალწლო და საშობაო დღესასწაულები სრულად განტვირთვაში დაგეხმარებათ. ყველას სულიერ სითბოს და სიმშვიდეს გისურვებთ.