რატომ უნდა ჩადოთ აქტივირებული ნახშირი ბოსტნეულის ყუთში

იმის მიუხედავად, რომ თანამედროვე დიასახლისი ვარ, საკმაოდ კონსერვატიული ვხდები, როცა საქმე ყოველდღიურობას ეხება. ქიმიის გამოყენება არ მიყვარს. განსაკუთრებით ისეთ ადგილებში, სადაც პროდუქტები ინახება. უპირატესობას ნატურალურ სახლის მოვლის საშუალებებს ვანიჭებ. აი, აქტივირებული ნახშირი ყოველდღიურობაში ნამდვილად გამოგადგებათ. დღეს გიამბობთ, თუ როგორ და სად გამოიყენოთ.

მეუღლეს ბებიამ ქალაქგარეთ პატარა ნაკვეთი დაუტოვა. აგარაკს ვერ ვუწოდებთ, რადგან კომფორტული პირობები არ გვაქვს. რაც მთავარია, მიწა ნაყოფიერი და კარგია. მისი მიტოვება გვენანება. სწორედ ამიტომ, ყოველწლიურად კარტოფილს ვრგავთ. შემდეგ კი, ბოსტნეულის შესანახად აქტივირებულ ნახშირს ვიყენებთ.

ჩვენ გარემონტებულ ე.წ. „ხრუშჩოვკის“ ბინაში ვცხოვრობთ. როგორც ბევრს, ჩვენც არ გვაქვს სარდაფი ან მარანი. ბოსტნეულს აივანზე ვინახავთ. და მაინც, გაზაფხულამდე ბევრი ახალი და საკვებად ვარგისი ბოსტნეულის შენახვას ვახერხებ. გიზიარებთ საიდუმლოს!

პირველ რიგში, ბოსტნეული კარგად გააშრეთ, მაგრამ არ გარეცხოთ. ნაადრევად დამწიფებული ბოლქვები გადაარჩიეთ. მათი შენახვა მხოლოდ ნოემბრამდე შეიძლება. ასეთ ბოლქვებს დაუყონებლივ საკვებად ვიყენებ.

ნაადრევად დამწიფებული ბოლქვები სამზარეულოსთან ახლოს შეინახეთ. მას მუყაოს ყუთში, საკუჭნაოში ვინახავ. მუყაოს ყუთში წინასწარ გაზეთს ვაფენ, რომ ზედმეტი ტენი შეიწოვოს.

ჭარხალს კარტოფილთან ერთად ვინახავ. საქმე იმაშია, რომ ის ტენს იწოვს. ეს თვისება კი კარტოფილს ლპობის საშუალებას არ აძლევს. სხვათა შორის, ტენის შესახებ. სწორედ ამ მიზნით აქტივირებული ნახშირი გამოგადგებათ.

თითოეულ ბოსტნეულის ყუთში აუცილებლად 5-10 აბ ნახშირს ვამატებ. თვეში ერთხელ ან როცა გამახსენდება, აბებს ახლით ვცვლი. ეს საშუალება ყუთებში ტენიანობას ამცირებს.

გახსოვდეთ, რომ ბოსტნეულის შესანახად საჭიროა არა მხოლოდ ტენიანობის საჭირო დონე, არამედ ჰაერის ცირკულაცია. თუ კარტოფილის შენახვას ვედროში აპირებთ, წინასწარ გახვრიტეთ.

აივანზე კარტოფილი ხის ყუთებში შეინახეთ. სჯობს მატრიოშკას სათამაშოს სახით გააკეთოთ, ორმაგი ძირით და კედლებით. კედლებს შორის პენოპლასტი ან ნახერხი ჩაყარეთ.

კონსტრუქციის შიგნით კედლები კალიუმის პერმანგანატის ხსნარით დაამუშავეთ. ასეთ სახლში კარტოფილი შესანიშნავად გამოიზამთრებს. მას ხელსაყრელი ტემპერატურა და ჰაერის ვენტილაცია გარანტირებული ექნება.

ასეთი სახით კარტოფილი და ზოგიერთი სახის ბოსტნეული შეგიძლიათ გაზაფხულამდე შეინახოთ. ჩვენ, უკვე მივეჩვიეთ რომ ზამთარში ბოსტნეულს არ ვყიდულობთ. აივანზე ხომ ჩვენი მოყვანილი, ნატურალური და გემრიელი ბოსტნეული გვაქვს.

რა თქმა უნდა, კერძო სახლის ბედნიერ მფლობელებს უფრო მეტად გაუმართლათ, ვიდრე ჩვენ, ბინის მფლობელებს. თუმცა ნებისმიერი სიტუაციიდან შეიძლება გამოსავლის პოვნა. გვეთანხმებით? მოგვწერეთ, თქვენ სად და როგორ ინახავთ ბოსტნეულს ზამთარში?